Isúso 14:12 - Библия - Пэ Балтитко Романи чиб (Романэс) 2019

¹² и адя́кэ, дэ ма́нгэ дая́ бэ́рга, пал сави́ ракирдя́ Рай Дэвэ́л дрэ дова́ дывэ́с; пал-дова́ со шундя́н дро дова́ дывэ́с, со одо́й дживэ́на Енакоскирэ чхавэ́, и фо́рья лэ́ндэ исын барэ́ и зоралэ́ тынэ́нца, могинэ́ла тэ явэ́л, со Рай Дэвэ́л явэ́ла ма́нца, и мэ вытрадава лэн, сыр ракирдя́ Рай Дэвэ́л”.

Biblija - Pe Baltitko Romani čib (Romanes) 2019

¹² i adiáke, de mánge daja bérga, pal saví rakirdiá Raj Devél dre dová dyvés; pal-dová so šundián dro dová dyvés, so odój dživéna Jenakoskire čhavé, i fórja lénde isyn baré i zoralé tynénca, moginéla te javél, so Raj Devél javéla mánca, i me vytradava len, syr rakirdiá Raj Devél”.

Isúso 14:12 Referans Kwoze

Юдэ́нгэ 11:33

савэ́ пэ́скирэ патяибна́са пиризорьякирэнас яви́р кралипэна́, кэрэ́нас пир чачипэ́н, дорэсэнас дова́, пал со Дэвэ́л дыя́ лав лэ́нгэ, пхандэнас муя́ шчэрэ́нгэ (левэнгэ),

Filipiicenge 4:13

Мэ саро́ могина́ва тэ вырикирав зорья́са, сави́ Христо́со дэ́ла ма́нгэ.

Čysly 13:33

И розмэкнэ налачхи мавлы́н (малва) пал пхув, сави́ ёнэ обдыкхнэ, машки́р Израилёскирэ чхавэ́ндэ, пхэни́: “Пхув, сави́ амэ прогиям ваш дыкхибэ́н, исын пхув, сави́ ха́ла одолэ́с, кон дживэ́ла пэ ла́тэ, и сарэ́ мануша́, савэ́н амэ дыкхцям машки́р лэ́ндэ, мануша́ исын древа́н вучэ́.

Čysly 13:28

и роспхэнэнас лэ́скэ (Мойза́скэ) и ракирдэ́: “Амэ псирдям пэ пхув, пэ сави́ ту бичхадян амэн; пэ ла́тэ, чачэс, тхадэ́ла тхуд и авги́н, и ґа́да, исын ла́кирэ барьякирдэ́ (пло́ды);

Римлянэнгэ 8:31

Со амэ тэды пхэна́са пэ дава́? Ко́ли Дэвэ́л исын пал амэ́ндэ, тэды кон исын проти амэ́ндэ?

Isúso 15:14

И вытрадыя́ одотхы́р Халево тринэн Енакоскирэ чхавэ́н: Шешаёс, Ахиманос и Фалмаёс, Енакоскирэ чхавэ́н.

Psalmy 60:12

Ци Ту чхурдыян дрэ риг, чачэс, Дэ́вла? Ци Ту на джа́са анги́л амарэ́ халадыбэна.

Psalmy 44:3

Ту традыян криг Пэ́скирэ вастэ́са Наюды́тка на́цыи, а чхудя́н пэ́скирэ манушэ́н тэ дживэ́н; Ту тасадян Наюды́тка на́цыи, а дыя́н Пэскирэнгэ тэ роскхувэнпэ.

2 Паралипоменоно 14:11

И кхардя́ зоралэ́с Аса́ кэ Рай Дэвэ́л, пэ́скиро Дэвэ́л, и пхэндя́: “Раё Дэ́вла! Ци на дрэ Тыри́ зор тэ помогинэс зоралэскэ, ци бизорьякирэскэ? Помогин амэ́нгэ, Раё Дэ́вла, Дэвэ́л амаро́: пал-дова́ со амэ Ту́тыр ужакираса лачхипэ́н, и дрэ Тыро́ лав выгиям амэ проти далэ́ бутэндэ манушэ́ндэ. Раё Дэ́вла! Ту сан амаро́ Дэвэ́л: мэк тэ на пиризорьякирэл Тут ману́ш.”

1 Kralip 14:6

И пхэндя́ Ионафа́но пэ́скирэ дынари́скэ, саво́ лыджалас лэ́скиро марды́тко: “Джа́, пириджаса кэ адалэ́ наобчхиндлэнгиро отрядо; могинэ́ла тэ явэ́л, со Рай Дэвэ́л помогинэла амэ́нгэ; пал-дова́ со ваш Ра́скирэ-Дэвлэ́скэ нанэ пхаро́ тэ зракхэ́л пирда́л бутэндэ, ци набутэндэ.”

Сэндарьенгири Лылвари́ 1:20

И отдынэ́ ёнэ Халевоскэ Хевро́но, сыр ракирдя́ о Мо́йза, и вытрадыя́ ёв одотхы́р тринэн Енакоскирэ чхавэ́н.

Čysly 21:34

И пхэндя́ Рай Дэвэ́л Мойза́скэ: “На дар лэ́стыр, пал-дава́ со Мэ отда́ва лэс и сарэ́ лэ́скирэ манушэ́н и сари́ лэ́скири пхув дрэ тырэ́ васта́, и ту кэрэ́са лэ́са, сыр ту кэрдя́н Сигоноса, Аморее́нгирэ крали́са, саво́ дживдя́ кэ Есево́но.”

Яви́р Зако́но 1:28

карик амэ джа́са? Амарэ́ пша́ла бизорьякирдэ амаро́ ило́, пхэни́: ‘Мануша́ одолэ́ исын буты́р и вучэды́р амэ́ндыр, фо́рья одо́й исын барэ́ и зоралэ́ тынэ́нца кэ болыбэ́н, и Енакоскирэ чхавэ́н дыкхцям амэ одо́й.’

4 Kralip 19:4

Сашты́ (могинэ́ла) тэ явэ́л, со шунэ́ла Рай Дэвэ́л, Дэвэ́л тыро́, сарэ́ Рабсакоскирэ лава́, савэ́ бичхадя́ Асирия́киро кра́ли, лэ́скиро хула́й, тэ кошэл Дэвлэ́с джидэс и тэ калякирэл лэс лавэ́нца, савэ́ шундя́ Рай Дэвэ́л, Дэвэ́л тыро́. Пхэн упрэ́ па́тери (моли́тва). Мангпэ пал манушэ́ндэ, савэ́ ячнэ́пэ, савэ́ исын ишчо (инкэ́) джидэ́.”

Яви́р Зако́но 9:1

Шун, Израилё: ту акана́ пириджаса Иорда́но, соб (кай) тэ джас тэ заухтылэс манушэ́н, савэ́ исын буты́р и зоралэды́р ту́тыр, барэ́ форьенца и зоралэ́ тынэ́нца кэ болыбэ́н,

Яви́р Зако́но 9:3

Джин акана́, со Рай Дэвэ́л, Дэвэ́л тыро́, джа́ла анги́л ту́тэ, сыр яг, сави́ саро́ ха́ла; Ёв явэ́ла тэ традэл лэн и тэ тылякирэл лэн анги́л ту́тэ, и ту традэса криг лэн, и розмарэса лэн сыг, сыр ракирдя́ ту́кэ Рай Дэвэ́л.