Isúso 14:1 - Библия - Пэ Балтитко Романи чиб (Романэс) 2019

¹ Ѓа́да, со, дорэснэ́ (долынэ) дрэ миштыпна́скири ме́ра Израилёскирэ чхавэ́ пэ Ханаано́скири пхув, со роздынэ лэ́нгэ дрэ миштыпна́скири ме́ра раша́й Елиза́ро и Ису́со, Навиноскиро чхаво́, и родэнгирэ барыдыра́ пэ Израилёскирэ-чхавэ́нгирэ ро́дыцы.

Biblija - Pe Baltitko Romani čib (Romanes) 2019

¹ Ĥáda, so, doresné (dolyne) dre mištypnáskiri miéra Izrailjoskire čhavé pe Xanaanóskiri phuv, so rozdyne lénge dre mištypnáskiri miéra rašáj Jelizáro i Isúso, Navinoskiro čhavó, i rodengire barydyrá pe Izrailjoskire-čhavéngire ródycy.

Isúso 14:1 Referans Kwoze

Apostolengiri Butý 13:19

Дэвэ́л пэ Ханаано́скири пхув хасякирдя́ охто́ (бидуе́нгиро дэш) на́цыи и отдыя́ лэ́нгири пхув, сыр мэкно́ миштыпэ́н.

Čysly 34:13

И дыя́ припхэныбэ́н Мо́йза Израилёскирэ чхавэ́нгэ, и пхэндя́: “Ѓа́да, исын пхув, сави́ тумэ́ роздэна сыр мэкно́ миштыпэ́н пир жре́биё пир ме́ра, пал сави́ дыя́ лав Рай Дэвэ́л тэ дэл еня́ (биекхэ́скиро дэш) родыцэнгэ и пашэ́ родыцо́скэ;

Čysly 34:16

И пхэндя́ Рай Дэвэ́л Мойза́скэ дасавэ́ лава́:

Яви́р Зако́но 12:10

Нэ ке́ли тумэ́ пириджана Иорда́но и лэ́на тэ дживэ́н пэ пхув, сави́ Рай Дэвэ́л, Дэвэ́л тумаро́, дэ́ла тумэ́нгэ дрэ миштыпна́скири ме́ра тэ прилэ́н, и ке́ли Ёв штылякирэла тумэн сарэ́ тумарэ́ вэргэ́ндыр, савэ́ явэ́на пашы́л тумэ́ндэ, и тумэ́ явэ́на тэ дживэ́н би трашакиро (би дара́киро),

Isúso 13:6

Сарэ́н бэргитконэн манушэ́н Ливаностыр кэ Мисрефоф-Маимо, сарэ́н Сидонянэн Мэ вытрадава Израилёскирэ-чхавэ́нгирэ мо́стыр; роздэ ла дрэ миштыпна́скири ме́ра Израилёскэ, сыр Мэ ракирдём ту́кэ;

Isúso 19:51

Ѓа́да, сыс миштыпнаскирэ меры, савэ́ раша́й о Елиза́ро, Ису́со, Навиноскиро чхаво́, и барыдыра́ пэ стрэ́чы роздынэ Израилёскирэ-чхавэ́нгирэ родыцэнгэ, пир жре́биё, дрэ Сило́мо, анги́л Ра́скирэ-Дэвлэ́скиро муй, пашы́л скэдыибнаскирэ скиниякиро загиибэ́н. И мэкнэ́ тэ роздэн (тэ роскэрэн) пхув.

Isúso 21:1

Тэ́ньци Левитэ́нгирэ-стрэчакирэ барыдыра́ явнэ́ кэ раша́й Елиза́ро и кэ Ису́со, Навиноскиро чхаво́, и кэ Израилёскирэ-чхавэ́нгирэ барыдыра́ пэ стрэ́чы,

Е́здра 7:5

чхаво́ Абишуёскиро, чхаво́ Финехасоскиро, чхаво́ Елизароскиро, чхаво́ Ароноскиро, кон сыс барыдыр раша́й

Езэкилё 45:1

Ке́ли явэ́на тумэ́ тэ розгинэн пхув пэ котэра́ (пэ участки) сыр мэкно́ миштыпэ́н, дэн тэ́ньчи Ра́скэ-Дэвлэ́скэ свэ́нто котэ́р пхув, конэ́скиро длугипэ́н тэ явэ́л биш тэ пандж тысёнцы дэстэ́, а буглыпэн – дэш тысёнцы, саро́ тэ явэ́л свэ́нто кэ сама яго́ры (краи́) трусця́л (кругом).