Isúso 11:20 - Библия - Пэ Балтитко Романи чиб (Романэс) 2019

²⁰ пал-дова́ со Ра́стыр-Дэвлэ́стыр сыс дова́, со ёнэ холякирдэ ило́ пэ́скиро и марибна́са стрэниндлэ Израилё, ваш дова́, соб (кай) тэ явэ́н отдынэ́ совлахакэ и соб (кай) тэ на явэ́л лэ́нгэ отмэкибэн, нэ, соб (кай) тэ явэ́н протрадынэ адя́кэ, сыр припхэндя́ Рай Дэвэ́л Мойза́скэ.

Biblija - Pe Baltitko Romani čib (Romanes) 2019

²⁰ pal-dová so Rástyr-Devléstyr sys dová, so jone xoliakirde iló péskiro i maribnása strenindle Izrailjo, vaš dová, sob (kaj) te javén otdyné sovlahake i sob (kaj) te na javél lénge otmekiben, ne, sob (kaj) te javén protradyne adiáke, syr priphendiá Raj Devél Mojzáske.

Isúso 11:20 Referans Kwoze

Римлянэнгэ 9:18

Тэды джинэ́н, со Дэвэ́л тангинэла одолэ́с, конэ́с Ёв кокоро́ выкэдэ́ла, и Ёв пхарьякирэла ило́ одолэ́скэ, кон исын дро́го Лэ́скэ.

Vygiiben 4:21

И Рай Дэвэ́л пхэндя́ Мойза́скэ: “Ке́ли ту джа́са и рисёса дро Еги́пто, дыкх, сарэ́ ди́вы, савэ́ Мэ дыём тэ кэрэ́с ту́кэ, кэр лэн анги́л фараоностэ, а Мэ холякирава лэ́скиро ило́, и ёв на отмэкэ́ла манушэ́н.

Яви́р Зако́но 7:16

и ту хасякирэса сарэ́ манушы́тка на́цыи, савэ́ Рай Дэвэ́л, Дэвэ́л тыро́, дэ́ла ту́кэ: мэк тэ на тангинэ́л лэн тыри́ якх; и тэ на мангэспэ лэ́нгирэ дэвлорэ́нгэ; пал-дова́ со дава́ исын фэлы́ ваш ту́кэ.

Яви́р Зако́но 2:30

Нэ о Сигоно, Есевоноскиро кра́ли на закамдя́ тэ мэкэл амэн тэ джас дурэды́р пир лэ́скири пхув, пал-дова́ со Рай Дэвэ́л, тыро́ Дэвэ́л, кэрдя́ на́лачхо лэ́скиро ду́хо (фа́но), и лэ́скиро ило́ кэрдя́пэ пхарэса, соб (кай) тэ пиридэл лэс дро тыро́ васт, сыр дава́ акана́ бицяло́.

Сэндарьенгири Лылвари́ 14:4

Дад лэ́скиро и дай лэ́скири на джиндлэ́, со дава́ сыс Ра́стыр-Дэвлэ́стыр, и со ёв родэ́ла ваканцыя (случаё) тэ отомстинэл (тэ отхал палэ) Филистимлянэнгэ. А дро дова́ часо Филистимля́ни сыс хулая́ пэ Израилё.

Vygiiben 14:17

а Мэ пхарьякирава Египтянэнгиро ило́, и ёнэ джа́на пала́л пал лэ́ндэ. И Мэ сыкава́ва Миро барипэ́н пэ фараоностэ и пэ сарэ́ лэ́скирэ халадэ́ндэ, пэ лэ́скирэ марибны́тка вурдэна́ и пэ лэ́скирэ манушэ́ндэ, савэ́ уклистэ́ пэ грэ́ндэ;

Vygiiben 9:16

нэ ваш дава́ Мэ тут зракхцём, соб (кай) тэ сыкавав пэ ту́тэ Мири́ зор, и, соб (кай) тэ явэ́л Миро лав выпхэндло пир сари́ пхув;

2 Паралипоменоно 25:16

Ке́ли ёв ракирдя́ лэ́скэ, о кра́ли отпхэндя́: “Нау́што крали́скирэ юнкароса (советникоса) чхудэ́ тут? Пирияч, соб (кай) тэ на мулякирэ́н тут.” И пирияця́ проро́ко, пхэни́: “Джинав, со скэдыяпэ Дэвэ́л тэ хасякирэ́л тут, пал-дова́ со ту кэрдя́н дава́ и на шунэса миро радиныбэн.”

3 Kralip 12:15

И на кандыя́ кра́ли манушэ́н, пал-дова́ со адя́кэ трэиндя́ тэ явэ́л Ра́стыр-Дэвлэ́стыр, соб (кай) тэ сполнинэ́лпэ лав Лэ́скиро, саво́ ракирдя́ Дэвэ́л пирда́л Ахиястэ Силомляниностэ Еровоамоскэ, Наватоскирэ чхавэ́скэ.

1 Kralip 2:25

ко́ли ману́ш кэрэ́ла грэ́хо манушэ́скэ, тэды помангэнапэ пал лэ́стэ Ра́скэ-Дэвлэ́скэ; ко́ли ману́ш кэрэ́ла грэ́хо проти Растэ-Дэвлэ́стэ, тэды кон явэ́ла тэ мангэ́лпэ пал лэ́стэ?” Нэ ёнэ на шундлэ́ пэ́скирэ-дадэ́скири зан (глос), пал-дова́ со Рай Дэвэ́л скэдыяпэ тэ отдэ́л лэн мэрибна́скэ.

Vygiiben 9:12

О Рай Дэвэ́л пхарьякирдя ило́ фараоно́скиро, и ёв на кандыя́ лэн, сыр и ракирдя́ Рай Дэвэ́л Мойза́скэ.

Vygiiben 10:1

И пхэндя́ Рай Дэвэ́л Мойза́скэ: “Заджа́ кэ фарао́но, пал-дова́ со Мэ кэрдём пхаро́ лэ́скиро ило́ и лэ́скирэ писхарьенгиро, соб (кай) тэ сыкавав машки́р лэ́ндэ далэ́ Мирэ́ ди́вы,

Vygiiben 11:10

Мо́йза и Ааро́но кэрдэ́ сарэ́ далэ́ ди́вы анги́л фараоностэ; нэ Рай Дэвэ́л пхарьякирдя фараоно́скиро ило́, и ёв на отмэкця́ Израилёскирэ чхавэ́н пэ́скирэ пхувья́тыр.

Vygiiben 14:4

А Мэ пхарьякирава фараоно́скиро ило́, и ёв явэ́ла тэ традэлпэ пал лэ́ндэ, и Мэ сыкава́ва сла́ва Мири́ пэ фараоностэ и пэ сарэ́ лэ́скирэ халадэ́ндэ; и уджинэна Египтя́ни, со Мэ сом Рай Дэвэ́л.” И кэрдэ́ адя́кэ.

Vygiiben 14:8

И пхарьякирдя Рай Дэвэ́л Египто́скирэ-крали́скирэ-фараоно́скиро ило́, и ёв традыяпэ пал Израилёскирэ чхавэ́ндэ; Израилёскирэ чхавэ́ гинэ́ тэл вучо́ васт.

2 Kralip 17:14

И пхэндя́ Авесало́мо и саро́ Израилё: “Годыпэ́н Хусиёскиро Архитяниноскиро исын фэды́р лавэ́ндыр Ахитофелёскирэстыр.” Адя́кэ Рай Дэвэ́л сэндякирдя тэ розмарэл фэдыршо годыпэ́н Ахитофелёскиро, соб (кай) тэ янэл Ра́скэ-Дэвлэ́скэ би́да пэ Авесаломостэ.”

2 Паралипоменоно 22:7

И Дэвлэ́стыр сыс дава́ пэ мэрибэ́н Охозияскэ, со ёв явдя́ кэ Иора́мо: палдова́ со ёв гия́ проти Ииуёстэ, Намесиёскирэ чхавэ́стэ, савэ́с помакхця Рай Дэвэ́л пэ Ахавоскирэ-кхэрэ́скиро хасибэ́н.

Isajos 14:24

Совлахала Рай Дэвэ́л, болыбна́скирэ-янголэ́нгиро: “Сыр Мэ подуминдём, адя́кэ явэ́ла, сыр Мэ пхэндём, адя́кэ кэрэ́лапэ.

Isajos 34:2

Холы́ Ра́скирэ-Дэвлэ́скири ґаздыя́пэ пэ сарэ́ народы, пэ сарэ́ лэ́нгирэ халадыбэна (халадэ́ндэ). Ёв совлахадя́ пал лэ́ндэ, отдыя́ лэн пэ хасибэ́н.