Isúso 11:15 - Библия - Пэ Балтитко Романи чиб (Романэс) 2019

¹⁵ Сыр припхэндя́ Рай Дэвэ́л Мойза́скэ, Пэ́скирэ писхари́скэ, адя́кэ Мо́йза припхэндя́ Исусо́скэ, а Ису́со адя́кэ и кэрдя́: на отгия́ ни екхэ лавэ́стыр дро саро́, со припхэндя́ Рай Дэвэ́л Мойза́скэ.

Biblija - Pe Baltitko Romani čib (Romanes) 2019

¹⁵ Syr priphendiá Raj Devél Mojzáske, Péskire pisharíske, adiáke Mójza priphendiá Isusóske, a Isúso adiáke i kerdiá: na otgijá ni jekhe lavéstyr dro saró, so priphendiá Raj Devél Mojzáske.

Isúso 11:15 Referans Kwoze

Isúso 1:7

Дыкх, яв зорало́ и древа́н муршкано́, и лачхэ́с ракх и кэр саро́ пир Зако́но, саво́ ракирдя́ ту́кэ Мо́йза, о писха́ри Миро; на отджа лэ́стыр ни пэ право (чачо́), ни пэ ле́во (зэ́рво), соб (кай) тэ тэ кэрэ́с годьварэс дрэ сарэ́ тырэ́ рэ́нды (де́лы).

Apostolengiri Butý 20:20

и сыр мэ на промэкцём нисо́ тэ пхэна́в лав пал Исусо́стэ тумэ́нгэ, со тумэ́нгэ явэ́ла трэй, и ракирдём анги́л сарэ́ндэ и псирдём пир кхэра́,

Яви́р Зако́но 7:2

и отдэ́ла лэн ту́кэ Рай Дэвэ́л, Дэвэ́л тыро́, и ту домарэса лэн, то тэды отдэ́ лэн прокошыбнаскэ, и на джа́ лэ́нца дро кхэтанякирибэн и на тангинэ лэн;

2 Паралипоменоно 30:12

И пэ Юдэе́ндэ сыс Дэвлэ́скиро васт, дыи́ лэ́нгэ екх ило́, соб (кай) тэ кэрэ́н пир упхэныбэ́н крали́скиро и тхагарье́нгиро, пир Ра́скирэ-Дэвлэ́скиро лав.

Яви́р Зако́но 31:7

И кхардя́ Мо́йза Исусо́с (Ёхошуас) и анги́л сарэ́ Израильтянэнгирэ якха́ пхэндя́ лэ́скэ: “Яв зоралэ́-волякиро и муршкано́, пал-дова́ со ту заджаса адалэ́ манушэ́нца пэ пхув, сави́ Рай Дэвэ́л совлахадя́ дадэ́нгэ лэскирэнгэ тэ дэл лэ́скэ, и ту роскэрэса ла пэ миштыпна́скири ме́ра лэ́скэ;

Яви́р Зако́но 12:32

Саро́, со мэ ракира́ва тумэ́нгэ, причхувэ́н зор тэ кэрэ́н; ту на причху́в кэ дова́ и на отлэ долэ́стыр.

Яви́р Зако́но 4:5

Дыкхэ́н, мэ сыклякирдём тумэн упхэныбнэнгэ и законэнгэ, сыр ракирдя́ ма́нгэ Рай Дэвэ́л, Дэвэ́л миро, соб (кай) тумэ́ адя́кэ тэ кэрэ́н пэ доя́ пхув, дрэ сави́ тумэ́ заджа́на, соб (кай) тэ хулаинэн ла́са;

Apostolengiri Butý 20:27

пал-дова́ со мэ нисо́ на промэкцём тэ роспхэнав тумэ́нгэ пал Дэвлэ́скири во́ля.

Яви́р Зако́но 4:2

тэ на причхувэ́н кэ дова́, со мэ ракирдём тумэ́нгэ, и тэ на отлэн долэ́стыр; ракхэ́н Ра́скирэ-Дэвлэ́скирэ, тумарэ́ Дэвлэ́скирэ припхэныбэна́, савэ́ мэ да́ва тумэ́нгэ.

1 Kralip 15:11

“Мэ тангинава, со Мэ чхудём Саулос крали́са, пал-дова́ со ёв отрисия Ма́ндыр и лав Миро на сполниндя.” И задуминдяпэ Самуи́ло, и прикхарэлас Рас-Дэвлэ́с сари́ рат.

Isúso 11:12

И сарэ́ далэнгирэ-кральенгирэ фо́рья и сарэ́н кралье́н лэнгирэн лыя́ Ису́со, и домардя́ куртала́са, отдыи лэн совлахакэ, сыр ракирдя́ Мо́йза, Ра́скиро-Дэвлэ́скиро писха́ри;

Luka 11:42

Бида тумэ́нгэ, Фарисе́и; пал-дова́ со тумэ́ дэ́на дэ́што ме́ра мятатыр, рутатыр и кажнонэ́ чарьятыр, нэ тумэ́ на думинэ́на пал сэ́ндо и Дэвлэ́скири ла́ска; дава́ трэиндя́ тэ кэрэ́н и адя́кэ-паць тэ на бистрэн пал яви́р.

Матфеё 23:23

Бида тумэ́нгэ, дуемуитка лылвари́тка и Фарисе́и: пал-дова́ со тумэ́ дэ́на дэ́што ме́ра мятатыр, укропостыр, кминостыр, нэ тумэ́ на кутякирэна дова́, со буты́р трэй дро Зако́но: чачуно́ сэ́ндо и тангипэ́н и патяибэ́н: дава́ трэиндя́ тэ кэрэ́н и адя́кэ-паць тэ на бистрэн пал яви́р.

Isúso 11:14

А саро́ дорэсыбэ́н (добыча) далэ́ форьенгиро и кхэритконэ́ мурдалэ́н (ското) росчордэ Израилёскирэ чхавэ́ пэ́скэ; манушэ́н сарэ́н пиримардэ куртала́са адя́кэ, со протрадынэ сарэ́н лэн: на ячкирдэ́ ние́кх ди.

Isúso 11:16

Адя́кэ Ису́со лыя́ сари́ дая́ пхув пэ бэ́ргицы, сари́ пхув паш-дывэсы́тко (полудёно), сари́ пхув Гошэн и тэлатунэ́ штэ́ты, и лошчы́на и бэ́рга Израилёскири, и тэлатунэ́ штэ́ты,

Čysly 33:50

И пхэндя́ Рай Дэвэ́л Мойза́скэ пэ Моавитоскирэ лошчыны пашы́л Иорда́но, проти Ерихо́но дасавэ́ лава́:

Čysly 33:52

тэды традэ́н криг пэ́стыр сарэ́н адалэ́-пхувья́кирэ манушэ́н, и хасякирэ́н сарэ́ лэ́нгирэ вычхиндлэ́ муя́, и хасякирэ́н сарэ́ лэ́нгирэ вычхудэ́ и́долы, и сарэ́ лэ́нгирэ вучипэна́ роспхагирэн.

Яви́р Зако́но 31:3

О Рай Дэвэ́л, Дэвэ́л тыро́, Кокоро́ джа́ла анги́л ту́тэ, Ёв традэ́ла адалэ́ манушэ́н тырэ́ мо́стыр, и ту явэ́са тэ лэс лэн; Ису́со (Ёхошуа́) джа́ла анги́л ту́тэ, сыр ракирдя́ Рай Дэвэ́л;

Яви́р Зако́но 31:5

и отдэ́ла лэн Рай Дэвэ́л тумэ́нгэ, и тумэ́ кэрэ́на лэ́нца пир сарэ́ припхэныбэна́, савэ́ ракирдём мэ тумэ́нгэ;