Isúso 10:11 - Библия - Пэ Балтитко Романи чиб (Романэс) 2019

¹¹ Ке́ли ёнэ нашнэ́ Израильтянэндыр пир Вефоронсконэ-бэрга́киро змэкибэн, то Рай Дэвэ́л чхурдыя́ пэ лэ́ндэ болыбна́стыр барэ́ бара́ аж кэ Азеко, и ёнэ помынэ; буты́р сыс одолэ́ндыр, савэ́ мынэ́ барэнгирэ чхуибнастыр, сыр кодолэндыр, савэ́н мулякирдэ́ Израилёскирэ чхавэ́ куртала́са.

Biblija - Pe Baltitko Romani čib (Romanes) 2019

¹¹ Kiéli jone našné Izrail'tianendyr pir Vieforonskone-bergákiro zmekiben, to Raj Devél čhurdyjá pe lénde bolybnástyr baré bará až ke Azieko, i jone pomyne; butýr sys odoléndyr, savé myné barengire čhuibnastyr, syr kodolendyr, savén muliakirdé Izrailjoskire čhavé kurtalása.

Isúso 10:11 Referans Kwoze

Isajos 28:2

Акэ, састо́ и зорало́ исын Растэ-Дэвлэ́стэ сыр баро́ брышы́нд барэ́нца, сыр хасякирибнытко балва́л, сыр шумно пани́, саво́ ґаздыя́пэ и зорья́са чхурдэ́ла пэ пхув.

Сэндарьенгири Лылвари́ 5:20

Болыбна́стыр мардэ́пэ, чэргэня́ пэ́скирэ дромэндыр мардэ́пэ Сисараса.

Sykadyipén 16:21

Барэ́-градо́скирэ ґирила́, савэ́ сыс пашэ́ пандждэша́ кило пхарипнаса, пынэ́ болыбна́стыр пэ манушэ́ндэ, савэ́ калякирэнас Дэвлэ́с пал фра́нсы градостыр, пал-дова́ со древа́н дарано сыс дава́ фра́нсо.

Sykadyipén 11:19

И псирадыя (отпхандя́пэ) Дэвлэ́скири Кхангири́, сави́ исын дро Болыбна́скиро Раё и Ковчэ́го (Мохто́) Дэвлэ́скирэ завето́са сыс дыцьло дрэ Кхангири́. И ячнэ́ блискави́цы, и заня́ (глося́), и гро́мы, и пхувья́киро триинскирибэн и баро́ ґра́до.

Езэкилё 13:11

Пхэн кодолэ́нгэ, савэ́ макхэна ва́нта блатаса, со ёй пэрэ́ла. Явэ́ла тасадыпнаскиро панинг, и пэрэ́на тумэ́, барунэ́ градины, и зоралы́ балва́л роскушэла ва́нта пэ котэра́ (куски).

Isajos 30:30

И дэ́ла Рай Дэвэ́л, соб (кай) тэ шунэ́н бари зан Лэ́скири и сыкавэ́ла васт Пэ́скиро, саво́ змэкэлпэ дрэ зоралы́ холы́, дрэ яг, сави́ саро́ схала, дрэ холями балва́л, дро пани́, саво́ ґаздэлпэ пэ пхув, дро брышы́нд барэ́нца.

Psalmy 11:6

Ёв кэрэ́ла, со болыбна́стыр пэрэ́на брышында́, хачкирдэ́ вангара и зэвэлытка (серна) бара́ и хачкирды балва́л, со пэкэла, акэ, со явэ́ла лэ́нгэ Дэвлэ́стыр.

Džiibén 19:24

И чхудя́ Рай Дэвэ́л пэ Содо́мо и Гомо́ра брышы́нд дзэвэля́тыр (сератыр) и яг болыбна́стыр Ра́стыр-Дэвлэ́стыр,

Ióvo 38:22

Ци са́нас ту вари-ке́ли одо́й, кай исын пиралы́ ваш ив? Ци дыкхця́н ту пиралы́ ваш градо,

Яви́р Зако́но 20:4

пал-дова́ со Рай Дэвэ́л, Дэвэ́л тумаро́, джа́ла тумэ́нца, соб (кай) тэ марэ́лпэ пал тумэ́ндэ тумарэ́ вэргэнца, и тэ выракхэл тумэн.”

2 Kralip 18:8

Марибэ́н розгия́пэ пир сари́ доя́ риг, и вэш домардя́ манушэ́н буты́р, сыр ци бут домардя́ курта́ла дро дова́ дывэ́с.

Ióvo 38:23

со Мэ ракхцём ваш дава́ часо (цы́ро); сыр явэ́ла пхарипэ́н, сыр явэ́на дывэса́ ваш марибэ́н и война?

Psalmy 147:17

[6] Ёв чхурдэ́ла пэ́скиро градо котэрэнца (кускэнца): кон сашты́ тэ пирилыджал лэ́скиро шыл?

Isajos 28:21

Ѓаздэлапэ Рай Дэвэ́л, сыр пэ бэ́рга Перацымо, холясо́ла сыр пэ фэ́лда Гаваоскири, соб (кай) тэ кэрэ́л Пэ́скиро рэ́ндо (де́ло), баро́ рэ́ндо, соб (кай) тэ кэрэ́л Пэ́скири буты́, бари буты́.