Isúso 10:10 - Библия - Пэ Балтитко Романи чиб (Романэс) 2019

¹⁰ Рай Дэвэ́л яндя́ лэн дро дар анги́л Израильтянэндэ, и ёнэ домардэ́ зоралэ́с лэн дрэ Гавао́но, и традынэ лэн пир дром кэ Вефороноскиро вучипэ́н, и мардэ́ лэн кэ Азеко и кэ Македо.

Biblija - Pe Baltitko Romani čib (Romanes) 2019

¹⁰ Raj Devél jandiá len dro dar angíl Izrail'tianende, i jone domardé zoralés len dre Gavaóno, i tradyne len pir drom ke Vieforonoskiro vučipén, i mardé len ke Azieko i ke Makiedo.

Isúso 10:10 Referans Kwoze

Psalmy 18:14

И Рай Дэвэ́л адя́кэ-паць пхэндя́ дро громо, и Най Вучэдырэскиро выпхэндя пэ́скирэ заня́са, градоскирэ барэ́нца и вангарэнца, со хачонас.

Isúso 16:5

Риг пир ме́жа Ефремо́скирэ чхавэ́нгиро пир лэ́нгирэ кхэри́тка ро́ды сыс дасави́: вастоко́стыр лэ́нгирэ миштыпнаскирэ меракирэ ригаса сыс Атарофо-Адаро кэ Беф-Ороно упратуно;

Isúso 16:3

и змэкэлапэ кэ мо́рё (дэрья́в), кэ Иафлетоскири риг, пэ Тэлатуны риг Беф-Ороноскири и кэ Газеро, и яго́ро исын пашы́л мо́рё (дэрья́в).

Isajos 28:21

Ѓаздэлапэ Рай Дэвэ́л, сыр пэ бэ́рга Перацымо, холясо́ла сыр пэ фэ́лда Гаваоскири, соб (кай) тэ кэрэ́л Пэ́скиро рэ́ндо (де́ло), баро́ рэ́ндо, соб (кай) тэ кэрэ́л Пэ́скири буты́, бари буты́.

Сэндарьенгири Лылвари́ 4:15

Тэды Рай Дэвэ́л яндя́ дрэ конфузо (замешательство) Сисарас и сарэ́ лэ́скирэ вурдэна́ и сарэ́ лэ́скирэ отря́ды Варакоскирэ куртала́тыр, и згия Сисара марибнытконэ́ вурдэнэстыр, и праста́ндыя пэзал.

Isúso 15:35

Иарамуфо, Одоламо, Сохо и Азека,

Isúso 10:11

Ке́ли ёнэ нашнэ́ Израильтянэндыр пир Вефоронсконэ-бэрга́киро змэкибэн, то Рай Дэвэ́л чхурдыя́ пэ лэ́ндэ болыбна́стыр барэ́ бара́ аж кэ Азеко, и ёнэ помынэ; буты́р сыс одолэ́ндыр, савэ́ мынэ́ барэнгирэ чхуибнастыр, сыр кодолэндыр, савэ́н мулякирдэ́ Израилёскирэ чхавэ́ куртала́са.

Ереме́ё 34:7

ке́ли крали́скирэ-Вавилоно́скиро халадыбэ́н марэласпэ проти Ерусалимо, и проти сарэ́ фо́рья дрэ Юдэ́я, со ячнэ́пэ: проти Лахисо и Азэка; пал-дова́ со фэ́ни далэ́ фо́рья зоралэ́ вантэнца ячнэ́пэ Юдэя́кирэ форье́ндыр.

Psalmy 78:55

И Ёв традыя́ криг Наюды́тка на́цыи анги́л лэ́ндэ, и Ёв роскэрдя́ пэ паша́ пхув машки́р лэ́ндэ, сыр мэкно́ миштыпэ́н пир чэрта, и Ёв кэрдя́, соб (кай) Израилёскирэ ро́ды тэ дживэ́н пэ пэ́скирэ ша́тры.

Psalmy 44:3

Ту традыян криг Пэ́скирэ вастэ́са Наюды́тка на́цыи, а чхудя́н пэ́скирэ манушэ́н тэ дживэ́н; Ту тасадян Наюды́тка на́цыи, а дыя́н Пэскирэнгэ тэ роскхувэнпэ.

2 Паралипоменоно 14:12

И мулякирдя́ Рай Дэвэ́л Ефиоплянэн анги́л муй Аса́скиро и анги́л муй Юда́скиро, и праста́ндынэ криг Ефиопляни.

1 Kralip 13:18

И яви́р отрядо гия́ пир дром Вефороскиро, а три́то гия́ пир дром кэ кусты́к (граница) дро Цэвоимоскиро до́ло пэ чхучи́ пхув.

Isúso 21:22

и Кивцаимо и лэ́скири кхэтаны́ пхув, Беф-Ороно и лэ́скири кхэтаны́ пхув: штар фо́рья;

Isúso 15:41

Гедерофо, Беф-Дагоно, Наема и Македо: дэшушов фо́рья лэ́нгирэ гавэнца.

Isúso 12:16

екх кра́ли Македоскиро, екх кра́ли Вефилёскиро,

Isúso 11:8

И отдыя́ лэн Рай Дэвэ́л Израильтянэнгэ дрэ васта́, и домардэ́ ёнэ лэн, и традынэ лэн кэ баро́ Сидоно, и кэ Мисрефоф-Маима, и кэ до́ло Мицфа кэ васто́ко, и пиримардэ лэн адя́кэ, со никонэ́с лэ́ндыр на яця́пэ, кон бы тэ явэ́л джидо́.

Isúso 10:28

Дро дова́-паць дывэ́с лыя́ Ису́со Македо, и домардя́ лэс куртала́са и лэ́скирэ крали́с, и отдыя́ прокошыбнаскэ лэн и саро́ джидо́, со сыс дрэ лэ́стэ; никонэ́с на ячкирдя́, кон бы яця́пэ джидо́; и кэрдя́ адя́кэ-паць Македоскирэ крали́са, сыр кэрдя́ Ерихоноскирэ крали́са.

Яви́р Зако́но 7:23

нэ отдэ́ла лэн ту́кэ Рай Дэвэ́л, Дэвэ́л тыро́, и янэ́ла лэн дро бари ту́га (конфузо), адя́кэ со ёнэ хасёна;

Isúso 10:9

И явдя́ пэ лэ́ндэ Ису́со наужакирдэс, пал-дова́ со сари́ рат гия́ ёв Галгалостыр.

1 Kralip 17:1

Филистимля́ни скэдынэ́ пэ́скирэ халадэ́н ваш марибэ́н, и скэдынэ́пэ дро Сокхофо, со исын дрэ Юдэ́я, и тэрдинэ́ стано́са (лодэса) машки́р Сокхофо и Азеко дро Ефес-Дамима.

2 Kralip 22:15

и мэкхця марибны́тка бустя́ (стре́лы) и рострадыя лэн; зазяиндя блискавицаса и домардя́ лэн.

3 Kralip 9:17

И кэрдя́ Соломо́но Газеро и тэлатуно Бефороно;

Psalmy 68:14

Мэк тумэ́ тэ откхинён машки́р загоны (гражы), кай исын бакрэ́, сароекх тумэ́ явэ́на сы́рбы голумбица, савьятэ пхака́ (крылы) чхакирдэ рупэ́са, а пора́ чачунэ́ сувнака́са.

Сэндарьенгири Лылвари́ 4:16

Варако традыяпэ пал лэ́скирэ марибны́тка вурдэна́ и лэ́скирэ отря́ды кэ Харошэф-Гоимо, и пыя́ Сисараскиро отрядо куртала́тыр, на яця́пэ никонэ́с.

Сэндарьенгири Лылвари́ 5:20

Болыбна́стыр мардэ́пэ, чэргэня́ пэ́скирэ дромэндыр мардэ́пэ Сисараса.

2 Паралипоменоно 25:13

Халадэ́, савэ́н Ама́сия отбичхадя палэ, соб (кай) ёнэ тэ на джа́н лэ́са пэ марибэ́н, розгинэпэ пир Юдэя́кирэ фо́рья, Самариятыр кэ Вефороно; и пиримардэ лэ́ндыр трин тысёнцы, и скэдынэ́ древа́н бут дорэсыбэ́н.

Isajos 30:30

И дэ́ла Рай Дэвэ́л, соб (кай) тэ шунэ́н бари зан Лэ́скири и сыкавэ́ла васт Пэ́скиро, саво́ змэкэлпэ дрэ зоралы́ холы́, дрэ яг, сави́ саро́ схала, дрэ холями балва́л, дро пани́, саво́ ґаздэлпэ пэ пхув, дро брышы́нд барэ́нца.

Заха́рия 14:3

Тэ́ньци явэ́ла Рай Дэвэ́л и холясо́ла пэ Наюды́тка на́цыи, сыр холя́сыя пэ лэ́ндэ дро марибнаскиро дывэ́с.