Isúso 1:8 - Библия - Пэ Балтитко Романи чиб (Романэс) 2019

⁸ Мэк тэ на отджал дая́ Законоскири лылвари́ тырэ́ уштэндыр; нэ сыклёв дрэ ла́тэ дывэ́с и рат, соб (кай) дрэ чачипэ́н тэ кэрэ́с кэ ко́нцо (кэ яго́ро) саро́, со дрэ ла́тэ чхиндло́: тэды ту явэ́са тэ прилэс бахт дрэ тырэ́ дрома́ и явэ́са тэ тэ кэрэ́с годьварэс.

Biblija - Pe Baltitko Romani čib (Romanes) 2019

⁸ Mek te na otdžal daja Zakonoskiri lylvarí tyré uštendyr; ne sykljov dre láte dyvés i rat, sob (kaj) dre čačipén te kerés ke kónco (ke jagóro) saró, so dre láte čhindló: tedy tu javésa te priles baht dre tyré dromá i javésa te te kerés god'vares.

Isúso 1:8 Referans Kwoze

Psalmy 119:15

Мэ ява́ва тэ розлав Тырэ́ упхэныбэна́ и мэ ява́ва тэ думинав зоралэ́с пал Тыро́ сыклякирибэ́н.

Psalmy 19:14

Рикир дрэ риг, Тырэ́ писхари́с, нартонэ грэхэ́ндыр; мэк ёнэ тэ на лэн лофо́ (верхо) пэ ма́ндэ: тэ́ньчи мэ ява́ва бидошэ́нгиро, и мэ ява́ва бибангипнаскиро анги́л Зако́но.

Колосянэнгэ 3:16

Мэк тэ дживэ́л дрэ тумэ́ндэ сарэ́ барвалыпнаса Христосо́скиро лав, ке́ли тумэ́ сыклякирэ́на и дэ́на годы́ екх екхэ́скэ псалмэнца, лачхэ́ лавэ́нца, дэвлытконэ́ гиленца, бага́н Дэвлэ́скэ парикирибнаса дрэ тумарэ́ илэ.

Pritčy 3:1

Миро чхава! На бистыр, сыр мэ сыклякирава тут, мэк тыро́ ило́ тэ ракхэ́л (тэ рикирэлпэ) кэ мирэ́ припхэныбэна́,

Яви́р Зако́но 29:9

Ракхэ́н лава́ далэ́ заветоскирэ, и кэрэ́н кэ ко́нцо (кэ яго́ро) лэн, соб (кай) тумэ́нгэ тэ явэ́л бахт дро саро́, со тумэ́ явэ́на тэ кэрэ́н.

Joannostir 14:21

Одова́, конэ́стэ исын Мирэ́ припхэныбэна́, и кон ракхэ́ла лэн, одова́ рикирэ́ла Ман сыр Дро́гима дро ило́, и Дад Миро сыкавэ́ла паты́в лэ́скэ, и Мэ адя́кэ-паць ява́ва тэ сыкавав паты́в лэ́скэ, и Мэ сыкадёвава Кокоро́ Пэс лэ́скэ.”

Luka 11:28

А Ису́со отпхэндя́: “Чачо́, бахталэ́ исын кодолэ́, савэ́ шунэ́на Дэвлэ́скиро лав и кандэ́на лэс.”

Матфеё 7:24

Кажно, кон шунэ́ла лава́ Мирэ́ и кандэ́ла лэн, исын сыр годьваро́ ману́ш, кон чхудя́ пэ́скиро кхэр пэ бар.

Psalmy 119:11

Мэ гарадём Тыро́ лав дро пэ́скиро ило́, соб (кай) ма́нгэ тэ на кэра́в грэ́хи проти Ту́тэ.

Psalmy 119:97

О, ма́нгэ пир ило́ Тыро́ Зако́но. Мэ розлава лэс дывэсэ́ и раты́.

Матфеё 7:21

На кажно, саво́ ракирэ́ла Ма́нгэ: ‘Дэ́вла, Дэ́вла!’ – заджа́ла дро Кралипэ́н дро Болыбна́скиро Раё; нэ кодова́, саво́ кэрэ́ла пир во́ля Мирэ́ Дадэ́скири, Саво́ исын дро Болыбна́скиро Раё.

Joannostir 13:17

Ко́ли тумэ́ джинэ́на дава́, тумэ́ явэ́на бахталэ́, ко́ли и явэ́на тэ кэрэ́н адя́кэ-паць.

Isúso 1:7

Дыкх, яв зорало́ и древа́н муршкано́, и лачхэ́с ракх и кэр саро́ пир Зако́но, саво́ ракирдя́ ту́кэ Мо́йза, о писха́ри Миро; на отджа лэ́стыр ни пэ право (чачо́), ни пэ ле́во (зэ́рво), соб (кай) тэ тэ кэрэ́с годьварэс дрэ сарэ́ тырэ́ рэ́нды (де́лы).

Яви́р Зако́но 30:14

Дава́ лав исын древа́н пашы́л кэ ту: ёв исын дрэ тырэ́ ушта́ и дро тыро́ ило́, соб (кай) тэ сполнинэс лэс.

Яви́р Зако́но 5:29

Нэ, ко́ли бы лэ́нгиро ило́ тэ явэ́л лэ́ндэ дасаво, соб (кай) ёнэ тэ дарэ́н Ма́ндыр и тэ ракхэ́н сарэ́ Мирэ́ припхэныбэна́ дрэ сарэ́ дывэса́, соб (кай) шука́р тэ явэ́л лэ́нгэ и лэ́нгирэ чхавэ́нгэ дро ве́ко!

Psalmy 119:99

Мэ ґалёвава буты́р сыклякирибнаскирьендыр, пал-дова́ со мэ розлава Тырэ́ пририпирибэна.

Isajos 59:21

“Акэ, исын Миро Завето лэ́нца, – ракирэ́ла Рай Дэвэ́л: Миро Ду́хо (Фа́но), саво́ исын пэ ту́тэ и Мирэ́ лава́, савэ́ чхудём дрэ тырэ́ ушта́, на отджана тырэ́ уштэндыр, на отджана тырэ́ чхаворэндыр, и на отджана лэ́нгирэ-чхаворэнгирэ уштэндыр,” – ракирэ́ла Рай Дэвэ́л, николи на отджана.

Яви́р Зако́но 5:32

“Дыкхэ́н, кэрэ́н адя́кэ, сыр ракирдя́ тумэ́нгэ Рай Дэвэ́л, тумаро́ Дэвэ́л; на джа́н ни пэ чачо́ (право), ни пэ зэ́рво (ле́во);

Яви́р Зако́но 31:11

ке́ли саро́ Израилё явэ́ла анги́л [Растэ-Дэвлэ́стэ-ю.о.] Ра́скирэ-Дэвлэ́скиро, [тырэ́ Дэвлэ́скиро муй-р.с.], пэ штэ́то, саво́ выкэдэ́ла Рай Дэвэ́л, дэ упрэ́ (гин зоралэ́с) дава́ Зако́но анги́л саро́ Израилё дро саро́ шуныбэ́н;

Эфесянэнгэ 4:29

На ракирэ́н нисавэ кирнэ лава́, а екх лачхэ́ лава́, ваш подрикирибэ́н дро патяибэ́н, соб (кай) дава́ тэ янэл бахтякирибэ́н одолэ́нгэ, кон шунэ́ла.

Матфеё 12:35

Лачхо́ ману́ш лыджа́ла пэ́скэ лачхипэ́н лачхэ́ пиралятыр; чоро ману́ш лыджа́ла чорэ́ пиралятыр чорипэ́н.

Psalmy 40:10

Мэ пхэндём зоралэ́с пал Тыро́ чачипэ́н анги́л бутэ́ манушэ́ндэ, савэ́ скэдэ́напэ: ґа́да, мэ на запхандём пэ́скирэ ушта́, о Раё Дэ́вла, Ту Кокоро́ саро́ джинэ́са.

Матфеё 28:20

сыклякирэ́н лэн тэ кэрэ́н саро́, со Мэ припхэндём тумэ́нгэ. И, акэ, Мэ сом тумэ́нца кэ векоскиро ко́нцо (яго́ро).”

Sykadyipén 22:14

Бахталэ́ исын одолэ́, савэ́ рикирэнапэ кэ Лэ́скирэ припхэныбэна́, соб (кай) лэ́ндэ тэ явэ́л право кэ джиибна́скиро кашт (дрэ́во), и соб (кай) тэ заджа́л дро фо́ро пир по́рта.

Džiibén 24:63

Ке́ли яця́ бэльвэ́ль, Исаа́ко выгия́ пэ фэ́лда тэ обдуминэл; и ґаздыя́ пэ́скирэ якха́, и дыкхця́: ґа́да, джа́нас верблюды.

Яви́р Зако́но 31:24

Ке́ли Мо́йза дочхиндя дрэ лылвари́ сарэ́ лава́ далэ́ Законо́скирэ кэ ко́нцо (кэ яго́ро),

Isúso 8:34

И коригэды́р (позжэ) Ису́со гиндя дрэ зан сарэ́ Законо́скирэ лава́, бахтякирибэ́н и прокошыбэ́н, сыр сыс зачхиндло́ дрэ лылвари́ Законоскири.

Яви́р Зако́но 5:1

И скэдыя́ Мо́йза саро́ Израилё, и пхэндя́ лэ́нгэ: “Шун, Израилё, упхэныбэ́н и зако́ны, савэ́ мэ ла́ва тэ ракира́в ададывэ́с дрэ тумарэ́ кана́, и высыклякирэн лэн, и причхувэ́н зор тэ кэрэ́н саро́ пир лэ́ндэ.

Яви́р Зако́но 29:8

и лыям лэ́нгири пхув, и отдыям ла дрэ миштыпна́скири ме́ра Рувимо́скирэ и Гадо́скирэ родыцо́скэ и пашакэ Манасия́скирэ родыцо́стыр.

2 Паралипоменоно 26:5

И рисёлас годя́са ёв кэ Дэвэ́л дрэ Захарияскирэ дывэса́, саво́ сыклякирдя́ пал Дэвлэ́скири дар; и дрэ долэ́ дывэса́, ке́ли ёв рисёлас годя́са кэ Рай Дэвэ́л, то помогиндя лэ́скэ Дэвэ́л.