Isúso 1:7 - Библия - Пэ Балтитко Романи чиб (Романэс) 2019

⁷ Дыкх, яв зорало́ и древа́н муршкано́, и лачхэ́с ракх и кэр саро́ пир Зако́но, саво́ ракирдя́ ту́кэ Мо́йза, о писха́ри Миро; на отджа лэ́стыр ни пэ право (чачо́), ни пэ ле́во (зэ́рво), соб (кай) тэ тэ кэрэ́с годьварэс дрэ сарэ́ тырэ́ рэ́нды (де́лы).

Biblija - Pe Baltitko Romani čib (Romanes) 2019

⁷ Dykh, jav zoraló i drieván murškanó, i lačhés rakh i ker saró pir Zakóno, savó rakirdiá túke Mójza, o pishári Miro; na otdža léstyr ni pe pravo (čačó), ni pe liévo (zérvo), sob (kaj) te te kerés god'vares dre saré tyré réndy (diély).

Isúso 1:7 Referans Kwoze

1 Паралипоменоно 22:13

Тэды ту явэ́са бахталякирдо, ко́ли тэ явэ́са тэ причхувэс зор (тэ старинэспэ) тэ сполнинэс упхэныбэна́ и зако́ны, савэ́ ракирдя́ Рай Дэвэ́л Мойза́скэ ваш Израилё. Яв зоралэ́-волякиро (твардо) и муршкано́, на дар и на пириджив.

Яви́р Зако́но 5:32

“Дыкхэ́н, кэрэ́н адя́кэ, сыр ракирдя́ тумэ́нгэ Рай Дэвэ́л, тумаро́ Дэвэ́л; на джа́н ни пэ чачо́ (право), ни пэ зэ́рво (ле́во);

Isúso 1:8

Мэк тэ на отджал дая́ Законоскири лылвари́ тырэ́ уштэндыр; нэ сыклёв дрэ ла́тэ дывэ́с и рат, соб (кай) дрэ чачипэ́н тэ кэрэ́с кэ ко́нцо (кэ яго́ро) саро́, со дрэ ла́тэ чхиндло́: тэды ту явэ́са тэ прилэс бахт дрэ тырэ́ дрома́ и явэ́са тэ тэ кэрэ́с годьварэс.

Pritčy 4:27

На ри́скир (на рисёв) ні пэ чачи́ (право) ні пэ зэ́рво (ле́во) риг; лэ (отлыджа) криг тыри́ ґэро́й чорипна́стыр.

Isúso 11:15

Сыр припхэндя́ Рай Дэвэ́л Мойза́скэ, Пэ́скирэ писхари́скэ, адя́кэ Мо́йза припхэндя́ Исусо́скэ, а Ису́со адя́кэ и кэрдя́: на отгия́ ни екхэ лавэ́стыр дро саро́, со припхэндя́ Рай Дэвэ́л Мойза́скэ.

Яви́р Зако́но 12:32

Саро́, со мэ ракира́ва тумэ́нгэ, причхувэ́н зор тэ кэрэ́н; ту на причху́в кэ дова́ и на отлэ долэ́стыр.

Яви́р Зако́но 31:7

И кхардя́ Мо́йза Исусо́с (Ёхошуас) и анги́л сарэ́ Израильтянэнгирэ якха́ пхэндя́ лэ́скэ: “Яв зоралэ́-волякиро и муршкано́, пал-дова́ со ту заджаса адалэ́ манушэ́нца пэ пхув, сави́ Рай Дэвэ́л совлахадя́ дадэ́нгэ лэскирэнгэ тэ дэл лэ́скэ, и ту роскэрэса ла пэ миштыпна́скири ме́ра лэ́скэ;

Яви́р Зако́но 29:9

Ракхэ́н лава́ далэ́ заветоскирэ, и кэрэ́н кэ ко́нцо (кэ яго́ро) лэн, соб (кай) тумэ́нгэ тэ явэ́л бахт дро саро́, со тумэ́ явэ́на тэ кэрэ́н.

Яви́р Зако́но 28:14

и ту на отджаса сарэ́ лавэ́ндыр, савэ́ ракира́ва тумэ́нгэ ададывэ́с, ни пэ чачо́ (право), ни пэ зэ́рво (ле́во), соб (кай) тэ джас пала́л пал явирэ дэвлорэндэ и тэ дынаринэс лэ́нгэ.

Pritčy 8:20

Мэ псирава чачунэ́ дромэ́нца, машки́р дроморэ, кай исын чачипэ́н,

3 Kralip 2:3

И ракх заве́то Ра́скирэ-Дэвлэ́скиро, тырэ́ Дэвлэ́скиро, псир Лэ́скирэ дромэ́нца и ракх Лэ́скирэ упхэныбэна́, и припхэныбэна́ Лэ́скирэ, и Лэ́скиро чачипэ́н и упхэныбэна́ Лэ́скирэ, сыр исын чхиндло́ дро Мойза́скиро Зако́но, соб (кай) тэ явэс ту́кэ годьварэса дро саро́, со явэ́са тэ кэрэ́с, и ўсенде (везде), карик ту джа́са.

Čysly 27:23

и чхудя́ упрэ́ пэ лэ́стэ пэ́скирэ васта́, и дыя́ лэ́скэ припхэныбэ́н, сыр ракирдя́ Рай Дэвэ́л пир Мойзастэ.

Isúso 1:1

Ке́ли мыя́ о Мо́йза (Моисеё), Ра́скирэ-Дэвлэ́скиро писха́ри, Рай Дэвэ́л пхэндя́ Исусо́скэ (Ёхошуаскэ/Ешуаскэ), Навиноскирэ чхавэ́скэ, Мойза́скирэ дынари́скэ:

Яви́р Зако́но 11:8

И палдава́ ракхэ́н сарэ́ Лэ́скирэ припхэныбэна́, савэ́ мэ ракира́ва тумэ́нгэ ададывэ́с, соб (кай) тумэ́ тэ зоралён, и тэ джа́н и тэ лэн пхув, пэ сави́ тумэ́ пириджана, соб (кай) тэ лэн ла;

Isúso 1:9

Ѓа́да, Мэ ракира́ва ту́кэ: яв зорало́ и муршкано́, на дар и на страхадёв; пал-дова́ со ту́са Рай Дэвэ́л, тыро́ Дэвэ́л, исын усенде (везде), карик ту на джасас”.

Isúso 23:6

Пир саро́ адя́кэ-паць старинэнпэ тэ ракхэ́н и кэрэ́н саро́, со чхиндло́ дрэ Мойза́скирэ-Законоскири лылвари́, на отгии лэ́стыр ни пэ чачо́ (право), ни пэ зэ́рво (ле́во).

3 Kralip 2:2

“Ѓа́да, мэ отджава сарэ́-пхувья́кирэ дромэ́са, ту яв твардо и яв муршкано́.

4 Kralip 22:2

И кэрдя́ ёв лачхэ́с дрэ якха́ Ра́скирэ-Дэвлэ́скирэ, и псирдя́ дро саро́ пэ́скирэ-дадэ́скирэ Давидо́скирэ дромэ́са, и на гия́ криг ни пэ чачи́ (право), ни пэ зэ́рво (ле́во) риг.

2 Паралипоменоно 15:7

Нэ тумэ́ зоралён, и мэк тэ на ячэн бизорья́кирэ тумарэ́ васта́, пал-дова́ со исын награда (мазу́ри) пал тумарэ́ рэ́нды.”

Ióvo 1:8

И пхэндя́ Рай Дэвэ́л налачхэскэ: “Ци придыкхцянпэ ту кэ Миро писха́ри Ио́во? Нанэ манушэ́с пэ пхув, кон исын адасаво́ бидошэ́нгиро и дэвлы́тко, саво́ дарэ́ла Дэвлэ́стыр и обрикирэла пэс тэ кэрэ́л биба́хт?”

Дание́лё 10:19

и пхэндя́: “На андарша, о мурш пир ило́! Рама́нё (миро) тэ явэ́л ту́кэ; лы́джа пэс муршканэ́с, яв муршкано́!” И ке́ли ёв ракирэ́лас ма́нца, мэ састиём и пхэндём: “Ра́кир, Раё миро; пал-дова́ со ту састякирдян ман.”

Яви́р Зако́но 4:2

тэ на причхувэ́н кэ дова́, со мэ ракирдём тумэ́нгэ, и тэ на отлэн долэ́стыр; ракхэ́н Ра́скирэ-Дэвлэ́скирэ, тумарэ́ Дэвлэ́скирэ припхэныбэна́, савэ́ мэ да́ва тумэ́нгэ.

Яви́р Зако́но 29:8

и лыям лэ́нгири пхув, и отдыям ла дрэ миштыпна́скири ме́ра Рувимо́скирэ и Гадо́скирэ родыцо́скэ и пашакэ Манасия́скирэ родыцо́стыр.

2 Паралипоменоно 26:5

И рисёлас годя́са ёв кэ Дэвэ́л дрэ Захарияскирэ дывэса́, саво́ сыклякирдя́ пал Дэвлэ́скири дар; и дрэ долэ́ дывэса́, ке́ли ёв рисёлас годя́са кэ Рай Дэвэ́л, то помогиндя лэ́скэ Дэвэ́л.

Psalmy 80:19

Тэды амэ на дасапэ палэ Ту́тыр, джидякир амэн нэвэ́стыр (нэвэ́с) и амэ прикхараса Тыро́ лав.