Isúso 1:15 - Библия - Пэ Балтитко Романи чиб (Романэс) 2019

¹⁵ Пака Рай Дэвэ́л штылякирэла тумарэ́ пшалэ́н, сыр и тумэн; пака и ёнэ дорэсэ́на дро мэкно́ миштыпэ́н (наследство) пхув, сави́ Рай Дэвэ́л, Дэвэ́л тумаро́, дэ́ла лэ́нгэ. Тэды рисён дро тумаро́ мэкно́ миштыпэ́н, и явэ́н хуланца пэ пхув, сави́ Мо́йза, писха́ри Ра́скирэ-Дэвлэ́скиро, дыя́ тумэ́нгэ пал Иорда́но кэ кхамэскиро ўзгиибэн”.

Biblija - Pe Baltitko Romani čib (Romanes) 2019

¹⁵ Paka Raj Devél štyliakirela tumaré pšalén, syr i tumen; paka i jone doreséna dro meknó mištypén (nasliedstvo) phuv, saví Raj Devél, Devél tumaró, déla lénge. Tedy risjon dro tumaró meknó mištypén, i javén xulanca pe phuv, saví Mójza, pishári Ráskire-Devléskiro, dyjá tuménge pal Iordáno ke khameskiro ŭzgiiben”.

Isúso 1:15 Referans Kwoze

Filipiicenge 2:4

на екх пал пэ́стэ кажно ману́ш исын банго́ тэ дыкхэ́л, нэ и пал явирэндэ.

Galatenge 5:13

Тумэ́, пшала́лэ, са́нас кхардэ́ тэ явэ́н вольна. Екх со, соб (кай) тумари́ вольныма тэ на дэл саштыпэн тэ кэрэ́н пир лочакирэ-налачхэ́ камибэна.

1 Коринфянэнгэ 13:5

Пшалы́тко паты́в на халапэ, на родэ́ла льго́та пэ́скэ, на холясо́ла, на думинэ́ла фуипэ́н;

1 Коринфянэнгэ 12:26

И ко́ли екх паш мэнчынэлапэ, сарэ́ паша́ мэнчынэнапэ кхэтанэ́ ла́са; и ко́ли шарэна екх паш, сарэ́ паша́ радынэ́напэ ла́са.

Galatenge 6:2

Помогинэн екх екхэ́скэ тэ лыджа́н пхарипэ́н, и далэ́са тэды тумэ́ сполнинэна Христосо́скиро Зако́но.

Яви́р Зако́но 3:20

пака Рай Дэвэ́л дэ́ла рама́нё (миро) тумарэ́ пшалэ́нгэ, сыр тумэ́нгэ, и пака и ёнэ дорэсэ́на дро хулаибэн пхув, сави́ Рай Дэвэ́л, Дэвэ́л тумаро́, дэ́ла лэ́нгэ пал Иорда́но; тэды рисён кажно дро пэ́скиро хулаибэн, саво́ мэ дыём тумэ́нгэ.”

Isúso 1:1

Ке́ли мыя́ о Мо́йза (Моисеё), Ра́скирэ-Дэвлэ́скиро писха́ри, Рай Дэвэ́л пхэндя́ Исусо́скэ (Ёхошуаскэ/Ешуаскэ), Навиноскирэ чхавэ́скэ, Мойза́скирэ дынари́скэ:

Isúso 1:14

Джувля́ тумарэ́, чхавэ́ тумарэ́ и кхэри́тка мурдала́ (ското) тумаро́ мэк тэ ячэ́нпэ пэ пхув, сави́ дыя́ тумэ́нгэ Мо́йза пал Иорда́но; а тумэ́ сарэ́, кон могинэ́ла тэ марэ́лпэ, лэн марды́тко (оружиё), джа́н анги́л тумарэ́ пшалэ́ндэ и дэн васт лэ́нгэ.

Isúso 1:16

Ёнэ дро отпхэныбэ́н Исусо́скэ пхэндлэ́: “Саро́, со пхэнэ́са амэ́нгэ, кэра́са, и карик бичхавэса амэн, амэ джа́са.

Яви́р Зако́но 3:18

И дыём мэ тумэ́нгэ дро дова́ часо упхэныбэ́н, ракири́: “Рай Дэвэ́л, Дэвэ́л тумаро́, дыя́ тумэ́нгэ дая́ пхув; сарэ́, кон могинэ́ла тэ джал пэ марибэ́н, лэн марибны́тко (оружыё), джа́н анги́л тумарэ́ пшалэ́ндэ, Израилёскирэ чхавэ́ндэ;

Яви́р Зако́но 9:1

Шун, Израилё: ту акана́ пириджаса Иорда́но, соб (кай) тэ джас тэ заухтылэс манушэ́н, савэ́ исын буты́р и зоралэды́р ту́тыр, барэ́ форьенца и зоралэ́ тынэ́нца кэ болыбэ́н,

Isúso 22:1

Тэды Ису́со кхардя́ кэ пэ ро́дыцо Рувимоскиро, Гадоскиро и паш Манасия́скиро ро́дыцо, и пхэндя́ лэ́нгэ: