Isúso 1:14 - Библия - Пэ Балтитко Романи чиб (Романэс) 2019

¹⁴ Джувля́ тумарэ́, чхавэ́ тумарэ́ и кхэри́тка мурдала́ (ското) тумаро́ мэк тэ ячэ́нпэ пэ пхув, сави́ дыя́ тумэ́нгэ Мо́йза пал Иорда́но; а тумэ́ сарэ́, кон могинэ́ла тэ марэ́лпэ, лэн марды́тко (оружиё), джа́н анги́л тумарэ́ пшалэ́ндэ и дэн васт лэ́нгэ.

Biblija - Pe Baltitko Romani čib (Romanes) 2019

¹⁴ Džuvliá tumaré, čhavé tumaré i kherítka murdalá (skoto) tumaró mek te jačénpe pe phuv, saví dyjá tuménge Mójza pal Iordáno; a tumé saré, kon moginéla te marélpe, len mardýtko (oružijo), džán angíl tumaré pšalénde i den vast lénge.

Isúso 1:14 Referans Kwoze

Sykadyipén 17:4

И джувлы́ сыс уриды дро сливитко (кхилавитко) и ярко лоло́ тхан, со зяинэлас сувнака́са, кучонэ́ барэ́нца и мутинаса (жэмчугоса). Ёй рикирдя дро пэ́скиро васт сувнакуно́ тахта́й, саво́ сыс пхэрдо́ джунгалыпнаса (брыткимаса) и нажужыпнаса ла́кирэ биладжаипнастыр.

Яви́р Зако́но 20:8

Причхувибнарья [барыдыра́ пэ халадэ́ндэ-ю.о.] мэк тэ пхэнэ́н анги́л манушэ́ндэ, и пхэнэ́на: “Кон дарла (дарэ́ла) и нанэ муршкано́, одова́ мэк тэ джал и тэ рисёл дро пэ́скиро кхэр, соб (кай) ёв тэ на кэрэ́л намуршканэнца лэ́скирэ-пшалэнгирэ илэ, сыр лэ́скиро ило́.”

Vygiiben 13:18

И Рай Дэвэ́л облыджия манушэ́н чхучэ́ дромэ́са кэ Лоло́ мо́рё (дэрья́в). И выгинэ́ Израилёскирэ чхавэ́ курталэнца Египто́скирэ пхувья́тыр.

Čysly 32:26

чхавэ́ амарэ́, ромня́ амарэ́, ста́ды амарэ́ и сарэ́ амарэ́ кхэри́тка мурдала́ ячэ́напэ ада́й дрэ Галаадо́скирэ фо́рья,

Яви́р Зако́но 3:19

екх тумарэ́ ромня́ и тумарэ́ чхавэ́ и тумарэ́ кхэри́тка мурдала́ (ското) тумарэ́, мэк тэ ячэ́нпэ дрэ тумарэ́ фо́рья, савэ́ мэ дыём тумэ́нгэ,

Isúso 1:13

“Пририпирэн, со ракирдя́ тумэ́нгэ Мо́йза, писха́ри Ра́скиро-Дэвлэ́скиро: Рай Дэвэ́л, Дэвэ́л, тумаро́ штылякирдя тумэн, и дыя́ тумэ́нгэ дая́ пхув.

Isúso 1:15

Пака Рай Дэвэ́л штылякирэла тумарэ́ пшалэ́н, сыр и тумэн; пака и ёнэ дорэсэ́на дро мэкно́ миштыпэ́н (наследство) пхув, сави́ Рай Дэвэ́л, Дэвэ́л тумаро́, дэ́ла лэ́нгэ. Тэды рисён дро тумаро́ мэкно́ миштыпэ́н, и явэ́н хуланца пэ пхув, сави́ Мо́йза, писха́ри Ра́скирэ-Дэвлэ́скиро, дыя́ тумэ́нгэ пал Иорда́но кэ кхамэскиро ўзгиибэн”.

Яви́р Зако́но 33:21

ёв выкэдыя́ пэ́скэ пэ́рво барьякирдо́ (начатко) пхувья́киро, одо́й ёв дорэсця́ миштыпна́скири ме́ра Законо́скирэ дыибнаристыр, и явдя́ ёв манушэ́нгирэ шэралэнца, и кэрдя́ саро́ пир чачипэ́н Ра́скирэ-Дэвлэ́скиро и сэнды Израилёскирэ.”

Isúso 4:12

И чхавэ́ Рувимо́скирэ, и чхавэ́ Гадо́скирэ, и паш Манасия́скиро ро́дыцо пиригинэ́ анги́л Израилёскирэ чхавэ́ндэ мардытконэнца, сыр ракирдя́ лэ́нгэ Мо́йза.