Isajos 9:5 - Библия - Пэ Балтитко Романи чиб (Романэс) 2019

⁵ Пал-дова́, со кажнонэскирэ-халадэскирэ тыраха марибнастыр, урибэ́н лэ́скиро, саво́ исын дро рат, схачкирэна, отдэна, соб (кай) яг тэ схал лэн.

Biblija - Pe Baltitko Romani čib (Romanes) 2019

⁵ Pal-dová, so kažnoneskire-xaladeskire tyraha maribnastyr, uribén léskiro, savó isyn dro rat, shačkirena, otdena, sob (kaj) jag te shal len.

Isajos 9:5 Referans Kwoze

2 Фесалоникийцэнгэ 1:8

яга́са, сави́ явэ́ла тэ хачол, Ёв отдэ́ла палэ сэндоса одолэ́ манушэ́нгэ, савэ́ на прилынэ́ Дэвлэ́с и на кандынэ́ амарэ́ Ра́скирэ-Дэвлэ́скири, Исусо́скирэ Христососкири бахталы́ зан (звесь);

Матфеё 3:11

Мэ болава тумэн пане́са пал тумаро́ при ґалыибэ́н дрэ грэ́хи, нэ Ёв, Саво́ джа́ла пал ма́ндэ, исын зоралэды́р ма́ндыр, Конэ́скэ ґэритка мэ на сом мол тэ злав; Ёв явэ́ла тэ болэл тумэн Свэнтонэ́ Духо́са (Фаноса) и яга́са.

Naumo 3:2

Шунэлапэ зоралэ́с, сыр марэла чхупны, и чхинэла кан, сыр ро́ты праста́на (грюкинэна), сыр уклистэ́ грая грымитынэна, сыр марибны́тка вурдэна́ подухтэна!

Ioil 2:5

Ёнэ традэ́на уклистэ́ пир бэргэнгирэ фе́ли (макушки) ґрукатоса сы́рбы марибнытконэ́ вурдэнэндыр, сы́рбы бари яг, сави́ пхарадёла, ке́ли похала пхуса, сы́рбы зоралэ́ мануша́, кон исын скэдыно́ тэ марэ́лпэ.

Isajos 30:33

Пал-дова́ со Тофето ґара́ кэрдо́; ёв сыс кэрдо́ ваш крали́скэ, ёв исын хор и бугло; дрэ яг лэ́скири бут кашта́ чхудэ́; пхурдыпэн Ра́скирэ-Дэвлэ́скиро лэс захачкирэла лэс сыр хачкирды се́ра (дзэвэ́ля).

Psalmy 46:9

Явэ́н, дыкхэ́н Ра́скирэ-Дэ-влэскирэ бутя́, Кон кэрдя́ замэкибэн пэ пхув;

Apostolengiri Butý 2:19

И Мэ сыкава́ва ди́вы упра́л пэ болыбэ́н и знаме́нии (ґертыка́) тэла́л пэ пхув, рат, яг и о́блоко тхувэса.

Isajos 4:4

Ко́ли морэла криг Рай Дэвэ́л Сионоскирэ чхаенгиро магирибэн и жужакирэла Ерусалимоскиро рат машки́р лэ́стэ сэндытконэ деса и ягакирэ духо́са.

1 Kralip 14:19

Са́уло ишчо (инкэ́) ракирдя́ кэ раша́й, сыр смятениё (конфузо) дро Филистимиякиро ста́но буты́р и буты́р розджаласпэ и бария. Тэды пхэндя́ Са́уло раша́скэ: “Счхув тырэ́ васта́.”

Левито 3:16

и схачкирэ́ла лэн раша́й пэ алта́рё: дава́ исын ягакиро маро́, гудло́ тхув, Ра́скэ-Дэвлэ́скэ; а саро́ чэкэ́н Ра́скэ-Дэвлэ́скэ.

Левито 3:11

раша́й схачкирэ́ла дава́ пэ алта́рё; дава́ исын ягакиро маро́ – свэ́нто дыибэ́н Ра́скэ-Дэвлэ́скэ.

Apostolengiri Butý 2:3

И сыкадынэ сыкляибнытконэ́нгэ чиба́ (чибья́), савэ́ хачинэ яга́са, ёнэ росчхудэпэ и згинэ пир екх пэ кажнонэ́стэ лэ́ндыр.

Ереме́ё 47:3

Ке́ли явэ́ла шундло лопотымо (топото) пэталэндыр зоралэ́-грэнгирэн, ке́ли явэ́на тэ грукинэн лэ́скирэ марибны́тка вурдэна́, ке́ли явэ́на тэ грыминэн лэ́скирэ ро́ты, со дада́ аж на подыкхэна палэ пэ пэ́скирэ биятэндэ, пир дова́, со лэ́нгирэ васта́ исын бизорья́кирэ.

Isajos 37:36

И выгия́ Янго́ло Дэвлэ́скиро и замардя́ дро Асирия́кирэ-халадэ́нгиро ста́но шэл охтодэша́ пандж тысёнцы манушэ́н. Уштынэ́ пэ са́мо зло́ко (зоря) и, акэ, – сарэ́ мануша́ исын мулэ́.

Isajos 13:4

Баро́ шумо исын пэ бэ́рги, сы́рбы бутэ́ народо́стыр; шумо, саво́ ґаздынэ́ кралипэна́ и народо, скэдыно́ кхэтанэ́: Рай Дэвэ́л, болыбна́скирэ-янголэ́нгиро, обдыкхэла халадэ́нгиро строё.

Psalmy 72:3

Бэ́рги янэ́на рама́нё (миро) манушэ́нгэ, а бэ́ргицы чачипэ́н.

Isajos 2:4

Ёв явэ́ла тэ сэндякирэ́л бут народы, Ёв сыкавэ́ла сэндарискиро лав кэ бут ро́ды; пирикэрэна пэ́скирэ курталы (мечы) пэ плуги (пхарадя) и чхурдыпнытка бустя́ (коп΄и) пэ чхиндлэ́ (серпы), на явэ́на тэ сыклён сыр, тэ лыджа́н марибэ́н.

Isajos 9:4

Пал-дова́ со ґа́мо, пхарипэ́н лэ́скиро, дэсто́, саво́ лэс марэлас, Ту пхагирэса сыр дро Мадиамоскиро дывэ́с.”

Isajos 9:6

Пал-дова́ со Бия́то бия́ндыя амэ́нгэ, чхаво́ исын дыно́ амэ́нгэ; Ёв лэ́ла зор дро Пэ́скиро васт, и дэ́на Лэ́скэ лав: Лачхо́ Годыпнари, зорало́ Дэвэ́л, Дад, конэ́стэ исын ве́чно джиибэ́н, далэ́-свэтоскиро Тхага́ри (Князё).

Džiibén 32:30

И дыя́ Яково долэ́ штэтоскэ лав: Пенуэло [Пэни-Эль-ю.о.], пал-дова́ со ракирдя́ ёв: “Мэ дыкхцёмпэ Дэвлэ́са муй кэ муй, и зракхцяпэ миро джиибэ́н.”

Vygiiben 23:21

Ракх пэс анги́л Лэ́скиро муй, и шун Лэ́скири зан; на яв проти Лэ́стэ, пал-дова́ со Ёв на отмэкэ́ла тумаро́ грэ́хо; пал-дова́ со Миро лав исын дрэ Лэ́стэ.

Сэндарьенгири Лылвари́ 13:18

Дэвлэ́скиро Янго́ло пхэндя́ лэ́скэ: “Со ту пхучэса пал миро лав? Ёв исын дивно.

Ереме́ё 23:5

“Акэ, явэ́на дывэса́”, – ракирэ́ла Рай Дэвэ́л, – ке́ли Мэ чхува́ва упрэ́ нэвэ́стыр Давидо́скэ Рандь (Отбарипэн) чачуны́, Крали́с, ёв явэ́ла тэ раинэл и тэ кэрэ́л саро́ годэс. Ёв явэ́ла тэ кэрэ́л чачуно́ сэ́ндо и пир чачипэ́н пэ пхув.

Mihiejo 5:1

Акана́ скэ́дэ кхэтанэ́ халадэ́н, э чхай халадэнгири, пал-дова́ со амэн обчхудэ трусця́л вэ́рги, и ёнэ пэкавэна Израилёскирэ сэндарис кхияса (тростяса) пир чхам (шчока).

Заха́рия 6:13

Ёв кэрэ́ла Кхангири́ Ра́скирэ-Дэвлэ́скири и прилэ́ла сла́ва, и лэ́ла тэ бэшэ́л сыр барыдыро́ пэ Пэ́скиро троно; явэ́ла и раша́й пэ Пэ́скиро троно, и лавэнгиро рама́нё (миро) явэ́ла машки́р дова́ и яви́р.