Isajos 9:4 - Библия - Пэ Балтитко Романи чиб (Романэс) 2019

⁴ Пал-дова́ со ґа́мо, пхарипэ́н лэ́скиро, дэсто́, саво́ лэс марэлас, Ту пхагирэса сыр дро Мадиамоскиро дывэ́с.”

Biblija - Pe Baltitko Romani čib (Romanes) 2019

⁴ Pal-dová so ĥámo, pharipén léskiro, destó, savó les marelas, Tu phagiresa syr dro Madiamoskiro dyvés.”

Isajos 9:4 Referans Kwoze

Isajos 14:25

Соб (кай) Мэ тэ розмарав Асуро пэ Мири́ пхув, тэ ростасавав лэс пэ Мирэ́ бэ́рги; и пэрла лэ́ндыр лэ́скиро ґа́мо, злэлапэ пхарипэ́н лэ́нгирэ псикэндыр.”

Ереме́ё 30:8

И явэ́ла адя́кэ дро дова́ дывэ́с’, – ракирэ́ла болыбна́скирэ-янголэ́нгиро Рай Дэвэ́л – со Мэ пхагирава лэ́скиро ґа́мо лэ́скирэ мэнятыр, и Мэ роскушава лэ́скирэ састыра́, и чу́жа мануша́ на явэ́на буты́р тэ рикирэ́н лэс сыр писхари́с.

Naumo 1:13

Акана́ Мэ пхагирава ґа́мо тырэ́ мэнятыр, со ёнэ чхудэ́ пэ ту́тэ, и Мэ пхаравава (роскушава) тырэ́ састыра́ пэ паша́.”

Isajos 54:14

Ту явэ́са зоралы́ чачипна́са, на трэй ту́кэ тэ дарэс, пал-дова́ со нико́н ту́кэ буты́р на дэ́ла пхарипэ́н, ту на явэ́са тэ дарэс, пал-дова́ со ёв кэ ту на подджа́ла.

Isajos 49:26

И одолэ́, кон пэ ту́тэ ґаздыя́пэ, явэ́на тэ хан пэ́скири лоч (плоть); и явэ́на тэ пьен пэ́скиро рат, сыр тэрны́ мол (вино), и кажно лоч (плоть) ґалёла, со Мэ сом Рай Дэвэ́л, Зракхибнари тыро́, Саво́ Тут выкиндя, Зорало́ Яково́скиро.”

Левито 26:13

Мэ сом Рай Дэвэ́л, тумаро́ Дэвэ́л, Саво́ вылыджия́ тумэн Египто́скирэ пхувья́тыр, соб (кай) тумэ́ тэ на явэ́н одо́й писхарье́нца, и тэ пхагирав састыра́ тумарэ́ ґамостыр, и Саво́ лыджия́ тумэн заґаздынэ шэрэ́са.

Džiibén 27:40

И ту явэ́са тэ дживэ́с тырэ́ куртала́са, и ту явэ́са тэ дынаринэс (тэ служынэс) тырэ́ пшалэ́скэ; нэ явэ́ла часо, ке́ли ту ґаздэсапэ пэ лэ́стэ и счхурдэса лэ́скиро ґа́мо трэ мэнятыр.”

Isajos 10:5

“О, Асуре, дэсто́ Мирэ́ холя́тыр! Чхупны дро лэ́скиро васт исын Мири́ холы́!

Psalmy 125:3

Чорэ́-манушэ́нгиро дэсто́ на явэ́ла тэ рикирэ́л зор пэ пхув, кай исын чачипнаскирэ мануша́, соб (кай) чачипнаскирэ мануша́ тэ на рискирэ́н пэ́скирэ васта́ кэ чорипэ́н.

Isajos 51:13

Кон ту сан, ко́ли бистрэса Рас-Дэвлэ́с, Саво́ тут создыя́, Саво́ протырдыя́ болыбэ́н и дыя́ джиибэ́н пхувьякэ? Кажно дывэ́с ту дарэса тырэ́-вэргоскирэ холя́тыр, адя́кэ, сы́рбы вэ́рго исын пашы́л ту́тэ, саво́ камэ́ла тэ хасякирэ́л тут. Нэ кай исын лэ́скири холы́?

Isajos 47:6

Холясыём Мэ пэ Миро народо, хасякирдём Мирэ́ чхавэ́н, отдыём лэн дрэ тырэ́ васта́, Вавило́но, а ту на потангиндян лэн; пхуро́ ману́ш лыджия́ тыро́ пхарипэ́н.

Psalmy 81:6

Ёв дыя́ дава́ сыр допхэныбэ́н ваш Ёза́скэ (Иосифоскэ), сыр Ёв выджа́лас Египто́скирэ пхувья́тыр. Мэ шундём чиб, сави́ мэ на ґалыём:

Isajos 9:5

Пал-дова́, со кажнонэскирэ-халадэскирэ тыраха марибнастыр, урибэ́н лэ́скиро, саво́ исын дро рат, схачкирэна, отдэна, соб (кай) яг тэ схал лэн.

Isajos 16:4

Мэк тэ дживэ́н на́бут ту́тэ мирэ́ вытрадынэ́ Моавитяни, зра́кх лэн чорэстыр, пал-дова́ со явэ́ла часо, ко́ли на ячэ́ла битангипнаскирэс, пириячэ́ла чорибэн, одолэ́, кон ґаздыя́пэ пэ ту́тэ, хасёна далэ́ пхувья́тыр.”

Isajos 52:2

Тринскир пэ́стыр пра́хо, ушты́, Ерусалимо, саво́ сыс дрэ наволя, злэ зандир (ланцо) тырэ́ мэнятыр, чхай Сионо́скири дро пле́но!

Ереме́ё 48:17

Тангинэн ясвэ́нца лэс, сарэ́, кон исын пашы́л лэ́стэ, и сарэ́, кон джинэ́ла лэ́скиро лав, пхэнэ́н: ‘Саво́ зорало́ дэсто́ исын пхагирдо́, сави́ шука́р кхия сыс!’

Isajos 10:16

Палдава́ кэрэ́ла Рай Дэвэ́л, болыбна́скирэ-янголэ́нгиро адя́кэ, со тхулэ вышутёна, а машки́р барэ́ лэ́скирэ манушэ́ндэ росхачкирэла яг, хачкирэ́ла сы́рбы яг.