Isajos 9:14 - Библия - Пэ Балтитко Романи чиб (Романэс) 2019

¹⁴ Отчингирэла Дэвэ́л Израилёстыр шэро́ и пори, пальма и дэсто́ дро екх дывэ́с.

Biblija - Pe Baltitko Romani čib (Romanes) 2019

¹⁴ Otčingirela Devél Izrailjostyr šeró i pori, pal'ma i destó dro jekh dyvés.

Isajos 9:14 Referans Kwoze

Sykadyipén 18:8

палдава́ фра́нсы, мэрибэ́н, смэнтныма роибнаса и бари бокх явэ́на дро екх дывэ́с пэ ла́тэ. Яг хачкирэ́ла сарэ́са ла, пал-дова́ со Рай Дэвэ́л исын зорало́, Саво́ сэндякирэ́ла ла.

Isajos 19:15

И на явэ́ла дрэ Еги́пто дасави́ буты́, сави́ б кэрэ́нас шэро́ и пори, пальма и дэсто́.

Sykadyipén 18:17

Пал-дово со дрэ екх мардо́ дасаво миштыпэ́н хасия́.” И кажно парма́киро (кораблё́скиро) лыджаипнари (кормчо) и кажно ману́ш, кон плывиндя (дыя́ пли́ма) пэ па́рмы (корабли), и моряки, и сарэ́ бутярнэ́ пэ мо́рё (дэрья́в), тэрдинэ́ дура́л;

Sykadyipén 18:10

Тэрдиндой дур ла́кирэ ягатыр, пал-дова́ со ёнэ дара́ндынэ ла́кирэ мэнькатыр, ёнэ пхэнэнас: “Бида, би́да ту́кэ, бари и зоралы́ Вавилония! Акэ, пал мардо́ (шту́нда) явдя́ сэ́ндо пэ ту́тэ.”

Amoso 7:17

“Палдава́ адя́кэ ракирэ́ла Рай Дэвэ́л: ‘Тыри́ ромны́ явэ́ла биладжакуны джувлы́ дро фо́ро, а тырэ́ чхавэ́ и чхая́ пэрэ́на куртала́тыр, тыри́ пхув роскэрэна пэ паша́ шэлэса меринытконэса, и ту мэрэ́са пэ магирды пхув; и Израилё, чачипна́са, лыджа́на криг дро пле́но лэ́скирэ пхувья́тыр.”

Amoso 6:11

Пал-дова́ со, акэ, Рай Дэвэ́л припхэнэла, со Ёв пхагирэ́ла баро́ кхэр (кралипэ́н Израилёскиро) кэ руи́ны, и тыкно́ кхэр (кралипэ́н Юдэя́киро) пэ котэра́.

Amoso 3:12

Адя́кэ ракирэ́ла Рай Дэвэ́л: “Сыр о чхупна́ри (пастырё) вытырдэла яви́р мо́ло и зракхэ́ла шчэроскирэ (левоскирэ) мо́стыр дуй кокалы́ ґэрэнгирэ и котэ́р канэскиро, адя́кэ-паць на́бут чхаворэ́н Израилёскирэн вытырдэна хасибнастыр, савэ́ дживэ́на кэ Сама́рия пэ яго́ро (пэ краё) чхуибнаскиро, и савэ́ исын бэштэ́ пэ яго́ро дрогонэ́ пасиндлякиро (пэ кушэтка).

Osija 13:3

Палдава́ ёнэ явэ́на сыр мигла (тумано) пэ зло́ко, сыр пэ́рво пахлын, сави́ сы́гэс хасёла, сыр шприя (мякина), со росчхурдэла рискирибнаскири балва́л криг гиваобкэрибнаскирэ шурнатыр (гумностыр), сыр тхув, со джа́ла труба́тыр (тхувалэстыр).

Osija 10:15

Адя́кэ кэрэ́ла тумэ́нца, о Вефи́лё, пир-дова́ со тумэ́ бут кэрдэ́ фуипэ́н.

Osija 8:8

Израилё адя́кэ-паць исын накхадо (проглыниндло): акана́ ёнэ ячнэ́ машки́р Наюды́тка на́цыи сы́рбы кхоро́ (сасудо), со на пир ило́ никонэ́скэ.

Osija 4:5

Тумэ́ явэ́на тэ обштавэнпэ дывэсэ́, и проро́ко адя́кэ-паць обштавэлапэ тумэ́нца раты́: и Мэ хасякира́ва тумарья да.

Osija 1:9

И пхэндя́ Рай-Дэвэ́л Осияскэ: “Дэ лав лэ́скэ Ло-амми́, пал-дова́, со тумэ́ на сан Мирэ́ мануша́, и Мэ на ява́ва тумаро́ Дэвэ́л.”

Osija 1:6

И ёй нэвэ́стыр яця́ пхари́ и ёй бияндя́ чхаёрья. И Дэвэ́л пхэндя́ Осияскэ: “Дэ лав ла́кэ Лорухама, пал-дова́ со Мэ буты́р на ява́ва тэ сыкавав ла́ска пэ кхэр Израилёскиро, соб (кай) тэ отмэкав банг лэ́нгэ.

Osija 1:4

И пхэндя́ Рай-Дэвэ́л лэ́скэ: “Дэ лав лэ́скэ Изреелё, пал-дова́ со ишчо (инкэ́) на́бут и проджа́ла и Мэ дукхавава палэ пал рат дро Изрееле, со прочхудяпэ дро кхэр Ииуёскиро (Игуёскиро), и Мэ кэра́ва адя́кэ, со пириячэна тэ явэ́н кра́лья кхэрэ́стыр Израилёскирэстыр.

Isajos 30:13

то тэ́ньчи дава́ грэ́хо явэ́ла ваш тумэ́нгэ, сыр роспхагирды ва́нта, сави́ пхадёла, ко́ли на ужакирэ́на.

Isajos 10:17

Дуд (свэ́то) Израилёскиро явэ́ла яга́са, и Свэ́нто лэ́скиро – долэ́ яга́са, сави́ схачкирэ́ла и схала лэ́скирэ пхусадэ́ чарья́ дро екх дывэ́с.

Ереме́ё 6:21

Палдава́ ракирэ́ла Рай Дэвэ́л адя́кэ: “Акэ, Мэ чхува́ва бар тэ обштавэнпэ анги́л кадалэ́ манушэ́ндэ: дада́ и чхавэ́ кхэтанэ́ пэрэ́на пир дава́ бар. Пашатуно ману́ш и лэ́скиро мал хасёна.”

Ереме́ё 8:12

Ци ладжандынэ ёнэ, сыр ёнэ кэрдэ́ джунгалэ́ дэвлорэ́? Над! Ёнэ на ладжандынэ сарэ́са, и ёнэ на джиндлэ́ тэ лолён. Палдава́ ёнэ пэрэ́на машки́р одолэ́ндэ, савэ́ пынэ́, дро лэ́нгирэ-сэндоскиро часо (цы́ро) ёнэ обштавэна,’ – раки́рла Рай Дэвэ́л.

Roiben 4:16

Ра́скирэ-Дэвлэ́скири холы́ роскэрдя́ лэн пэ паша́. Ёв на явэ́ла тэ кэрэ́л паты́в лэ́нгэ. Нико́н на кутякирдя ни раша́н, ни сыкадя́ ла́ска кэ годэпхурэ́.