Isajos 8:7 - Библия - Пэ Балтитко Романи чиб (Романэс) 2019

⁷ то янэ́ла кэ ёв Рай Дэвэ́л баро́ пани́ – Асирия́кирэ крали́с лэ́скирэ барипнаса; и ґаздэ́лапэ дава́ пани́, выджа́ла пэ́скирэ брэгэндыр.

Biblija - Pe Baltitko Romani čib (Romanes) 2019

⁷ to janéla ke jov Raj Devél baró paní – Asirijákire kralís léskire baripnasa; i ĥazdélape davá paní, vydžála péskire bregendyr.

Isajos 8:7 Referans Kwoze

Amoso 9:5

И Рай Дэвэ́л, янголэ́нгирэ-болыбна́скиро Дэвэ́л, исын Кодова́, Кон чилавэ́ла пхув и ёй биладёла, и сарэ́, кон дживэ́ла пэ ла́тэ, явэ́на зоралэ́с тэ ровэ́н; сари́ пхув ґаздэ́лапэ сыр шувлыпэн сы́рбы рэка (лэнь)(Нило), и ёй мэкэлапэ тэлэ́ екха́тыр сы́рбы рэка (лэнь) Египто́скири,

Amoso 8:8

Ци на лэ́ла тэ издрал пхув пал дава́, и кажно (сва́ко) ману́ш явэ́ла тэ тугинэл зоралэ́с, кон дживэ́ла пэ дая́ пхув. Ци на ґаздэ́лапэ сыр шувлыпэн сари́ дая́ пхув сы́рбы рэка (лэнь): со явэ́ла тэ ґаздэлпэ валнэнца и тэ мэкэл тэлэ́ екха́тыр (сра́зу) сы́рбы рэка (лэнь) Египто́скири.’

Isajos 7:20

Дро дова́ дывэ́с обмуравэла Рай Дэвэ́л мурадлуняса (бритваса), сави́ Ёв залыя долэ́ бутярнэндэ палэ рэка (лэнь), Асирия́кирэ крали́стэ шэро́ и бала́ пэ ґэра́, обчхинэла чхора (брода).

Isajos 7:17

Нэ янэ́ла Рай Дэвэ́л кэ ту, кэ тыро́ народо, кэ тырэ́-дадэ́скиро кхэр дасавэ́ дывэса́, савэ́ на сыс, долэ́ часостыр (цыростыр), сыр отгия́ Ефре́мо Юдэя́тыр; Ёв янэ́ла Асирия́кирэ крали́с.”

Džiibén 6:17

И ґа́да, Мэ зачхувава дая́ пхув пане́са, соб (кай) кажно лоч (плоть) тэ хасякира́в, дрэ сави́ исын джиибнытко ду́хо (фа́но) тэл болыбэ́н; саро́, со исын пэ пхув, соб (кай) тэ мэрэ́л.

Sykadyipén 17:15

И Янго́ло пхэндя́ ма́нгэ: “Паня́, со ту дыкхэ́са, пэ савэ́ розмэкны джувлы́ исын бэшты, дава́ – манушы́тка ро́ды, и манушы́тка на́цыи (народы), кхэри́тка ро́ды (пле́ми) и екхэ́-чиба́кирэ ирья́ (языки).

Naumo 1:8

Нэ барэ́-тасадыпнаскирэ паненца, савэ́ исын сыр потопо, Ёв янэ́ла хасибэ́н кэ ко́нцо (кэ яго́ро) далэ́ штэтоскэ Ниневиякэ, и калыпэ́н учхакирэ́ла Лэ́скирэ вэргэ́н.

Дание́лё 11:22

Халадыбэна явэ́на тасадэ сы́рбы потопоса и пхарадэ анги́л лэ́стэ, и о кокоро́ тхага́ри завето́скиро, явэ́ла ростасадо.

Дание́лё 11:10

И лэ́на марды́тко (оружыё) чхавэ́ лэ́скирэ и скэдэ́на бут халадэ́н, и екх лэ́ндыр сы́гэс явэ́ла, пхэрдякирэла саро́ и проджа́ла, и тэ́ньчи, рисии, лэ́ла тэ марэ́лпэ лэ́са паш-ратитконэ́ крали́са пашы́л лэ́скири тва́рдыма.

Дание́лё 9:26

Сыр проджа́на шовдэша́ дуй эфтытка, то явэ́ла отдыно́ пэ мэрибэ́н о Помакхно (Месия) [Христо́со-р.с.], и на явэ́ла Лэс; яви́р тхага́ри лэ́скирэ манушэ́нца роспхагирэна и фо́ро и свэ́нто штэ́то, саво́ явэ́ла, и ко́нцо лэ́стыр явэ́ла сыр да барэ́-тасадыпнаскирэ панингэстыр, и кэ ко́нцо марибнаскиро явэ́на чхучакирибэна (спустошэнии).

Isajos 59:19

И явэ́на тэ дарэ́н Ра́скирэ-Дэвлэ́скирэ лавэ́стыр пэ западо (пэ пал-панитко риг), дарэ́на Лэ́скирэ барэ́ патыватыр пэ доя́ риг, кай кхам ґаздэ́лапэ. Ко́ли вэ́рго явэ́ла, сыр рэка (лэнь), то пхурдыпэн Ра́скиро Дэвлэ́скиро лэс вытрадэла.”

Isajos 28:17

Мэ кэра́ва адя́кэ, со явэ́на тэ меринэн сэндоса и чачипна́са; бара́ хасякирэна штэ́то, кай хохаибэ́н гарадяпэ, пани́ зачхувэла дава́ штэ́то.

Psalmy 72:8

Лэ́скиро кралипэ́н явэ́ла екхэ морёстыр (дэрьявэстыр) кэ яви́р, Евфратонэ рэка́тыр (лэня́тыр) кэ пхувья́кирэ яго́ры (краи́).

Luka 6:48

кодова́ ману́ш, саво́ ґаздэ́ла кхэр; и ёв ґанадя хор тэ чхувэ́л фунда́менто пэ бар. И ке́ли яця́ потопо, и пани́ пэкадя́ дро до кхэр, кхэр яця́пэ тэ тэрдёл, пал-дова́ со лэ́скиро фунда́менто сыс пэ бар.

Е́здра 4:10

и явирэ манушэ́ндыр, савэ́н баро́ и лачхэ́-родоскиро Аснафаро яндя́ и чхудя́ тэ дживэ́н дрэ фо́рья Самариякирэ и пэ яви́р штэ́ты дрэ провинцыя палэ рэка (лэнь) Ефрато, и адя́кэ дурэды́р.”

4 Kralip 19:32

Палдава́ адя́кэ ракирэ́ла Рай Дэвэ́л пал Асирия́кирэ крали́стэ: ‘На заджа́ла ёв дро дава́ фо́ро, и на чхурдэ́ла одори́к марибны́тка бустя́ (стре́лы), и на поджала кэ ёв шчытоса, и на чхувэ́ла вучэ́с проти лэ́стэ вало.

Isajos 10:5

“О, Асуре, дэсто́ Мирэ́ холя́тыр! Чхупны дро лэ́скиро васт исын Мири́ холы́!

Isajos 10:16

Палдава́ кэрэ́ла Рай Дэвэ́л, болыбна́скирэ-янголэ́нгиро адя́кэ, со тхулэ вышутёна, а машки́р барэ́ лэ́скирэ манушэ́ндэ росхачкирэла яг, хачкирэ́ла сы́рбы яг.

Isajos 11:15

И вышутькирла Рай Дэвэ́л рэка (лэнь), со исын пашы́л мо́рё (дэрья́в) Египто́скиро, протырдэла Ёв Пэ́скиро васт кэ рэка (лэнь) дрэ зоралы́ балва́л, розмарла ла пэ эфта́ яви́р рэкицы, адя́кэ, со дрэ тривики явэ́на ла тэ пириджан.

Isajos 28:2

Акэ, састо́ и зорало́ исын Растэ-Дэвлэ́стэ сыр баро́ брышы́нд барэ́нца, сыр хасякирибнытко балва́л, сыр шумно пани́, саво́ ґаздыя́пэ и зорья́са чхурдэ́ла пэ пхув.

Isajos 43:2

Ко́ли ту явэ́са тэ пириджас пир пани́, Мэ сом ту́са; ци пир рэ́ки (лэня́) – ёнэ тут на тасадякирэна; подджаса кэ яг – ёй тут на схачкирла.

Ереме́ё 47:2

Адя́кэ ракирэ́ла Рай Дэвэ́л: “Акэ, паня́ ґаздэ́напэ паш-ратитконэ́ (севернонэ) рига́тыр и ячэ́напэ сыр тасадыпнаскиро панинг; ёнэ зачхувэна пане́са пхув и саро́, со исын пэ ла́тэ: фо́рья, и одолэ́н, кон дживэ́на дрэ лэ́ндэ. Мануша́ явэ́на тэ ровэ́н, и сарэ́ джиибна́скирэ пэ пхув явэ́на тэ тугинэн (тэ ровэ́н) ясвэ́нца.

Ереме́ё 51:42

Мо́рё (дэрья́в) сы́гэс тхадэ́ла упрэ́ пэ Вавило́но, ёв учхакирдя́ фо́ро пэ́скирэ валнэнца.

Езэкилё 26:19

Адя́кэ ракирэ́ла Рай Дэвэ́л, Дэвэ́л: “‘Ко́ли Мэ кэра́ва ту́тыр чхучо́ фо́ро, сыр фо́рья, кай нико́н на дживэ́ла, ке́ли ґазда́ва Мэ пэ ту́тэ морёскиро (дэрьявэ́скиро) хорипэ́н, то учхакирэна тут барэ́ валны.

Mihiejo 1:9

Пал-дова́ со Самариякирэ фра́нсы (раны) исын насастякирибнытка, пал-дова́ со ёнэ догинэ́ кэ Юдэ́я; ёнэ догинэ́ кэ по́рта мирэ́ манушэ́нгири, кэ Ерусалимо.

Mihiejo 5:5

И кадава́ Ману́ш янэ́ла рама́нё (миро). Ке́ли о Асирия́кирэ халадэ́ явэ́на пэ дая́ пхув, и ке́ли ёнэ лэ́на тэ штавэн пир амарэ́ фэлатиня́, тэ́ньчи амэ чхуваса анги́л лэ́ндэ эфта́ чхупнарьен (пастырьен), и охто́ тхагарьен (князьен) манушэнгирэн.

Psalmy 46:4

Мэк паня́ тэ брилинэн (тэ ревинэн) и тэ кэрдён пенаса, мэк бэ́рги тэ тринскирэнпэ пэ́скирэ зорья́тыр. Сэ́ла.

Isajos 28:15

Пал-дова́, со тумэ́ ракирэ́на: “Амэ доракирдямпэ хорэ штэтоса тэл пхув люноса (адоса) и мэрибнаса: ко́ли проджа́ла чхупны, сави́ хасякирла саро́, кэ амэ ёй на доджа́ла, пал-дова́ со хохаибнаса амэ зракхасапэ и начачипнаса пэс закэраса (пхандасапэ).”

Mihiejo 5:4

И Ёв тэрдёла и Ёв явэ́ла тэ чаравэл Лэ́скирэ-бакрэнгири стада Ра́скирэ-Дэвлэ́скирэ зоралыпнаса, лавэскирэ райканыпнаса Ра́стыр-Дэвлэ́стыр, Лэ́скирэ Дэвлэ́стыр. И ёнэ ячэ́напэ тэ дживэ́н би дара́киро, пал-дова́ со Ёв явэ́ла Баро́ пэ яго́ры (пэ краи́) пхувья́кирэ.