Isajos 8:22 - Библия - Пэ Балтитко Романи чиб (Романэс) 2019

²² Явэ́на тэ дыкхэ́н упрэ́ и подыкхэна пэ пхув: акэ, би́да, калыпэ́н; явэ́на чхурдынэ́ дро калыпэ́н, нэ на явэ́ла калыпэ́н сарэ́ дывэса́ одо́й, кай ёв акана́ скэдыяпэ.

Biblija - Pe Baltitko Romani čib (Romanes) 2019

²² Javéna te dykhén upré i podykhena pe phuv: ake, bída, kalypén; javéna čhurdyné dro kalypén, ne na javéla kalypén saré dyvesá odój, kaj jov akaná skedyjape.

Isajos 8:22 Referans Kwoze

Isajos 5:30

Загодлэла пэ лэ́стэ дро дова́ дывэ́с сы́рбы мо́рё (дэрья́в), саво́ холя́сыя; подыкхэла ёв пэ пхув, акэ: – калыпэ́н, би́да, мурдия дуд (свэ́то) пэ болыбэ́н.

Матфеё 22:13

Тэ́ньци кра́ли пхэндя́ дынарье́нгэ: ‘Пхандэн лэ́скэ васта́ и ґэра́, и чхурдэ́н лэс яври́ дро цямлыпэ́н (калыпэн), одо́й явэ́ла роибэ́н и дандэнгири скрежыма.’

Матфеё 8:12

нэ манушэ́н, савэ́н выкэдынэ́ ваш Кралипэ́н, Дэвэ́л традэ́ла яври́ дрэ калыпэ́н; одо́й явэ́ла роибэ́н и дандэнгири скрежыма”

Ереме́ё 13:16

Барьякирэ́н (славинэ́н) Рас-Дэвлэ́с, тумарэ́ Дэвлэ́с, анги́л дова́, сыр Ёв янэ́ла калыпэ́н (цёмныма), и анги́л дова́, сыр тумарэ́ ґэра́ обштавэнапэ (обстэмпинэнапэ) пир бэ́рги дрэ паш-калыпэ́н! И тумэ́ явэ́на тэ родэ́н дуд (свэ́то), нэ Ёв рискирэ́ла лэс дрэ мэрибнытко зэр (тень), и Ёв пирикэрэла лэс дрэ хор калыпэ́н.

Juda 1:13

ёнэ исын сы́рбы морёскирэ (дэрьявэ́скирэ) холямэ́ валны (вэлны), учхакирдэ пенаса пэ́скирэ ладжаипнытконэ рэндэ́ндыр (делэндыр); ёнэ исын сы́рбы чэргэня́, савэ́ на джинэ́на дром, савэ́нгэ исын ракхно калыпэ́н (цямлыпэ́н) пэ ве́ки.

Pritčy 14:32

Фуй мануша́ пэрэ́на пэ́скирэ фуипнастыр, нэ чачуно́ исын зоралэ́с тэрдо́ аж дро са́мо лэ́скиро мэрибэ́н.

Ióvo 18:18

Лэс традэ́на криг дудэ́стыр (свэто́стыр) дро калыпэ́н, лэс вытрадэна пхувья́тыр, кай мануша́ дживэ́на.

Матфеё 24:29

И екха́тыр (сра́зу) пало́ дая́ пхари́ би́да дрэ долэ́ дывэса́ кхам мурдёла, чхон на явэ́ла тэ свэнцынэл, и чэргэня́ пэрэ́на болыбна́стыр, и болыбна́скирэ зорья явэ́на триинскирдэ

Ереме́ё 23:12

“Палдава́ лэ́нгиро дром явэ́ла ваш лэ́нгэ сыр слизко штэ́то дро калыпэ́н (цёмныма), лэн шпулэна (пихинэна) одо́й и ёнэ пэрэ́на одори́к. Мэ яна́ва биба́хт (бари би́да) – пэ лэ́ндэ дро бэрш, ке́ли Мэ ява́ва тэ сэндякирав лэн”, – ракирэ́ла Рай Дэвэ́л.

Isajos 9:1

Дро англатуно́ часо (цы́ро) сыс тэлякирды Завулоноскири пхув и пхув Нефалимоскири; нэ дова́ часо, саво́ явэ́ла, ґаздэ́ла барипнаса дром пашы́л мо́рё (дэрья́в), пал Иорданоскири пхув, Галиле́я, кай Наюды́тка мануша́ дживэ́на.

Isajos 8:20

Пропатякирэн лэн пир сыкадыипэн дро Зако́но и откэрибэн. Ко́ли ёнэ (кон выкхарэла мулэн) на ракирэ́на адя́кэ, сыр дава́ лав, тэ́ньчи нанэ дрэ лэ́ндэ дуд (свэ́то).

Sykadyipén 16:10

И па́нджто Янго́ло вычхудя́ пэ́скиро тахта́й пэ рискирибна́скирэ-мурдалэскиро (зверёскиро) алта́рё: и калыпэ́н чхакирдя рискирибна́скирэ-мурдалэскиро кралипэ́н и мануша́ дандырэнас пэс пал пэ́скирэ чиба́ (чибья́) дукхэндыр;

Isajos 9:20

Явэ́на тэ чхинэн пир чачи́ риг – а бокхалэ́ ячэ́напэ, явэ́на тэ хан пир ле́во (зэ́рво) риг – на чалёна; кажно явэ́ла тэ хал кокоро́ пэс.

Isajos 30:6

Пхарипэ́н пасёла пэ грэ́ндэ, савэ́ джа́на пэ паш-дывэ́с (юго), пир пхув, кай тасавэна и притасавэ́на, каты́р выджа́на саплыня и кармуса (мышы), савэ́ вурняна; ёнэ лыджа́на пэ ослэндэ пэ́скиро барвалыпэ́н и пэ верблюдэндэ пэ́скиро кучипэ́н, лыджа́на кэ народо, савэ́стыр ничи́ лачхо́ на прилэ́на (нисаво́ лачхипэ́н на явэ́ла).

Isajos 50:11

Акэ, сарэ́ тумэ́, кон хачкирэ́ла яг, конэ́стыр джа́на хачкирдэ́ искры сыр марибны́тка бустя́ (стре́лы)! Джа́н дрэ яг и искры тумарэ́ стрелэндыр! Дава́ прилэ́на тумэ́ Мирэ́ вастэ́стыр, дрэ мэ́ньки (биба́хт) тумэ́ хасёна (мэрэ́на).

Isajos 59:9

Палдава́ сэ́ндо исын дур амэ́ндыр, нанэ и амэ́ндэ чачуно́ сэ́ндо; ужакираса дуд (свэ́то), нэ, акэ – цямлыпэ́н; яркима, нэ амэ псираса дро калыпэ́н (мрако).

Vygiiben 10:21

И пхэндя́ Рай Дэвэ́л Мойза́скэ: “Ѓаздэ тыро́ васт кэ болыбэ́н, и явэ́ла калыпэ́н (цямлыпэ́н) пэ Египто́скири пхув дасави́ ґэнсто, со почхуинэса лэс.”

Vygiiben 10:22

Мо́йза ґаздыя́ пэ́скиро васт кэ болыбэ́н, и сыс ґэнсто калыпэ́н пир сари́ Египто́скири пхув трин дывэса́;

Isajos 50:3

Мэ учхакирава болыбэ́н калыпнаса и сыр жалобнонэ гонэстыр праскаса Мэ кэра́ва учхакирибэн ваш болыбэ́н.”

Isajos 60:2

Акэ, калыпэ́н (цямлыпэ́н) закэрэла пхув, и калыпэ́н учхакирэ́ла народы, а упралэстыр пэ ту́тэ Рай Дэвэ́л зазяинэла, и бари паты́в Лэ́скири сыкадёла упрэ́ пэ ту́тэ.