Isajos 8:19 - Библия - Пэ Балтитко Романи чиб (Романэс) 2019

¹⁹ И ко́ли пхэнэ́на тумэ́нгэ: “Джа́ кэ одолэ́, кон выкхарэла мулэн, кон исын човахано, кон зумавэла”, – тэ́ньчи тумэ́ пхэнэ́н: “Ци на трэй, соб (кай) народо тэ родэ́л пэ́скирэ Дэвлэ́с? Ци пхучэна мулэ́ндыр пал джидэ́ манушэ́ндэ?”

Biblija - Pe Baltitko Romani čib (Romanes) 2019

¹⁹ I kóli phenéna tuménge: “Džá ke odolé, kon vykharela mulen, kon isyn čovahano, kon zumavela”, – tén'či tumé phenén: “Ci na trej, sob (kaj) narodo te rodél péskire Devlés? Ci phučena muléndyr pal džidé manušénde?”

Isajos 8:19 Referans Kwoze

1 Паралипоменоно 10:13

Адя́кэ мыя́ Са́уло пал пэ́скиро чорипэ́н, саво́ ёв кэрдя́ анги́л Растэ-Дэвлэ́стэ, пал дова́, со на ракхця́ Ра́скирэ-Дэвлэ́скиро лав и обрисия кэ човаханы пхучыбнаса,

Левито 20:6

И ко́ли вари-саво́ ди рискирэ́ла годы́ кэ мануша́, савэ́ выкхарэна мулэн и кэ човаханэ, соб (кай) блэндыи тэ псирэ́с пал лэ́ндэ, тэды Мэ рискира́ва пэ́скиро Муй пэ дова́ ди, и хасякира́ва лэс ла́кирэ манушэ́ндэ.

2 Паралипоменоно 33:6

Ёв адя́кэ-паць лыджия пэскирэн чхавэ́н пирда́л яг пэ Еномоскирэ-чхавэ́скиро до́ло, и сыс ёв спе́цо пэ чэргэня́, и драбакирдя, и човаханякирдя, и чхудя́ манушэ́н, савэ́ выкхарэнас мулэн и човаханэн; бут ёв кэрдя́ налачхэ́с дрэ Ра́скирэ-Дэвлэ́скирэ якха́, пэ Лэ́скири холы́.

Psalmy 106:28

И ёнэ адя́кэ-паць скэдынэ́пэ кхэтанэ́ пашы́л Фегоро тэ дэн паты́в Ваалоскэ, ёнэ ханэ́ свэ́нта яныбэна́ (жэртвы), со кэрдэ́ мулэ́ идолэ́нгэ,

Левито 19:31

На рискирэ́н годы́ кэ мануша́, савэ́ выкхарэна мулэн, и на псирэ́н кэ човаханэ, и на долыджан пэс кэ магирипэ́н лэ́ндыр. Мэ сом Рай Дэвэ́л, тумаро́ Дэвэ́л.

Isajos 29:4

Ту явэ́са тыкнякирдо кэ ладж, ту лэ́са тэ ракирэ́с пхувья́тыр, зан тыри́ на шунэ́на прахостыр, зан тыри́ явэ́ла сыр зан мулэскири; прахостыр явэ́ла тэ шэпчынэл (тэ зэмбинэл) тыри́ чиб.

Isajos 19:3

И ду́хо (фа́но) Египто́скиро хасёла, Мэ розмарава лэ́скиро годыпэ́н (совето) и праста́на ёнэ кэ и́долы, кэ мануша́, савэ́ исын човаханэ (маги), савэ́ выкхарэна мулэн, савэ́ зумавэна.

1 Kralip 28:8

И злыя́ Са́уло пэ́скирэ и́ди пэ́стыр и уридя яви́р, и гия́ кокоро́ и дуй лэ́са мануша́, и явнэ́ ёнэ кэ джувлы́ раты́. И пхэндя́ ла́кэ Са́уло: “Манга́ва тут, росчхурдэ ма́нгэ, и уджин ма́нгэ, пал конэ́стэ мэ пхэна́ва ту́кэ.”

Яви́р Зако́но 18:11

калэ́-магитко (обаятелё), кон выкхарэла ду́хи, знахарё, мулэнгиро човахано;

Ереме́ё 10:10

Нэ Рай Дэвэ́л исын чачуно́ Дэвэ́л: Ёв исын джидо́ Дэвэ́л и Кра́ли пэ сарэ́ ве́ки. Лэ́скирэ холя́тыр издрала пхув и манушы́тка на́цыи на дэ́на ра́да тэ вырикирэн, сыр Ёв холясо́ла зоралэ́с.

4 Kralip 21:6

И лыджия́ пэ́скирэс чхавэ́с пирда́л яг, и драбакирдя, и човаханякирдя, и залыджыя манушэ́н, савэ́ выкхарэна мулэн и човаханэн пир приме́ты (шпэры); бут кэрдя́ фуипэ́н ёв дрэ якха́ Ра́скирэ-Дэвлэ́скирэ, соб (кай) тэ холякирэл Лэс.

4 Kralip 1:3

Тэды Ра́скирэ-Дэвлэ́скиро Янго́ло пхэндя́ Илияскэ Фесвитяниноскэ: “Ушты́, джа́ гил (муял) манушэ́нгэ, савэ́н бичхадя́ Самариякиро кра́ли и пхэн лэ́нгэ: ‘Нау́што нанэ Дэвлэ́с дро Израилё, со тумэ́ джа́на тэ пхучэ́н Веельзевулостыр, Акароноскирэ дэвлыткиматыр?’

4 Kralip 23:24

И манушэ́н, савэ́ выкхарэна мулэн, и човаханэн пир приме́ты, и кхэри́тка и́долы, и и́долы, и сарэ́ брыткимы, савэ́ явнэ́ пэ Юдэякири пхув и дро Ерусалимо, вытрадыя́ и розмардя́ Иосия, соб (кай) тэ кэрэ́л саро́ пир лава́ Законо́скирэ, савэ́ исын зачхиндлэ́ дрэ лылвари́, сави́ латхья (ластя) Хелкия, раша́й, дро Ра́скирэ-Дэвлэ́скиро Кхэр.

1 Kralip 28:16

И пхэндя́ Самуи́ло: “Ваш со ту пхучэса ма́ндыр, ке́ли Рай Дэвэ́л отгия́ ту́тыр и яця́ тырэ́ вэргоса (врогоса)?

2 Petr 2:1

Нэ сыр сыс хоханэ́ проро́ки машки́р манушэ́ндэ, адя́кэ-паць явэ́на и хоханэ́ сыклякирибнаскирэ машки́р тумэ́ндэ, савэ́ явэ́на чораханэ́с тэ ракирэ́н хасибны́тка сыклякирибэна пэ́скирэ кампаниендыр и на явэ́на тэ приґалён Рас-Дэвлэ́с, Саво́ выкиндя лэн, далэ́ ракирибнаса ёнэ янэ́на кокорэ́ пэ́скэ сы́гно хасибэ́н;

1 Kralip 28:11

Тэды джувлы́ пхуця́: “Конэ́с ту́кэ тэ уджинав?” И отпхэндя́ ёв: “Самуилос уджин ма́нгэ.”

1 Фесалоникийцэнгэ 1:9

пал-дова́ со ёнэ кокорэ́ роспхэндлэ́ пал амэ́ндэ, сыр тумэ́ прилынэ́ амэн, ке́ли амэ явдя́м кэ тумэ́: и сыр тумэ́ рисинэ́ кэ Дэвэ́л идолэндыр, соб (кай) тэ кэрэ́н свэ́нто буты́ джидэ́ и чачунэ́ Дэвлэ́скэ,

Apostolengiri Butý 16:16

Екхвар, ке́ли амэ гиям тэ мангаспэ Дэвлэ́скэ, пир дром амэ́нгэ стрэниндяпэ джувлы́-писхарица, савьятэ сыс човахано ду́хо (фа́но) тэ ракирэ́л анги́л, со явэ́ла, ёй пэ́скирэ ангилпхэныбнаса янэлас пэ́скирэ хулангэ барэ́ ловэ́.

Džiibén 41:24

и сханэ санэ колосы (гивлиня) эфта́ лачхэ́ колосы (гивлиня). Мэ роспхэндём дава́ магэнгэ (човаханэнгэ), нэ нико́н на могиндя́ (на дыя́ ра́да) тэ пирипхэнэл ма́нгэ.”

Isajos 26:14

Мулэ́ на отджидёна, Рефаимы на уштэна, пал-дова́, со Ту явдя́н и хасякирдян лэн; хасякирдян рипирибэ́н пал лэ́ндэ.

Isajos 30:2

На пхучэнапэ Ма́ндыр, а джа́на дро Еги́пто, соб (кай) тэ подрикирэн пэс фараоно́скирэ зорья́са и тэ гарадён дро Еги́пто.

Isajos 45:11

Адя́кэ ракирэ́ла Рай Дэвэ́л, Свэ́нто Израилёскиро, Саво́ создыя́ лэс: “Тумэ́ пхучэна Ма́ндыр, со явэ́ла Мирэ́ чхавэ́нца? И тумэ́ камэ́на тэ подпхэнэн, со трэй Ма́нгэ тэ кэра́в?”

Isajos 47:12

Ячпэ тырэ́ чораханэ джиныбнаса, саво́ ту лыян тэ кэрэ́с ишчо (инкэ́) дро тэрныпэн, зракхпэ лэ́са бидатыр.

Isajos 47:13

Ту кхиныян, пал-дова́ со прилыян бут годыпэ́н (советы); мэк тэ явэ́н одолэ́, кон ангилпхэнэла пир болыбэ́н, пир нэво́ чхон и чэргэня́, мэк тэ зракхэн ёнэ тут долэ́стыр, со явэ́ла.

Ереме́ё 27:9

И тумэ́ палдава́ на кандэ́н тумарэ́ пророкэ́н, тумарэ́ зумакирибнаскирэн, тумарэ́ сунэ́-пхэныбнаскирэн, тумарэ́ човаханэн, тумарэ́ джиныбнаскирэн пир чэргэня́, савэ́ ракирэ́на тумэ́нгэ, пхэни́: ‘Тумэ́ тэ на дынаринэ́н крали́скэ Вавилоноскирэскэ’

Mihiejo 5:12

Мэ хасякира́ва човаханыпэн тырэ́ вастэ́стыр, и тумэ́ндэ на явэ́на буты́р джиныбнаскирэ/драбакирибнаскирэ пир чэргэня́.

Яви́р Зако́но 18:10

нашты́, соб (кай) тэ явэ́л ту́тэ ману́ш, саво́ пролыджала пэ́скирэ чхавэ́с, ци пэскирья́ чха пирда́л яг, зумакирибнаскиро, драбакирибнари, човахано,

1 Kralip 28:7

Тэды пхэндя́ Са́уло пэ́скирэ дынарье́нгэ: “Латхэ́н ма́нгэ джувля́ човаханякирка, и мэ джа́ва кэ ёй и пхучава ла́тыр.” И отпхэндлэ́ лэ́скэ лэ́скирэ дына́рья: “Ада́й дро Аэндора исын джувлы́ човаханякирка.”