Isajos 8:18 - Библия - Пэ Балтитко Романи чиб (Романэс) 2019

¹⁸ Акэ, мэ пэ́скирэ чхаворэнца, савэ́н дыя́ ма́нгэ Рай Дэвэ́л, сыр припхэныбэ́н и ангилпхэныбэ́н дро Израилё Ра́стыр-Дэвлэ́стыр, болыбна́скирэ-янголэскирэстыр, Саво́ дживэ́ла пэ бэ́рга Сио́но.

Biblija - Pe Baltitko Romani čib (Romanes) 2019

¹⁸ Ake, me péskire čhavorenca, savén dyjá mánge Raj Devél, syr priphenybén i angilphenybén dro Izrailjo Rástyr-Devléstyr, bolybnáskire-jangoleskirestyr, Savó dživéla pe bérga Sióno.

Isajos 8:18 Referans Kwoze

Luka 2:34

Симеоно бахтякирдя́ лэн и пхэндя́ Мариякэ, Дакэ Лэскирьякэ: “Пал Лэ́стэ бут мануша́ Израилёстыр пэрэ́на и ґаздэ́напэ сыр бахталэ́, Ёв явэ́ла сы́рбы ґерты́к (знако) Дэвлэ́стыр, пал Конэ́стэ мануша́ явэ́на тэ ракирэ́н холя́са;

Заха́рия 8:3

Адя́кэ ракирэ́ла Рай Дэвэ́л: ‘Обрисёвава Мэ кэ Сио́но и Мэ ла́ва тэ джива́в дро Ерусалимо, и лэ́ла тэ кхарэлпэ Ерусалимо ‘чачипна́скиро фо́ро’, и бэ́рга янголэ́нгирэ-болыбна́скирэ Ра́скирэ-Дэвлэ́скири – Свэнтымакири Бэ́рга.’

Psalmy 71:7

Бут мануша́ дыкхэ́на пэ ма́ндэ сыр пэ ди́во; нэ Ту сан мири́ зоралы́ вучарды́ тэ ґарадёвав.

Заха́рия 3:8

Вышу́н, Ису́се, баро́ раша́й, ту и кхардэ́ пша́ла тырэ́, савэ́ бэшэна анги́л ту́тэ, мурша́, савэ́ исын славутна: акэ, Мэ лыджа́ва дынари́с Мирэс, отбарьякирибэн.

Isajos 53:10

Нэ сыс Ра́скирэ-Дэвлэ́скири во́ля, соб (кай) Лэс тэ марэ́н кэ калэ́ маса́; Ёв отдыя́ Лэс пэ мэ́ньки; ко́ли ж Лэ́скиро ди янэ́ла свэ́нто дыибэ́н, соб (кай) тэ отмэкэнпэ грэ́хи, то Ёв удыкхэ́ла Пэ́скиро ро́до анги́л, и Ра́скирэ-Дэвлэ́скири во́ля явэ́ла тэ кэрэ́лпэ Лэ́скирэ вастэ́са.

Psalmy 22:30

Сарэ́ тхулэ барвалыпнастыр пир пхув явэ́на, тэ хан и поклонинэнапэ патыва́са; а сарэ́ одолэ́, савэ́ зджана дро пра́хо, явэ́на тэ бандён шэрэнца анги́л Лэ́стэ.

Psalmy 9:11

А одолэ́, савэ́ джинэ́на Тыро́ лав, явэ́на тэ патя́н дрэ Ту́тэ, со Ту, Раё Дэ́вла, на мэкцян ни екхэ́с, кон родэ́ла Тут.

Юдэ́нгэ 12:22

а тумэ́ явнэ́ кэ бэ́рга Сио́но, кэ Болыбна́скиро Ерусалимо, кэ джидэ́-Дэвлэ́скиро фо́ро, кай исын Янго́лы, Савэ скэдынэ́пэ кхэтанэ́,

Isajos 24:23

И чхон лолёла, и кхам ладжала, ко́ли явэ́ла Рай Дэвэ́л, болыбна́скирэ-янголэ́нгиро крали́са пэ бэ́рга Сио́но и дро Ерусалимо, и анги́л лэ́скирэ пхурыдырэндэ явэ́ла барипэ́н (сла́ва).

Isajos 12:6

Яв лошалы (весёло), ра́дынпэ, манушны Сионо́стыр, пал-дова́ со баро́ исын машки́р ту́тэ Свэ́нто Израилёскиро.”

Isajos 7:16

Пал-дова́, со англэды́р, сыр дава́ чхаворо́ высыклёла тэ отчхурдэл налачхипэн и тэ выкэдэл лачхипэ́н, пхув, савья́тыр ту дарэса, ячкирэна дуй ла́кирэ кра́лья.

Isajos 14:32

Со ж пхэнэ́на одолэ́, савэ́ янэ́на нэвипэна́ ваш народоскэ? – Дова́, со Рай Дэвэ́л кэрдя́ Сио́но зоралэса, одо́й зракхэнапэ чорорэ́ Лэ́скирэ народо́стыр.”

1 Паралипоменоно 23:25

Пал-дова́ со Дави́до пхэндя́: “Рай Дэвэ́л, Израилёскиро Дэвэ́л, дыя́ рама́нё Пэ́скирэ манушэ́нгэ и чхудя́ тэ дживэ́н лэн дро Ерусалимо пэ ве́ко,

Юдэ́нгэ 10:33

екхэ рига́тыр, мануша́ холямэс сандлэпэ тумэ́ндыр анги́л манушэ́ндэ, кэрдэ́ би́да тумэ́нгэ; явирэ рига́тыр, тумэ́ кокорэ́ са́нас кхэтанэ́ явирэ манушэ́нца, савэ́ адя́кэ-паць дживэ́нас и мэнчынэнаспэ.

Isajos 7:3

И пхэндя́ Дэвэ́л Исаёскэ: “Выджа пэ́скирэ чхавэ́са, Шэарясувоса кэ Аха́зо, одори́к, кай лэ́на пани́, пэ дром кэ фэ́лда, кай макхэна бакрэнгири вы́лна (шэрсь).

Езэкилё 14:8

Мэ рисёва́ва Мирэ́ мо́са пэ одолэ́ манушэ́стэ, Мэ кэра́ва адалэ́ манушэ́са адя́кэ, соб (кай) яви́р мануша́ тэ дыкхэ́н, и тэ ракирэ́н, Мэ залава лэс Мирэ́ манушэ́ндыр, Израилёстыр, и Мэ тэды тумэ́ ґалёна, со Мэ сом Рай Дэвэ́л, Дэвэ́л.

Isajos 8:3

Лыём пэ́скэ джувля́ пророчыца дрэ ромня́тэ, ёй бияндя́ ма́нгэ чхавэ́с. И пхэндя́ ма́нгэ Рай Дэвэ́л: “Дэ лэ́скэ лав ‘Магер – шелал – хаш – баз.’

Džiibén 33:5

И дыкхця́ Иса́во и дыкхця́ ромне́н и чхавэ́н, и пхэндя́: “Кон исын адалэ́ ту́тэ?” Яково пхэндя́: “Чхавэ́, савэ́н Дэвэ́л дыя́ тырэ́ писхари́скэ.”

Яви́р Зако́но 28:46

ёнэ явэ́на сыр ґерты́к (знаме́ниё) и сыр упхэныбэ́н пэ ту́тэ и пэ тыро́ ро́до дро ве́ко.

Isajos 20:3

И пхэндя́ Рай Дэвэ́л: “Сыр Миро писха́ри (рабо) Исаё псирэлас нанго и пиранго трин бэрш, соб (кай) тэ сыкавэ́л и тэ дэл ангилпхэныбэ́н пал Еги́пто и Эфиопия,

Ереме́ё 44:29

“И явэ́ла ґерты́к (знаме́ниё) тумэ́нгэ’, – ракирэ́ла Рай Дэвэ́л – со Мэ пхарэ́с сэндякирава тумэн пэ дова́ штэ́то, соб (кай) тумэ́ тэ джинэ́н, со Мирэ́ лава́ рисёна дро чачипэ́н пал тумэ́ндэ пэ биба́хт тумари́.’

Езэкилё 4:3

Лэ пэ́скэ саструны пхал и чхув ла сыр саструны ва́нта машки́р ту́тэ и машки́р фо́ро, и дыкх пэ фо́ро. Пэ фо́ро ґаздэ́напэ вэ́рги, а акана́ ту кэр, сыр ёнэ. Кадава́ явэ́ла ґерты́к (сыкаибэ́н) Израилёскирэ кхэрэ́скэ.

Езэкилё 12:6

Анги́л лэ́нгирэ якха́ лэ миштыпэ́н пэ псико́, лы́джа криг лэс раты́, закэр тыро́ муй, соб (кай) тэ на дыкхэ́с пхув, долэ́стыр, со Мэ чхудём тут ґертыкаса Израилёскирэ кхэрэ́скэ пал би́да.”

Psalmy 9:12

Бага́н и шарэ́н Рас-Дэвлэ́с, Саво́ кралинэла пэ Сио́но! Пхэнэ́н сарэ́ нацыенгэ, со Ёв кэрдя́.

Luka 2:18

И сарэ́, кон шундлэ́ дава́, дивиндлэ́пэ пэ дова́, со лэ́нгэ чхупна́рья пхэндлэ́.