Isajos 8:16 - Библия - Пэ Балтитко Романи чиб (Романэс) 2019

¹⁶ Запхандэ допхэныбэ́н и гарав пэ чэргэнори́ (печать) дава́ сыкадыипэн (откэрибэн) анги́л Мирэ́ сыкляибнытконэндэ.

Biblija - Pe Baltitko Romani čib (Romanes) 2019

¹⁶ Zaphande dophenybén i garav pe čergenorí (piečat') davá sykadyipen (otkeriben) angíl Miré sykliaibnytkonende.

Isajos 8:16 Referans Kwoze

Дание́лё 12:4

Нэ ту, Даниеле, гарав далэ́ лава́ и запечатын лылвари́ кэ палатуно́ (последнё) часо; бут мануша́ прогинэна ла, и явэ́ла тэ барьёл джиныбэ́н.”

Юдэ́нгэ 3:5

И Мо́йза сыс чачуно́ дына́ри пир саро́ Дэвлэ́скиро Кхэр ваш допхэныбэ́н пал дова́, со трэй тэ явэ́л анги́л;

Marko 4:34

би примерэнгиро Ёв сарэ́са на сыклякирдя́, нэ ке́ли Ёв ячэласпэ екхджино́ пэ́скирэ сыкляибнытконэ́нца, Ёв саро́ пирипхэнэлас лэ́нгэ.

Матфеё 13:11

И Ёв отпхэнэ́лас лэ́нгэ: “Тумэ́нгэ исын дыно́ тэ джинэ́н гарадо́ чачипэ́н пал Кралипэ́н дро Болыбна́скиро Раё, а лэ́нгэ на дыно́;

Sykadyipén 19:10

И мэ пыём анги́л лэ́скирэ ґэра́ тэ поклонинавпэ патыва́са лэ́скэ. Нэ ёв пхэндя́ ма́нгэ: “Дыкх жа, на́ кэр дава́. Мэ сом дасаво-паць писха́ри, сыр ту сан, и мэ сом кхэтанэ́ тырэ́ пшалэ́нца тэ досыкавав пал Христосо́стэ. Дэ паты́в Дэвлэ́скэ, пал-дова́ со допхэныбэ́н пал Христосо́стэ исын Христосо́скиро лав.”

Sykadyipén 10:4

И ке́ли эфта́ громэ пхэндлэ́, тэды мэ скэдыёмпэ тэ чхинав. И мэ шундём зан болыбна́стыр, со пхэндя́: “Гара́в дава́ пэ чэргэнори́, сави́ пхэндлэ́ эфта́ гро́мы и на зачхин дава́.”

Sykadyipén 5:5

И екх годэпхурэндыр пхэндя́ ма́нгэ: “На ров! Дыкх! О Шчэр (Ле́во) Юда́скирэ родо́стыр, Давидо́скирэ ратэстыр, сэмэ́нца, лыя́ упралыпэ́н, соб (кай)/ёв тэ дэл ра́да тэ отпхандэл сви́тко и лэ́скирэ эфта́ чэргэнорья.”

Sykadyipén 5:1

И Мэ дыкхцём скрэнцындло сви́тко дро чачо́ (право) васт Одолэ́стэ, Кон сыс бэшто́ пэ троно, дрэ саво́ сыс зачхиныбэна яври́ и андрэ́. Ёв сыс запхандло пэ эфта́ чэргэнорья (печати).

Sykadyipén 2:17

Конэ́стэ исын кана́, мэк ёв тэ шунэ́л дова́, со Ду́хо (Фа́но) пхэнэ́ла кхангирье́нгэ. Одолэ́скэ, кон пиризорьякэла, Мэ да́ва вари-кицы́ манка, сави́ исын гарады. Мэ адя́кэ-паць дава́ лэ́скэ парно́ бар, пэ саво́ явэ́ла чхиндло́ нэво́ лав, саво́ нико́н на джинэ́ла, апри́ч кодолэстэ, кон дорэсэ́ла дава́ бар.”

1 Коринфянэнгэ 2:14

Ману́ш, савэ́стэ нанэ Ду́хо (Фа́но), на прилэ́ла илэ́са таланы Дэвлэ́скирэ Духо́стыр, пал-дова́ со ёв гинэ́ла лэн пал дылныпэ́н; и ёв на могинэ́ла тэ ґалёл лэн, пал-дова́ со лэ́нгэ дэ́на чол (тими́н) мануша́, конэ́стэ исын Ду́хо (Фа́но);

Marko 10:10

И дро кхэр сыкляибны́тка нэвэ́стыр пхучнэ́ Лэ́стыр пал дава́.

Дание́лё 9:24

эфтадэша́ куркэ сыс гиндлэ́ ваш тыро́ народо и тыро́ свэ́нто фо́ро, Ерусалимо, соб (кай) учхакирдо тэ явэ́л чорипэ́н и тэ кончынэнпэ грэ́хи и тэ явэ́н выкхослэ бизаконытка рэ́нды (бизаконии), и, соб (кай) тэ явэ́л лыджино ве́чно чачипэ́н, тэ явэ́н запечатымэ дыкхибэ́н и проро́ко, и тэ явэ́л помакхно Свэ́нто-свэнтонэнгиро.

Isajos 54:13

Сарэ́ Тырэ́ чхавэ́ явэ́на тэ сыклён Ра́стыр-Дэвлэ́стыр; явэ́ла лэ́ндэ баро́ рама́нё (миро).

Isajos 8:20

Пропатякирэн лэн пир сыкадыипэн дро Зако́но и откэрибэн. Ко́ли ёнэ (кон выкхарэла мулэн) на ракирэ́на адя́кэ, сыр дава́ лав, тэ́ньчи нанэ дрэ лэ́ндэ дуд (свэ́то).

Psalmy 25:14

Рай Дэвэ́л Пэ́скири сыкавэ́ла гарады ла́ска одолэ́нгэ, савэ́ дарэ́на Лэ́стыр. Ёв сыклякирэ́ла лэн пал Пэ́скиро Зако́но.

4 Kralip 11:12

И вылыджыя ёв крали́скирэ чхавэ́с, и чхудя́ пэ лэ́стэ крали́скири коро́на и шукарьякирибэн, и кэрдэ́ крали́са лэс, и помакхнэ лэс, и мардэ́ дрэ васта́ и годлэнас радыма́са: “Мэк тэ дживэ́л кра́ли!”

Яви́р Зако́но 4:45

Ѓа́да, исын припхэныбэна́, упхэныбэна́ и зако́ны, савэ́ дыя́ Мо́йза Израилёскирэ чхавэ́нгэ, сыр ёнэ выгинэ́ Египто́стыр,

Isajos 50:4

Рай Дэвэ́л дыя́ ма́нгэ чиб годьварэ́ манушэ́ндыр, соб (кай) Мэ лавэ́са тэ подрикирав кодолэ́с, кон буты́р на вырикирэ́ла; тася́рлэс (ра́нэс) Ёв джингавэла Ман, джингавэла кан Миро, соб (кай) Мэ тэ шунав, сыр сыкляибны́тко.