Isajos 7:23 - Библия - Пэ Балтитко Романи чиб (Романэс) 2019

²³ Явэ́ла дро дова́ дывэ́с: пэ кажно штэ́то, кай барьёлас тысёнцо (бар) винаградоскирэ кашта́ пэ тысёнцо рупувэ́ мардэ́, явэ́на тэ барьён пхусадытка чарья́.

Biblija - Pe Baltitko Romani čib (Romanes) 2019

²³ Javéla dro dová dyvés: pe kažno štéto, kaj barjolas tysjonco (bar) vinagradoskire kaštá pe tysjonco rupuvé mardé, javéna te barjon phusadytka čarjá.

Isajos 7:23 Referans Kwoze

Isajos 5:6

Дасавэса Мэ лэс ячкирава: на явэ́на тэ обчхинэн лэс, на явэ́на тэ обґанавэн лэс, забарьёла ёв налачхэ́ чарьяса, Мэ припхэнава болыбнаскэ, соб (кай) ёв тэ на дэл брышы́нд лэ́скэ.”

Матфеё 21:33

Шунэ́н яви́р сыкаибэ́н: ‘Екх ману́ш, кхэрэ́скиро хула́й, чхудя́ винагра́днико и тыно пашы́л лэ́стэ, выґанадя ґанби́н тэ тасавэл мол (вино) и кэрдя́ вучарды́ (вышка) ваш ракхибэн и отдыя́ лэс винаградарьенгэ, а кокоро́ гия́ пэ́скэ.

Юдэ́нгэ 6:8

а ко́ли екх хру́сто сувье́нца (дылыны чар) и пхусады́тко хру́сто (ґарь) барьёна пэ дая́ пхув, тэды ёй исын налачхи ни кэ со, и Дэвэ́л могинэ́ла тэ прокошэл ла, а яг схачкирэ́ла дая́ чар дро ко́нцо (дро яго́ро).

Ереме́ё 4:26

Мэ дыкха́ва дурэды́р, и акэ, – Кармило (пхабуны фэ́лда) кэрдя́пэ сыр чхучи́ пхув; и сарэ́ ла́кирэ фо́рья исын пхагирдэ́ пэ бара́ анги́л Растэ-Дэвлэ́стэ, Лэ́скирэ барэ́ холя́тыр.

Isajos 5:10

Дэш делянки дро винагра́днико янэ́на екх бато зя́рки, нэ екх хомеро, зя́рки, со чхувэнапэ дрэ пхув на́бут со (ледзь) янэ́ла екх эфа.”

Isajos 7:24

Явэ́на тэ псирэ́н одори́к марибнытконэ́ бустенца (стрелэнца) и лукэнца, пал-дова́, со сари́ пхув явэ́ла учхакирды пхусадэ́ чарьенца.

Isajos 32:10

Ишчо вари-кицы́ дывэса́ буты́р бэршэстыр и ячэ́на тэ дарэ́н, балвалитка (биракхибнаскирэ)! Пал-дова́ со на явэ́на тэ скэдэ́н винаградо, на явэ́на тэ кэдэн маро́.

Езэкилё 12:20

Тэ́ньци роспхагирэна фо́рья, и пхув явэ́ла чхучи́, и ёнэ ґалёна, со Мэ сом Рай Дэвэ́л, Дэвэ́л”

Osija 2:12

И Мэ чхучакирава ла́кирэ винаграды́тка барья (посадки) и ла́кирэ инжыритка дрэвицы, пэ савэ́ ёй ракирэ́ла: ‘Ѓа́да, кадалэ́ исын мирэ́ мазу́рья (награды), со мирэ́ камлытка мурша́ дынэ́ ма́нгэ.’” И Мэ кэра́ва лэ́ндыр вэш, соб (кай) фэлды́тка мурдала́ (звери) тэ хан лэн.

Osija 9:6

Пал-дова́ со, акэ, ёнэ джа́на криг, сыр явэ́ла хасибэ́н. О Еги́пто кэдэла лэн кхэтанэ́; О Мемфисо явэ́ла тэ гаравэл лэн. Цукнуда (стрекава) лэ́ла лофо пэ лэ́нгирэ рупувэ́ барвалыпэна (кучипэна); а пхусадытка хру́сты явэ́на дрэ лэ́нгирэ ша́тры.

Džiibén 3:18

Хру́сты сувьенца (тернии) и жылта хру́сты пхусаде́нца (волчцы) биянэ́ла ёй, пхув, ту́кэ; и явэ́са ту тэ хас фэлдытко чар.