Isajos 7:18 - Библия - Пэ Балтитко Романи чиб (Романэс) 2019

¹⁸ И явэ́ла дро дова́ дывэ́с: выкхарэла Рай Дэвэ́л матля (муха), сави́ вурняла пашы́л Египто́скирэ рэка (лэнь) и бырля (пчола), сави́ вурняла пэ Асириякири пхув.

Biblija - Pe Baltitko Romani čib (Romanes) 2019

¹⁸ I javéla dro dová dyvés: vykharela Raj Devél matlia (muha), saví vurniala pašýl Jegiptóskire reka (len') i byrlia (pčola), saví vurniala pe Asirijakiri phuv.

Isajos 7:18 Referans Kwoze

Isajos 5:26

И Ёв ґаздэ́ла сцяго (дэ́ла припхэныбэ́н) кэ народы, савэ́ дур дживэ́на, выкхарэла одолэ́с, саво́ дживэ́ла пэ пхувья́киро яго́ро (краё), и, акэ – ёв локхэс и сы́гэс явэ́ла.

Isajos 31:1

Бида одолэ́нгэ, савэ́ джа́на дро Еги́пто пал подрикирибэ́н, наде́я лэ́нгири пэ грэ́ндэ и пэ марибны́тка вурдэна́, пал-дова́ со бут лэн исын, пэ манушэ́ндэ, савэ́ традэ́на уклистэ́ пэ грэ́ндэ, савэ́ исын зоралэ́, а пэ Свэ́нто Израилё ёнэ на дыкхэ́на, и кэ Рай Дэвэ́л ёнэ на джа́на!

Isúso 24:12

Мэ бичхадём анги́л тумэ́ндэ шершнен, савэ́ традынэ криг лэн тумэ́ндыр, дуе́н Аморее́нгирэ кралье́н; на тырэ́ куртала́са и на тырэ́ лукоса дава́ сыс кэрдо́.

Яви́р Зако́но 7:20

и бичхавэ́ла Рай Дэвэ́л, Дэвэ́л тыро́, вослэн (шэршнен) пэ лэ́ндэ, пака ёнэ хасёна, савэ́ ячнэ́пэ и ґарадёна тырэ́ мо́стыр;

Яви́р Зако́но 1:44

И выгия́ проти тумэ́ндэ о Амореё, саво́ дживдя́ пэ доя́ бэ́рга, и традынэ тумэн адя́кэ, сыр кэрэ́на бырлиня (пчолы), и домардэ́ тумэн пэ Сеиро кэ Хорма.

Isajos 13:5

Ёнэ джа́на дуратунэ́ рига́тыр, болыбна́скирэ ягоро́стыр (краёстыр) Рай Дэвэ́л и струме́нты Лэ́скирэ холя́тыр, соб (кай) тэ хасякирэ́н сари́ пхув.

Isajos 7:17

Нэ янэ́ла Рай Дэвэ́л кэ ту, кэ тыро́ народо, кэ тырэ́-дадэ́скиро кхэр дасавэ́ дывэса́, савэ́ на сыс, долэ́ часостыр (цыростыр), сыр отгия́ Ефре́мо Юдэя́тыр; Ёв янэ́ла Асирия́кирэ крали́с.”

Psalmy 118:12

Ёнэ обгинэ трусця́л ма́ндэ сыр бырлиня (пчолы), и ёнэ мурдинэ сыр яг дрэ хру́сты сувьенца; нэ мэ хасякира́ва лэн Ра́скирэ-Дэвлэ́скирэ лавэ́са.

Vygiiben 8:24

Адя́кэ и кэрдя́ Рай Дэвэ́л: приурняндынэ древа́н бут джукланэ пушума (джукланэ мухи) дро фараоно́скиро кхэр, и дрэ лэ́скирэ-дынарьенгирэ кхэра́, и пэ сари́ Египто́скири пхув, хасия́ пхув джукланэ пушумэндыр.

Vygiiben 8:21

А ко́ли на отмэкэса Мирэ́ манушэ́н, тэды, ґа́да, Мэ бичхава́ва пэ ту́тэ, и пэ тырэ́ дынарьендэ, и пэ тырэ́ манушэ́ндэ, и дрэ тырэ́ кхэра́ джукланэ пушумэн, и явэ́на пхэрдэ́ Египтянэнгирэ кхэра́ джукланэ пушумэнца и кокори пхув, пэ сави́ ёнэ дживэ́на;

Яви́р Зако́но 28:49

Бичхавэ́ла пэ ту́тэ Рай Дэвэ́л манушы́тко нацыя (народо) дурипнастыр, ягороскирэ пхувья́тыр: сыр о́рло (ки́до) привурняна мануша́, савэнгири чиб ту на галёса,

Заха́рия 10:8

Мэ да́ва шоля, лэ́нгэ и скэда́ва лэн, пал-дова́ со выракхцём лэн; ёнэ явэ́на ада́кицы бутджинэ, сыр сыс англэды́р.

Psalmy 105:31

Дэвэ́л дыя́ припхэныбэ́н и явнэ́ бут дукханэ матля (насекома) и дзындзарья (комары) пэ сари́ доя́ пхув.