Isajos 7:13 - Библия - Пэ Балтитко Романи чиб (Романэс) 2019

¹³ Тэ́ньци пхэндя́ Исаё: “Шун, кхэр Давидо́скиро! Мануша́ кэрэ́на ваш тумэ́нгэ пхарэ́ буты́, а тумэ́ камэ́на, соб (кай) миро Дэвэ́л адя́кэ ваш тумэ́нгэ тэ кэрэ́л?

Biblija - Pe Baltitko Romani čib (Romanes) 2019

¹³ Tén'ci phendiá Isajo: “Šun, kher Davidóskiro! Manušá keréna vaš tuménge pharé butý, a tumé kaména, sob (kaj) miro Devél adiáke vaš tuménge te kerél?

Isajos 7:13 Referans Kwoze

Isajos 43:24

Ту на киндян Ма́нгэ дэсто́ лачхэ́ сунгаса пал руп, Ту на чалякирдян Ман тхулыпнаса тырэ́ свэнтонэ́ дыибна́стыр, нэ тырэ́ грэхэ́нца кэрдя́н Ма́нгэ пхарипэ́н; Ма́нгэ исын пхаро́ тырэ́ налачхэ́ рэндостыр.

Малахия 2:17

Тумэ́ кхинякирдэ [холякирэна-р.с.] кэ холы́ Рас-Дэвлэ́с тумарэ́ лавэ́нца, ке́ли пхучэна тумэ́: “Со́са амэ кхинякирдям Лэс?” Акэ, ке́ли тумэ́ ракирэ́на: “Кажно (сва́ко), кон кэрэ́ла биба́хт (холы́), исын лачхо́ ваш Ра́скэ-Дэвлэ́скэ, и Ёв древа́н радынэ́лапэ лэ́ндыр,” ці, “Кай исын чачипна́скиро Дэвэ́л?”

Езэкилё 34:18

Наухтылла (на́доси), хай, тумэ́нгэ, со тумэ́ чаравэнпэ пэ лачхи́ фэ́лда? Нэ тумэ́ вымарэн ґэрэ́нца дова́, со яця́пэ пэ тумари́ фэ́лда; пьен жужо́ пани́, а дова́, со яця́пэ, тумэ́ ґаздэ́на тумарэ́ ґэрэ́нца дрэ бла́та.

Езэкилё 16:47

Нэ ту на псирэсас лэ́нгирэ дромэ́нца, и ту на кэрэсас лэ́нгирэ джунгалыпэна, над, одова́ сыс сы́рбы на́бут, нэ ту́тэ трэ биладжакунэ́ рэ́нды пэ сарэ́ тырэ́ дрома́ исын бутэды́р лэ́ндыр.

Isajos 63:10

Нэ ёнэ на кандэнас, пхарэ́с сыс далэ́стыр Свэнтонэ́ Духоскэ; палдава́ Ёв яця́ лэ́нгирэ вэргоса: Кокоро́ Ёв марэласпэ лэ́нца.

Isajos 7:2

Сыс пхэндло́ кэ Давидо́скиро кхэр, сыс откэрдо: “Сирияни исын тэрдэ́ пэ Ефремо́скири пхув”, издрандыя лэ́скиро ило́, лэ́скирэ-народоскиро ило́, сыр издрана кашта́ дро вэш, ко́ли пхурдэла балва́л.

Юдэ́нгэ 3:10

Палдава́ Мэ и холясыём пэ адалэ́ манушэ́ндэ и пхэндём: ‘Саро́ часо ёнэ хохавэна пэс дро пэ́скиро ило́, и ёнэ на джинэ́на Миро дром’;

Amoso 3:13

Шунэ́н и допхэнэн дро кхэр Яково́скиро:” – ракирэ́ла Рай Дэвэ́л, янголэ́нгиро-болыбна́скиро Дэвэ́л,

Езэкилё 16:20

Ту лыян трэ чхавен, трэ чхае́н, савэ́н ту бияндян Ма́нгэ, и ту отдэсас лэн ваш свэ́нто дыибэ́н (жэ́ртва), соб (кай) ёнэ, и́долы, тэ хан. Ци на ухты́лла (на́доси) ли ту́кэ тэ кэрэ́с биладжаипэ́н?

Ереме́ё 21:12

О, Давидо́скиро кхэр! Адя́кэ’, – ракира́ва Мэ, Рай Дэвэ́л: ‘Сэндякирэн чачипна́са тася́рлэс (ра́нэс) пэ зло́ко, и ракхэ́н обчордэ манушэ́с вастэ́стыр, саво́ традэ́ла лэс, соб (кай) Миро мижэхипэн тэ на выджа́л сыр яг, и тэ на росхачол адя́кэ, со нико́н на мурдякирэла ла пал дова́, со тумэ́ кэрэ́нас биба́хт (налачхэ́ рэ́нды).

Ереме́ё 6:11

Мэ сом пхэрдо́ холя́са Ра́стыр-Дэвлэ́стыр, Мэ сом кхинякирдо тэ пририкирав дая́ холы́.” Пхэндя Рай Дэвэ́л ма́нгэ: “Вычхув ла пэ биятэндэ пэ ґасы (вули́цы), и пэ скэдыни (собраниё), кай исын кхэтанэ́ тэрнэ́ мануша́: пал-дова́ со аж ромэс ромня́са лэ́на дро пле́но, манушэ́с дрэ бэрша́ и пхуранэ́ манушэ́с.

Isajos 25:1

Раё Дэ́вла! Ту сан миро Дэвэ́л, мэ ла́ва тэ шара́в Тут, мэ шарава кэ вучипэ́н Тыро́ лав, пал-дова́ со Ту кэрдя́н ди́во; дова́, со припхэндян ґара́, дава́ исын чачипэ́н, ами́нь.

Isajos 1:24

Палдава́ адя́кэ пхэнэ́ла Рай Дэвэ́л, болыбна́скирэ-янголэ́нгиро, Зорало́ Израилёскиро: “О, ґазда́ва Мэ Пэс пэ одолэ́ндэ, кон нанэ Ма́нца, Мэ сыкава́ва Мирэ́ вэргэ́нгэ!

2 Паралипоменоно 21:7

Усае́кх на камдя́ Рай Дэвэ́л тэ хасякирэ́л Давидо́скиро кхэр ваш Заве́то, саво́ кэрдя́ Ёв Давидоса, и пал-дова́ со ёв дыя́ лав (обисциндя) тэ дэл лэ́скэ и лэ́скирэ чхавэ́нгэ пэ сарэ́ дывэса́.

Čysly 16:13

Нау́што наухтылла (на́доси) дова́, со ту вылыджыян амэн пхувья́тыр, пэ сави́ тхадэ́ла тхуд и авги́н, соб (кай) тэ хасякирэс амэн пэ чхучи́ пхув, и ту буты́р камэ́са тэ явэс тхагариса пэ амэ́ндэ!

Čysly 16:9

Нау́што наухтылла (на́доси) тумэ́нгэ дова́, со Израилёскиро Дэвэ́л откэдыя тумэн Израилёскирэ манушэ́ндыр и кэрдя́ пашылэды́р тумэн кэ Пэ, соб (кай) тумэ́ тэ кэрэ́н буты́ пашы́л Ра́скирэ-Дэвлэ́скири ша́тра и тэ тэрдён анги́л скэдыибэ́н пэ буты́ ваш лэ́нгэ?

Džiibén 30:15

Нэ ёй пхэндя́ ла́кэ: “Нау́што наухтылла (на́доси) ту́кэ дова́, со ту закэдыян мирэ́ ромэс, со ту камэ́са тэ закэдэс и мандрагоры мирэ́ чхавэ́скирэ?” Рахи́ль пхэндя́: “Адя́кэ мэк ёв тэ пасёл дая́ рат ту́са, пал тырэ́-чхавэ́скирэ мандрагоры.”

Apostolengiri Butý 7:51

Тумэ́ сан пхарэ́-илытка мануша́, савэ́ шунэ́на Дэвлэ́скиро лав, а сы́рбы кашукэ усае́кх кэрэ́на пир пэ́скиро! Тумэ́ сан адасавэ́-паць, сыр и тумарэ́ дада́, тумэ́ ўса́ды (сак) (усегда) са́нас проти Свэ́нто Ду́хо (Фа́но).

Luka 1:69

Ёв дыя́ амэ́нгэ зоралэ́ Зракхибнарис, саво́ исын Дына́ри Давидо́скирэ родо́стыр,

Psalmy 45:5

и традэ уклистэ́ миштэ́с пэ́скирэ барэ́ вучэдырипнаса тэ затэрдёс пал патяибэ́н, ковлэ́-илы́ткима и чачипэ́н, а тыро́ чачо́ васт явэ́ла тэ сыклякирэ́л тут тэ кэрэ́л дова́, со́стыр дар лэ́ла.

Isajos 1:14

На прилэ́ла Миро ди тумарэ́ нэвэ чхона́ и упхэндлэ свэ́нки; дава́ исын пхарипэ́н ваш Ма́нгэ, пхарэ́с тэ лыджав лэн.

Isajos 7:12

Пхэндя Аха́зо: “Мэ на ява́ва тэ мангав, на ява́ва тэ пропатякирав Дэвлэ́с.”

Isajos 22:22

И клыдын Давидо́скирэ кхэрэ́стыр Мэ чхува́ва дрэ лэ́скирэ васта́: ёв откэрэла (псиравэла) и нико́н на закэрэла (на пхандэла); ёв закэрэла и нико́н на откэрла (псиравэла).

Ереме́ё 44:22

И Рай Дэвэ́л буты́р на дэ́лас ра́да тэ вырикирэл дава́ пир доя́ биба́хт, со тумэ́ кэрдэ́ и пир джунгалэ́ (брыдка) рэ́нды, со тумэ́ кэрдэ́. Палдава́ тумари́ пхув исын чхучи́, ди́во трашаса, прокошыбэ́н (арман), би манушэ́нгири, сыр дава́ исын кэ ададывэ́с.”

Езэкилё 6:9

И явэ́на тэ рипирэ́н пал Ма́нгэ кодолэ́, савэ́ ячэ́напэ джидэ́ машки́р народы, карик лэн традынэ. Пририпирна, ко́ли зачилавава лэ́нгиро биладжакиро ило́, со отпыя Ма́ндыр, и лэ́нгирэ якха́, савэ́ парувэнас Ма́нгэ анги́л и́долы. И ячэ́ла лэ́нгэ накуч дрэ лэ́нгирэ илэ пал дова́ чорипэ́н, саво́ ёнэ кэрэ́нас дрэ сарэ́ пэ́скрэ джунгалэ́ рэ́нды (де́лы).