Isajos 66:8 - Библия - Пэ Балтитко Романи чиб (Романэс) 2019

⁸ Кон шундя́ дасаво? Кон дасаво дыкхця́? Ци кэрдя́пэ пхув пал екх дывэ́с? Ци народо сыс адя́кэ сы́гэс бияндло – пал екх мо́ло; сыр Сио́но? Сио́но на́бут вырикирдя дукх и бияндя́ пэ́скирэ чхавэ́н.

Biblija - Pe Baltitko Romani čib (Romanes) 2019

⁸ Kon šundiá dasavo? Kon dasavo dykhciá? Ci kerdiápe phuv pal jekh dyvés? Ci narodo sys adiáke sýges bijandlo – pal jekh mólo; syr Sióno? Sióno nábut vyrikirdia dukh i bijandiá péskire čhavén.

Isajos 66:8 Referans Kwoze

Isajos 64:4

Пал-дова́ со николи мануша́ на шунэнас канэнца, и нисави́ якх на дыкхця́ явирэ́с дэвлорэс. Ту сан Екх Дэвэ́л, Саво́ бут кэрдя́ ваш одолэ́нгэ, конэ́стэ исын наде́я пэ Ту́тэ.

1 Коринфянэнгэ 2:9

нэ сыр исын чхиндло́: “Кодова́ на дыкхця́ якх, на шундя́ кан, на сыс пэ ило́ манушэ́стэ, со Дэвэ́л кэдыя одолэ́нгэ, конэ́скэ яця́ дро́го Ёв;

Apostolengiri Butý 21:20

Ке́ли ёнэ вышундлэ лэс, ёнэ прославиндлэ Дэвлэ́с, нэ коригэды́р (позжэ) ёнэ пхэндлэ́ Павлискэ: “Ту дыкхэ́са, пша́ла, со бут тысёнцы Юды лынэ́ тэ патя́н, и сарэ́ ёнэ шылалэс ракхэна Мойза́скиро Зако́но;

Apostolengiri Butý 2:41

И одолэ́, кон илэ́са прилэлас лэ́скиро лав, болдэпэ, и дро дова́ дывэ́с упатя́ндынэ пашэ́ трин тысёнцы мануша́.

Apostolengiri Butý 4:4

Бут мануша́, савэ́ шундлэ́ лэ́нгиро пхэныбэ́н, упатя́ндынэ; и манушэ́н, савэ́ лынэ́ тэ патя́н, яця́ буты́р, сыр пандж тысёнцы.

Ереме́ё 18:13

Палдава́, адя́кэ ракирэ́ла Рай Дэвэ́л: “Пхуч акана́ Наюдэндыр: ‘Кон шундя́ дасавэ́ налачхипэна? Израилёскири патывалы́ джувлы́ кэрдя́ древа́н на́лачхо (трашано) рэ́ндо.