Isajos 66:5 - Библия - Пэ Балтитко Романи чиб (Романэс) 2019

⁵ Шунэ́н Ра́скирэ-Дэвлэ́скиро лав одолэ́, кон издрала анги́л Лэ́скиро лав! Тумарэ́ пша́ла на рикирэ́на дро ило́ тумэн, ёнэ традэ́на тумэн пал Миро лав и ракирэ́на: “Мэк Рай Дэвэ́л тэ сыкавэ́л Пэс дро Пэ́скиро барипэ́н, и амэ подыкхаса, сыр тумэ́ явэ́на тэ радынэ́нпэ.” Нэ ёнэ явэ́на ладжакирдэ́.

Biblija - Pe Baltitko Romani čib (Romanes) 2019

⁵ Šunén Ráskire-Devléskiro lav odolé, kon izdrala angíl Léskiro lav! Tumaré pšála na rikiréna dro iló tumen, jone tradéna tumen pal Miro lav i rakiréna: “Mek Raj Devél te sykavél Pes dro Péskiro baripén, i ame podykhasa, syr tumé javéna te radynénpe.” Ne jone javéna ladžakirdé.

Isajos 66:5 Referans Kwoze

Isajos 66:2

Пал-дова́ со саро́ дава́ кэрдя́ Миро васт, и саро́ дава́ сыс, – ракирэ́ла Рай Дэвэ́л. “Акэ, пэ конэ́стэ Мэ подыкхава: пэ одолэ́стэ, кон исын на пхутькирдо, пхагнэ духо́са, кон издрала анги́л Миро лав.

Матфеё 10:22

И сарэ́ мануша́ явэ́на тэ на сыкавэ́н паты́в тумэ́нгэ пал лав Миро, нэ кон явэ́ла тэ тэрдёл твардэс кэ ко́нцо (кэ яго́ро), кодова́ зракхэ́лапэ.

Psalmy 38:20

Нэ мирэ́ вэ́рги исын джидэ́ и зоралэ́, и исын дасавэ́, савэ́ бидыкхэна ман ни палсо́:

Joannostir 9:34

Ёнэ задынэ го́дла пэ лэ́стэ: “Ту саро́ бияндыян дрэ грэ́хи, и ци на ту сыклякирэса амэн?” И традынэ лэс яври́.

Ереме́ё 36:16

И сыр сыс, со, ке́ли ёнэ шундлэ́ сарэ́ далэ́ лава́, тэды ёнэ подыкхнэ екх пэ екхэ́стэ дара́са, и ёнэ пхэндлэ́ Варухоскэ: “Амэ́нгэ сыр тэ на пхэнас (тэ на пирипхэнас) крали́скэ сарэ́ далэ́ лава́.”

Isajos 5:19

Савэ ракирэ́на: “Мэк Ёв тэ джал сыгэды́р, мэк тэ кэрэ́л Пэ́скири буты́, соб (кай) амэ тэ дыкхас. Мэк тэ явэ́л, мэк тэ сыкавэ́л, со дава́ исын – Свэнтонэ́-Израилёскиро годыпэ́н, соб (кай) амэ тэ ґалёвас!”

Гиленгири (Соломоно́скири) Гилы́ 1:6

На дыкхэ́н адя́кэ пэ ма́ндэ, со мэ сом калёри, пал-дова́ со кхаморо пэкця ман. Мирэ́-да́кирэ чхавэ́ холясынэ пэ ма́ндэ; ёнэ чхудэ́ ман тэ ракхав винаграды́тко у́нта [(дракхин)] (садо), нэ мэ на ракхцём мири́ винаграды́тко у́нта.

1 Ian 3:13

На дивинэн, пша́ла мирэ́, ко́ли мануша́ свэто́стыр явэ́на тэ бидыкхэн (тэ ненавидинэн) тумэн.

Luka 13:17

И ке́ли Ёв пхэндя́ дава́, сарэ́ Лэ́скирэ вэ́рги ладжандынэ; и сарэ́ мануша́ радындлэпэ Лэ́скирэ славнонэ бутендыр, савэ́ Ёв кэрдя́.

Pritčy 13:13

Кон на прилэ́ла кэ годы́ лав, исын хасибны́тко, нэ кон кутякирэла кэ дар припхэныбэ́н, одова́ дорэсэ́ла мазу́ри (награда).

Юдэ́нгэ 9:28

адя́кэ-паць и Христо́со сыс е́кхвар яндло сыр свэ́нто дыибэ́н пал бутэ́-манушэ́нгирэ грэ́хи. Нэ Ёв явэ́ла яви́р мо́ло кэ одолэ́, савэ́ древа́н ужакирэ́на Лэс тэ зракхэ́л лэн, нэ на ваш дова́, соб (кай) тэ отмэкэ́л грэ́хи.

Titoske 2:13

и тэ ужакирас лачхи́ наде́я, ке́ли явэ́ла баро́ Дэвэ́л слава́са и амаро́ Зракхибнари, Ису́со Христо́со,

Joannostir 16:2

Тумэн традэ́на яври́ кхангирьендыр; и явэ́ла дасаво часо (цы́ро), ке́ли одова́ ману́ш, саво́ замарэла тумэн, явэ́ла тэ думинэл, со ёв далэ́са дынаринэла Дэвлэ́скэ.

Isajos 60:15

Заме́ст дова́, со ту са́нас ячкирдо, и мануша́ тут на вырикирэнас, и, соб (кай) нико́н пир ту́тэ тэ на проджал, Мэ кэра́ва ту́тыр барипэ́н пэ сарэ́ ве́ки; радыма́са (лошаса), сави́ николи на пириячэ́ла.

2 Фесалоникийцэнгэ 1:12

соб (кай) тэ явэ́л славиндло амарэ́ Ра́скирэ-Дэвлэ́скиро Исусо́скиро лав дрэ тумэ́ндэ, адя́кэ-паць и тумэ́ дрэ Лэ́стэ пир бахталыпэ́н амарэ́ Дэвлэ́скиро и Ра́скирэ-Дэвлэ́скиро, Исусо́скирэ Христосо́скиро.

Isajos 65:13

Палдава́ адя́кэ ракирэ́ла Рай Дэвэ́л: “Акэ, Мирэ́ писха́рья ха́на, а тумэ́ бокхалэ́ явэ́на; Мирэ́ писха́рья явэ́на тэ пьен – а тумэ́ явэ́на би панескиро.

Osija 11:10

Ёнэ джа́на пала́л пал Растэ-Дэвлэ́стэ; Ёв явэ́ла тэ рыкинэл сы́рбы шчэр (ле́во). Сыр Ёв лэ́ла тэ рыкинэл, тэ́ньчи Лэ́скирэ бияты явэ́на тэ джа́н сыгэды́р тринскирибнаса пал-панендыр (западостыр).

3 Kralip 21:29

“Ци дыкхэ́са, сыр Аха́во тыкнякирдя пэс анги́л Ма́ндэ? Пал-дова́ со о Аха́во тыкнякирдя пэс анги́л Ма́ндэ, то Мэ на ява́ва тэ янав бари би́да пэ кхэр лэ́скиро, нэ Мэ яна́ва бари би́да дрэ дывэса́ чхавэ́скирэ лэ́скирэ.”

4 Kralip 22:10

И роспхэндя́ о Шафано, лыла́-чхиныбнаскиро крали́скэ, ракири́: “Лылвари́ дыя́ ма́нгэ Хелкия, раша́й.” И гиндя ла Шафано анги́л крали́стэ.

2 Паралипоменоно 34:27

адя́кэ, сыр ковлыя ило́ тыро́, и ту чхудя́н пэс тэлэды́р (змириндянпэ) анги́л Дэвлэ́стэ, ке́ли шундя́н Лэ́скирэ лава́ пал дава́ штэ́то и пал лэ́скирэ манушэ́ндэ, – и ту чхудя́н пэс тэлэды́р анги́л Ма́ндэ, и роскустян пэ́скирэ и́ди, и рондян анги́л Ма́ндэ, тэды и Мэ шундём тут, ракирэ́ла Рай Дэвэ́л.

Е́здра 9:4

Тэ́ньци кажно ману́ш, кон издрандыя лавэ́стыр Израилёскирэ Дэвлэ́стыр, пал-дова́ со напатяибнытка сыс одолэ́, савэ́ сыс дро пле́но, и мэ со́мас бэшто́ дрэ бари дар анги́л дова́, сыр яндлэ́ бэльвэлякиро свэ́нто дыибэ́н.

Psalmy 119:120

Мири́ лоч (плоть) издрала дара́тыр анги́л Ту́тэ; ма́ндэ исын трашаибэ́н анги́л Тыро́ сэ́ндо.

Isajos 26:11

Раё Дэ́вла! Тыро́ васт сыс вучэ́с ґаздыно́, нэ ёнэ лэс на дыкхнэ́; дыкхэ́на и ладжана, кон бидыкхэла (нашты́ тэ дыкхэ́л) пэ Тыро́ народо; яг ха́ла Тырэ́ вэргэ́н.