Isajos 66:4 - Библия - Пэ Балтитко Романи чиб (Романэс) 2019

⁴ Тэ́ньци Мэ адя́кэ-паць кэра́ва лэ́нца пир лэ́нгиро хохаибэ́н, и Мэ яна́ва дар ваш лэ́нгэ, пал-дова́ со Мэ кхардём – и нико́н на отпхэндя́; Мэ ракиравас – ёнэ на шунэнас, а кэрэ́нас налачхэ́ рэ́нды анги́л Мирэ́ якха́ и выкэдэнас дова́, со Ма́нгэ на сыс пир ило́.

Biblija - Pe Baltitko Romani čib (Romanes) 2019

⁴ Tén'ci Me adiáke-pac' keráva lénca pir léngiro xohaibén, i Me janáva dar vaš lénge, pal-dová so Me khardjom – i nikón na otphendiá; Me rakiravas – jone na šunenas, a kerénas nalačhé réndy angíl Miré jakhá i vykedenas dová, so Mánge na sys pir iló.

Isajos 66:4 Referans Kwoze

Isajos 65:12

Мэ тумэн отда́ва курталакэ; тумэ́ пэрэ́на пэ чанга́ и тумэн замарна, пал-дова́ со Мэ кхардём и тумэ́ на отпхэндлэ́, ракирдём – тумэ́ на шунэнас, а кэрэ́нас накуч анги́л Мирэ́ якха́ и выкэдэнас дова́, со сыс Ма́нгэ на пир ило́.’”

Ереме́ё 7:13

И акана́, пал-дова́ со тумэ́ кэрдэ́ сарэ́ далэ́ бутя́, – пхэндя́ Рай Дэвэ́л, – и мэк Мэ и ракирдём тумэ́нгэ, сыр Мэ уштавас тася́рлэс (ра́нэс) пэ зло́ко (фра́нсо) и Мэ пхэндём, нэ тумэ́ на шундлэ́ Ман, и Мэ кхардём тумэн, нэ тумэ́ на отпхэндлэ́ Ма́нгэ:

Pritčy 10:24

Дова́, со́стыр дарэ́ла фуй ману́ш, пэрэ́ла пэ лэ́стэ, нэ дова́, со древа́н исын дро́го чачунэ́ манушэ́нгэ, явэ́ла отмэкно лэ́нгэ.

Pritčy 1:24

Палдава́ со мэ кхардём, и тумэ́ на кандынэ́ (отпхэндлэпэ); мэ протырдыём пэ́скиро васт и ние́кх на прилыя́ кэ ило́.

4 Kralip 21:6

И лыджия́ пэ́скирэс чхавэ́с пирда́л яг, и драбакирдя, и човаханякирдя, и залыджыя манушэ́н, савэ́ выкхарэна мулэн и човаханэн пир приме́ты (шпэры); бут кэрдя́ фуипэ́н ёв дрэ якха́ Ра́скирэ-Дэвлэ́скирэ, соб (кай) тэ холякирэл Лэс.

4 Kralip 21:2

И кэрдя́ ёв фуипэ́н дрэ якха́ Ра́скирэ-Дэвлэ́скирэ, кэри пир приме́ро (сыкаибэ́н) магирипэ́н сыр яви́р манушы́тка на́цыи, савэ́н протрадыя Рай Дэвэ́л Израилёскирэ чхавэ́нгирэ мо́стыр.

Psalmy 81:12

Нэ мирэ́ мануша́ на шундлэ́ Мири́ зан (глос), и Израилё на кандыя́ ман.

Матфеё 24:24

Пал-дова́ со явэ́на хоханэ́ христосы, хоханэ́ проро́ки и ёнэ сыкавэ́на барэ́ ґертыка́ и кэрэ́на ди́вы, соб (кай) тэ хохавэн аж кодолэ́н, савэ́н Дэвэ́л выкэдыя́, ко́ли сашты́ явэ́ла.

Isajos 65:3

Кэ народо, саво́ дрэ якха́ калякирэлас Ман: янэ́ла свэ́нта дыибэна́ дро вэш, хачкирэ́ла фимиа́мо пэ бара́.

Isajos 50:2

Со́скэ на сыс никонэ́с, ко́ли Мэ явавас, и нико́н на отпхэндя́, ке́ли Мэ кхардём? Ци Миро васт буты́р на зракхэ́ла, ци нанэ Ма́ндэ зор, соб (кай) тэ зракхав? Акэ, Мирэ́ страхаса Мэ шутькирава мо́рё (дэрья́в), кэра́ва чхучи́ пхув рэкэндыр (лэнорьендыр); мачхэ́ дрэ лэ́ндэ кирнёна и мэрэ́на, пал-дова́ со нанэ пани́.

1 Kralip 8:19

Нэ мануша́ на сыс дрэ екх годы́ тэ шунэ́н Самуилоскири зан и пхэндлэ́: “Над, мэк кра́ли тэ явэ́л пэ амэ́ндэ,

Isajos 59:7

Лэ́нгирэ ґэра́ праста́на кэ налачхэ́ рэ́нды, соб (кай) тэ прочхувэн рат манушэ́скиро, саво́ исын набанго; лэ́нгирэ ду́мы – ду́мы злыднитка; нашаибэн и хасибэ́н исын пэ лэ́нгирэ дрома́.

Isajos 65:7

Тумарэ́ грэ́хи и кхэтанэ́ тумарэ́-дадэнги́рэ грэ́хи, – ракирэ́ла Рай Дэвэ́л; пал-дова́ тумарэ́ дада́ хачкирэнас фимиа́мо пэ бэ́рги, пэ тыкнэ́ бэ́ргицы кошэнас Ман; Мэ отмеринава лэ́нгэ пал сарэ́ лэ́нгирэ рэ́нды.’

Ереме́ё 7:30

Пал-дова́ со мануша́ Юдэя́тыр кэрдэ́ биба́хт пэ Мирэ́ якха́’, – ракирэ́ла Рай Дэвэ́л, – ‘ёнэ чхудэ́ пэ́скирэ джунгалэ́ и́долы дро кхэр, со исын кхардо пир Миро лав, соб (кай) тэ магирэ́н лэс.

Ереме́ё 35:17

Палдава́ адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: “Акэ, Мэ яна́ва пэ Юдэ́я, и пэ сарэ́ манушэ́ндэ, кон дживэ́ла кэ Ерусалимо, саро́ фуипэ́н, со Мэ кхардём лэн, нэ ёнэ на отпхэндлэ́ Ма́нгэ.’”

Езэкилё 11:8

Тумэ́ дарэ́на куртала́тыр, нэ Мэ яна́ва курта́ла пэ тумэ́ндэ’, – ракирэ́ла Рай Дэвэ́л, Дэвэ́л.

Езэкилё 14:4

Палдава́ ра́кир лэ́нца и пхэн лэ́нгэ: ‘Адя́кэ ракирэ́ла Рай Дэвэ́л, Дэвэ́л: ко́ли вари-кон Израилёскирэ кхэрэ́стыр домэкэла пэ́скрэ кэрдэ́ дэвлорэ́ (и́долы) дро пэскро ило́, и чхувэ́ла пэ́скрэ кэрдэ́ дэвлорэ́ анги́л лэ́стэ тэ обштавэлпэ и ёв явэ́ла кэ проро́ко, то ці, пхэна́ва ли Мэ, Рай Дэвэ́л, Дэвэ́л, лэ́скэ, ко́ли исын бут лэ́стэ лэскрэ кэрдэ́ дэвлорэ́?

Езэкилё 20:25

И домэкцём Мэ ишчо (инкэ́), соб (кай) ёнэ тэ дживэ́н пир пэ́скирэ упхэныбэна́, савэ́ на сыс лачхэ́, и пир зако́ны, савэ́ндыр лэ́нгэ нашты́ сыс тэ дживэ́н.

Isajos 59:15

Нанэ чачипэ́н; одолэ́с, кон ракхэлапэ чорипна́стыр, лэс ёнэ кошэна. Дыкхця́ дава́ Рай Дэвэ́л и намишто яця́ анги́л Лэ́скирэ якха́, со нанэ сэ́ндо.

Isajos 65:2

Кажно дывэ́с протырдавас Мирэ́ васта́ кэ народо, саво́ на кандэ́ла, саво́ псирэ́ла налачхэ́ дромэ́са, саво́ дживэ́ла пир лэ́скири годы́.