Isajos 66:3 - Библия - Пэ Балтитко Романи чиб (Романэс) 2019

³ Одова́, кон зачхинэла гурувэ́с исын сы́рбы одова́, кон замарэла манушэ́с. Кон янэ́ла бакрорэс ваш свэ́нто дыибэ́н исын сы́рбы одова́, кон затасавэла джуклэс; кон янэ́ла да́ро исын сы́рбы одова́, кон чхувэ́ла балычано рат; кон хачкирэ́ла фимиа́мо, исын сы́рбы одова́, кон мангэлапэ идолоскэ; сыр ёнэ выкэдынэ́ пэ́скиро дром и дава́ налачхипэн исын дро́го лэ́нгирэ илэскэ.

Biblija - Pe Baltitko Romani čib (Romanes) 2019

³ Odová, kon začhinela guruvés isyn sýrby odová, kon zamarela manušés. Kon janéla bakrores vaš svénto dyibén isyn sýrby odová, kon zatasavela džukles; kon janéla dáro isyn sýrby odová, kon čhuvéla balyčano rat; kon xačkiréla fimiámo, isyn sýrby odová, kon mangelape idoloske; syr jone vykedyné péskiro drom i davá nalačhipen isyn drógo léngire ileske.

Isajos 66:3 Referans Kwoze

Pritčy 15:8

Рай Дэвэ́л рикирлапэ дрэ риг свэ́нто дыибэ́н, со фуй мануша́ янэ́на, нэ ёв зоралэ́с радынэ́лапэ мангипнастыр, саво́ кэрэ́на дэвлы́тка мануша́.

Isajos 66:17

“Одолэ́, кон свэнтякирэла и жужакирэл пэс дро вэша́, и ха́на балычано мас, магирипэ́н и кармусэн (мышэн) – сарэ́ ёнэ хасёна”, – ракирэ́ла Рай Дэвэ́л.

Isajos 65:12

Мэ тумэн отда́ва курталакэ; тумэ́ пэрэ́на пэ чанга́ и тумэн замарна, пал-дова́ со Мэ кхардём и тумэ́ на отпхэндлэ́, ракирдём – тумэ́ на шунэнас, а кэрэ́нас накуч анги́л Мирэ́ якха́ и выкэдэнас дова́, со сыс Ма́нгэ на пир ило́.’”

Левито 2:2

и янэ́ла лэс кэ Аароно́скирэ чхавэ́, кэ рашая́, и лэ́ла пхэрды́ бурнык (жменя) яржо́ елеёса и сарэ́ ливаноса, и схачкирэ́ла раша́й дава́ сыр рипирибэ́н пэ алта́рё; дава́ исын свэ́нто дыибэ́н, гудло́ тхув, Ра́скэ-Дэвлэ́скэ;

Pritčy 21:27

Фуе-манушэ́нгиро свэ́нто дыибэ́н выкхарэла джунгалыпэ́н (брыткима), пэ кицы́ джунгалэдыр (брыткэдыр) исын дава́ чуин, ке́ли ёв янэ́ла свэ́нто дыибэ́н, фуес думиндой.

Яви́р Зако́но 23:18

На ян ловэ́ биладжакунэ́-джувлякирэ и тими́н джуклэскири дрэ Ра́скирэ-Дэвлэ́скиро, тырэ́ Дэвлэ́скиро Кхэр, ни пир сави́ совэ́л, пал-дова́ со адалэ́ дуйджинэ́ исын магирипэ́н анги́л Растэ-Дэвлэ́стэ, тырэ́ Дэвлэ́стэ.

Яви́р Зако́но 14:8

и балычэн, пал-дова́ со мэк копыты лэ́ндэ исын росчхиныбнаса, нэ ёнэ на жуинэна жвачка: нажужэ́ ёнэ исын ваш тумэ́нгэ; на хан лэ́нгиро мас, и пал лэ́нгирэ тру́пы на лэнпэ.

Сэндарьенгири Лылвари́ 10:14

джа́н, годлэн кэ дэвлорэ́, савэ́н тумэ́ выкэдынэ́, мэк ёнэ тэ зракхэн тумэн дро пхаро́ ваш тумэ́нгэ часо.

Isajos 57:17

Палдова́, со ёв думинэ́ла пал миштыпэ́н ваш пэ́скэ кокорэскэ, Мэ холясовавас и дукхававас лэс, гарававас муй и Мэ со́мас холямо́, нэ ёв отрисия и гия́ пир дром, савэ́са лыджия́ лэ́скиро ило́.

Сэндарьенгири Лылвари́ 5:8

Выкэдынэ́ нэвэн дэвлорэн, далэ́стыр пашы́л вудара́ джа́ла марибэ́н. Ци бицяло́ сыс шчы́то и чхурдыбнытко буст (коп΄ё) машки́р штардэшэ тысёнцы пир Израилё?

Isajos 44:19

И на прилэ́ла ману́ш кэ ило́, и нанэ лэ́стэ годы́, соб (кай) тэ пхэнэ́л: “Мэ схачкирдём кашт пэ яг и пэ вангара пэкцём маро́, кэрадём мас ци трэй ма́нгэ тэ кэра́в налачхипэн каштэ́стыр, со яця́пэ? Ци трэй тэ мангавпэ каштэскэ?”

Isajos 65:2

Кажно дывэ́с протырдавас Мирэ́ васта́ кэ народо, саво́ на кандэ́ла, саво́ псирэ́ла налачхэ́ дромэ́са, саво́ дживэ́ла пир лэ́скири годы́.

Ереме́ё 6:20

Ваш со Ма́нгэ ароматытконэ-смолэнгиро (ладоноскиро) тхув, со джа́ла Сабатыр, и гудлы тришчына (траснико) дуратунэ́ тхэмэстыр? Мэ на прилава Тумарэ́ хачкирибнаскирэ яныбэна́ и тумарэ́ – свэ́нта дыибэна́ на радынэна Ман.”

Сэндарьенгири Лылвари́ 21:25

Дрэ долэ́ дывэса́ на сыс пэ Израилё крали́с; кажно (сва́ко) кэрдя́ дова́, со лэ́скэ здыяпэ чачунэса.

Isajos 53:6

Сарэ́ амэ, сыр бакря́ псирасас, гиям кажно пэ́скирэ дромэ́са, и Рай Дэвэ́л чхудя́ пэ Лэ́стэ грэ́хи, савэ́ сарэ́ амэ кэрдя́м.

Agiejo 2:14

Тэ́ньци Агеё отпхэндя́ и пхэндя́: “Адя́кэ, исын дая́ манушы́тко нацыя (народо) и адя́кэ исын кадава́ кхэри́тко ро́до (племя) анги́л Ма́ндэ”, – ракирэ́ла Рай Дэвэ́л, – “и дова́, со ёнэ янэ́на сыр свэ́нто дыибэ́н, кодова́ исын нажужо.”