Isajos 66:2 - Библия - Пэ Балтитко Романи чиб (Романэс) 2019

² Пал-дова́ со саро́ дава́ кэрдя́ Миро васт, и саро́ дава́ сыс, – ракирэ́ла Рай Дэвэ́л. “Акэ, пэ конэ́стэ Мэ подыкхава: пэ одолэ́стэ, кон исын на пхутькирдо, пхагнэ духо́са, кон издрала анги́л Миро лав.

Biblija - Pe Baltitko Romani čib (Romanes) 2019

² Pal-dová so saró davá kerdiá Miro vast, i saró davá sys, – rakiréla Raj Devél. “Ake, pe konéste Me podykhava: pe odoléste, kon isyn na phut'kirdo, phagne duhósa, kon izdrala angíl Miro lav.

Isajos 66:2 Referans Kwoze

Isajos 57:15

Пал-дова́ со адя́кэ ракирэ́ла Вучо́, Вучэ́с ґаздыно́, Саво́ дживэ́ла ве́чнэс, Лэ́скиро лав исын “Свэ́нто”: “Мэ джива́ва пэ вучо́ болыбэ́н и пэ свэ́нто штэ́то и адя́кэ-паць одолэ́ манушэ́нца, конэ́скиро ду́хо (фа́но) исын пхагирдо́, и кон исын на пхутькирдо, соб (кай) тэ отджидякирав ду́хо (фа́но), кон на пхутькирдо, и тэ отджидякирав илэ, конэ́стэ ду́хо (фа́но) исын пхагирдо́.

Psalmy 34:18

Патяибнаскирэ мануша́ кхарэ́на Рас-Дэвлэ́с и Ёв шунэ́ла, И Ёв зракхэ́ла лэн сарэ́ лэ́нгирэ пхарипнастыр.

Psalmy 51:17

О, Раё Дэ́вла, откэр мирэ́ ушта́ и отпхандэ миро муй тэ шара́в Тут.

Filipiicenge 2:12

И палдава́, мирэ́ дро́га, сыр тумэ́ саро́ часо, ке́ли мэ сом тумэ́нца, нэ буты́р сарэ́стыр какана́ дро дава́ часо, ке́ли ман нанэ тумэ́нца, причхувэ́н зор дара́са и издраныпнаса тэ кэрэ́н буты́ ваш пэ́скиро зракхибэ́н,

Pritčy 28:14

Бахтало́ исын ману́ш, кон усады (сак) патыва́са дарэ́ла Дэвлэ́стыр, нэ кон пхарьякирэла пэ́скиро ило́, кодова́ пэрэ́ла дрэ бари би́да.

Psalmy 138:6

Мэк Рай Дэвэ́л исын вучэ́с, нэ Ёв дыкхэ́ла тэлэ́ пэ одолэ́ндэ, савэ́ кандэ́на Лэс, а пхутькирдэс Ёв пинджкирэла дурипнастыр.

Psalmy 119:120

Мири́ лоч (плоть) издрала дара́тыр анги́л Ту́тэ; ма́ндэ исын трашаибэ́н анги́л Тыро́ сэ́ндо.

Isajos 66:5

Шунэ́н Ра́скирэ-Дэвлэ́скиро лав одолэ́, кон издрала анги́л Лэ́скиро лав! Тумарэ́ пша́ла на рикирэ́на дро ило́ тумэн, ёнэ традэ́на тумэн пал Миро лав и ракирэ́на: “Мэк Рай Дэвэ́л тэ сыкавэ́л Пэс дро Пэ́скиро барипэ́н, и амэ подыкхаса, сыр тумэ́ явэ́на тэ радынэ́нпэ.” Нэ ёнэ явэ́на ладжакирдэ́.

Isajos 61:1

Ра́скирэ-Дэвлэ́скиро Ду́хо (Фа́но) исын пэ Ма́ндэ, пал-дова́ со Рай Дэвэ́л помакхця Ман тэ пхэна́в бахтало́ лав (бахталы́ зан) чорорэнгэ; бичхадя́ Ман, соб (кай) тэ састякирав манушэ́н розмардэ илэ́са, тэ пхэна́в пал во́ля одолэ́нгэ, кон исын дрэ наволя (бэшыбэн); тэ пхэна́в манушэ́нгэ дрэ бэшыбэн, со вудара́ бэшыбнытка исын псирадэ (откэрдэ).

Е́здра 10:3

И акана́ счхуваса Заве́то амарэ́ Дэвлэ́са, соб (кай) тэ мэкэ́н криг сарэ́ джувле́н, и кодолэ́н, кон бия́ндыя лэ́ндыр пир лав амарэ́ Дэвлэ́скиро и пир одолэнгирэ лава́, савэ́ дарэ́на амарэ́ Дэвлэ́скирэ припхэныбнэндыр, и мэк тэ явэ́л кэрдо́ пир зако́но.

Avakumo 3:16

Ке́ли мэ шундём, мирэ́ маса́ лынэ́ тэ издран, мирэ́ ушта́ лынэ́ тэ издран локхэс далэ́ занятыр: кирныпэн загия́ дрэ мирэ́ кокалы́; и мэ яцём тэ тринскиравпэ пэ пэ́скиро штэ́то. Нэ ма́нгэ трэй тэ явав штыл дро дывэ́с дарано, ке́ли явэ́ла вэ́рго пэ мирэ́ манушэ́ндэ пэ́скирэ халадэнца.

Psalmy 119:161

Тхага́рья (кня́зи) рэсэна вэрги́ткэс кэ мэ би причынакиро, нэ миро ило́ дарэ́ла Тырэ́ лавэ́стыр.

Е́здра 9:4

Тэ́ньци кажно ману́ш, кон издрандыя лавэ́стыр Израилёскирэ Дэвлэ́стыр, пал-дова́ со напатяибнытка сыс одолэ́, савэ́ сыс дро пле́но, и мэ со́мас бэшто́ дрэ бари дар анги́л дова́, сыр яндлэ́ бэльвэлякиро свэ́нто дыибэ́н.

Isajos 40:26

Ѓаздэн тумарэ́ якха́ кэ вучо́ болыбэ́н и подыкхэн? Кон лэс создыя́? Кон вылыджала Пэ́скирэ чэргэня́ и гинэ́ла лэн? Сарэ́ чэргэня́ Ёв кхарэ́ла пир лав, ничи́ на хасёла Лэ́стэ, пал-дова́ со исын лэ́стэ бари зор и зоралыпэ́н.

Колосянэнгэ 1:17

И Ёв Кокоро́ сыс англэды́р сарэ́стыр, сыр саро́, со сыс создыно́, исын дро екхипэ́н Лэ́са и пир Лэ́стэ саро́ рикирэ́лапэ.

Apostolengiri Butý 9:6

“Ушты́ и джа́ дро фо́ро, и явэ́ла пхэндло́ ту́кэ, со трэй тэ кэрэ́с.”

Матфеё 12:6

Нэ Мэ пхэна́ва тумэ́нгэ: кадава́, со исын ада́й, исын бутэды́р Кхангирья́тыр.

Apostolengiri Butý 7:50

Ци на Мирэ́ вастэ́са кэрдо́ дава́ саро́?”

Pritčy 29:23

Кон пхутёла, кодова́ пэрэ́ла тэлэ́, нэ напхутькирдо дро ду́хо (фа́но) ману́ш дорэсэ́ла паты́в.

Osija 11:10

Ёнэ джа́на пала́л пал Растэ-Дэвлэ́стэ; Ёв явэ́ла тэ рыкинэл сы́рбы шчэр (ле́во). Сыр Ёв лэ́ла тэ рыкинэл, тэ́ньчи Лэ́скирэ бияты явэ́на тэ джа́н сыгэды́р тринскирибнаса пал-панендыр (западостыр).

Mihiejo 6:8

О Рай Дэвэ́л сыкадя́ ту́кэ, о манушэ, со исын лачхипэ́н, и со трэй Ра́скэ-Дэвлэ́скэ ту́тыр: тэ кэрэ́с пир чачипэ́н, тэ выкэдэс тэ кэрэ́с лачхипэ́н, и тэ дживэ́с напхутькирдэс анги́л тырэ́ Дэвлэ́стэ!

3 Kralip 21:29

“Ци дыкхэ́са, сыр Аха́во тыкнякирдя пэс анги́л Ма́ндэ? Пал-дова́ со о Аха́во тыкнякирдя пэс анги́л Ма́ндэ, то Мэ на ява́ва тэ янав бари би́да пэ кхэр лэ́скиро, нэ Мэ яна́ва бари би́да дрэ дывэса́ чхавэ́скирэ лэ́скирэ.”

4 Kralip 22:10

И роспхэндя́ о Шафано, лыла́-чхиныбнаскиро крали́скэ, ракири́: “Лылвари́ дыя́ ма́нгэ Хелкия, раша́й.” И гиндя ла Шафано анги́л крали́стэ.

4 Kralip 22:11

Ке́ли шундя́ кра́ли лава́ Законо́скирэ лылварьятыр, то роскустя и́ди пэ́скирэ.

Psalmy 51:19

Свэ́нто дыибэ́н (жэ́ртва) исын лачхо́ Ту́кэ, Дэвлэ́скэ, тэды, ке́ли амаро́ ду́хо (фа́но) исын рискирдо кэ Дэвэ́л. О, Дэ́вла, Ту ж сан дрэ паты́в кэ ило́, саво́ дандырэла пэс пал грэ́хо и рискирдо кэ Ту.

Isajos 41:20

соб (кай) ёнэ тэ дыкхэ́н и тэ доджинэнпэ (тэ ґалён), тэ рискирэ́н пэ́скиро ило́ и тэ ґалён, со васт Ра́скирэ-Дэвлэ́скиро создыя́ дава́, и со Свэ́нто Израилёскиро создыя́ дава́.