Isajos 66:1 - Библия - Пэ Балтитко Романи чиб (Романэс) 2019

¹ Адя́кэ ракирэ́ла Рай Дэвэ́л: “Болыбэ́н исын Миро троно, а пхув исын штэ́то ваш Мирэ́ ґэра́; кай тумэ́ кэрэ́на кхэр ваш Ма́нгэ, кай исын штэ́то, соб (кай) Мэ тэ откхинёвав?

Biblija - Pe Baltitko Romani čib (Romanes) 2019

¹ Adiáke rakiréla Raj Devél: “Bolybén isyn Miro trono, a phuv isyn štéto vaš Miré ĥerá; kaj tumé keréna kher vaš Mánge, kaj isyn štéto, sob (kaj) Me te otkhinjovav?

Isajos 66:1 Referans Kwoze

Apostolengiri Butý 17:24

Дэвэ́л, Саво́ создыя́ свэ́то и саро́, со исын дрэ лэ́стэ, Ёв, Саво́ исын Дэвэ́л болыбнаскэ и пхувьякэ; Ёв на дживэ́ла дрэ кхангирья, савэ́ кэрдэ́ манушы́тка васта́.

3 Kralip 8:27

Чачунэ́с, ци Дэвлэ́скэ тэ дживэ́с пэ пхув? Болыбэ́н и болыбэ́н болыбна́скиро на могинэ́ла тэ прилэ́н Тут, Дэ́вла, и Кхангири́, сави́ мэ чхудём.

Psalmy 132:7

Явэ́н, даса́ патыв пэ чанга́ пашыл Лэ́скирэ ша́тры, явэ́н даса паты́в пэ чанга́ пашы́л Лэ́скирэ ґэра́.

Psalmy 11:4

Рай Дэвэ́л исын пэ лэ́скиро свэ́нто штэ́то дро Болыбна́скиро Раё. Лэ́скиро троно исын дро болыбэ́н. Лэ́скирэ якха́ дыкхэ́на, Лэ́скирэ цымблы (ресницы) роздыкхэна манушытконэ́ чхавэ́н.

2 Паралипоменоно 6:18

Ци пир чачипэ́н Дэвлэ́скэ тэ дживэ́с манушэ́нца пэ пхув? Ко́ли болыбэ́н и болыбна болыбна́скирэ исын тыкнэ́ ваш Ту́кэ, – долэса тыкнэды́р исын Кхангири́ дая́, сави́ мэ кэрдём.

1 Паралипоменоно 28:2

И тэрдия́ кра́ли Дави́до пэ пэ́скиро ґэра́, и пхэндя́: “Шунэ́н ман, мирэ́ пшалалэ и мирэ́ мануша́лэ! Сыс ма́ндэ пэ ило́ тэ кэра́в кхэр ваш рама́нё ваш Ра́скирэ-Дэвлэ́скиро завето́скиро ковчэго и прэдко тэл ґэра́ амарэ́ Дэвлэ́скирэ, и саро́, со трэй тэ чхувэ́н Кхэр, мэ скэдыём ваш буты́.

Psalmy 99:9

Славинэ́н зоралэ́с Рас-Дэвлэ́с, амарэ́ Дэвлэ́с и дэн паты́в Лэ́скэ пашы́л Лэ́скири Свэ́нто бэ́ргица, пал-дова́ со Рай Дэвэ́л исын амаро́ Свэ́нто Дэвэ́л.

Матфеё 24:2

Ёв ракирэ́ла лэ́нгэ адя́кэ: “Дыкхэ́на дава́ саро́? Чачэс, Мэ ракира́ва тумэ́нгэ: на ячэ́лапэ ада́й ни екх бар пэ бар, саво́ тэ на явэ́л пхагирдо́.”

Малахия 1:11

Мирэ́ лавэ́скэ явэ́ла бари паты́в машки́р Наюды́тка на́цыи (народы), одотхы́р, кай кхам уштэ́ла и кэ дова́ штэ́то, кай кхам заджа́ла. Пэ кажно штэ́то дрогонэ́-смолакиро тхувипэн явэ́ла Ма́нгэ, жужо́ свэ́нто дыибэ́н; ваш дова́, со Мирэ́ Лавэ́скэ явэ́ла бари паты́в машки́р Наюды́тка на́цыи,” – ракирэ́ла янголэ́нгирэ-болыбна́скиро Рай Дэвэ́л.

Матфеё 12:6

Нэ Мэ пхэна́ва тумэ́нгэ: кадава́, со исын ада́й, исын бутэды́р Кхангирья́тыр.

Isajos 57:15

Пал-дова́ со адя́кэ ракирэ́ла Вучо́, Вучэ́с ґаздыно́, Саво́ дживэ́ла ве́чнэс, Лэ́скиро лав исын “Свэ́нто”: “Мэ джива́ва пэ вучо́ болыбэ́н и пэ свэ́нто штэ́то и адя́кэ-паць одолэ́ манушэ́нца, конэ́скиро ду́хо (фа́но) исын пхагирдо́, и кон исын на пхутькирдо, соб (кай) тэ отджидякирав ду́хо (фа́но), кон на пхутькирдо, и тэ отджидякирав илэ, конэ́стэ ду́хо (фа́но) исын пхагирдо́.

Ереме́ё 23:24

“Ци могинэ́ла (сашты́) ману́ш тэ гарадёл дрэ чораханэ штэ́ты, соб (кай) Мэ тэ на дыкха́в лэс?” – ракирэ́ла Рай Дэвэ́л. “Ци на сом Мэ пэ болыбэ́н и пэ пхув?” – ракирэ́ла Рай Дэвэ́л.

2 Паралипоменоно 2:5

И Кхэр, саво́ мэ кэра́ва, явэ́ла баро́-баро́, пал-дова́ со древа́н баро́ исын Дэвэ́л амаро́, вучэды́р сарэ́ дэвлорэндыр.

Isajos 60:13

Барипэ́н Ливаноскиро кэ ту явэ́ла; кипарисо, сосна и кедро явэ́на кхэтанэ́, соб (кай) тэ укэдэн (тэ шукарьякирэн) штэ́то, кай исын Миро свэ́нто штэ́то; Мэ да́ва бари паты́в штэтоскэ, кай исын тэрдэ́ Мирэ́ ґэра́.