Isajos 65:3 - Библия - Пэ Балтитко Романи чиб (Романэс) 2019

³ Кэ народо, саво́ дрэ якха́ калякирэлас Ман: янэ́ла свэ́нта дыибэна́ дро вэш, хачкирэ́ла фимиа́мо пэ бара́.

Biblija - Pe Baltitko Romani čib (Romanes) 2019

³ Ke narodo, savó dre jakhá kaliakirelas Man: janéla svénta dyibená dro veš, xačkiréla fimiámo pe bará.

Isajos 65:3 Referans Kwoze

Isajos 1:29

“Ёнэ явэ́на ладжакирдэ́ пал дэмбитка вэша́, савэ́ адя́кэ тумэ́нгэ исын пир ило́, и тумэ́ лолёна пал унты (сады), савэ́ тумэ́ выкэдынэ́ пэ́скэ.

Isajos 66:17

“Одолэ́, кон свэнтякирэла и жужакирэл пэс дро вэша́, и ха́на балычано мас, магирипэ́н и кармусэн (мышэн) – сарэ́ ёнэ хасёна”, – ракирэ́ла Рай Дэвэ́л.

Ióvo 1:11

Нэ Ту, ґа́да, фэ́ни (то́ка) лэ Пэ́скирэ вастэ́са и закэдэ саро́, со исын лэ́стэ, и ёв, чачэс, на явэ́ла тэ бахтякирэ́л Тут!”

Яви́р Зако́но 32:21

Ёнэ холякирдэ Ман лэ́нгирэ надэвлэса, нэ пэ́скирэ идолэнца ёнэ холякирдэ Ман: и Мэ лэн холякирава наманушэнца, а дылынэ́ манушытконэ́ нацыя́са (народоса) холякирава Мэ лэн;

Isajos 3:8

Адя́кэ пхадия Ерусалимо, пыя́ Юда, пал-дова́ со лэ́нгири чиб и лэ́нгирэ рэ́нды (де́лы) нанэ пал Растэ-Дэвлэ́стэ, ёнэ на вырикирэна Дэвлэ́скиро барипэ́н.

Ióvo 2:5

Нэ ту протырдэ анги́л Тыро́ васт и чилав лэ́скирэ кокалы́, и, лэ́скирэ маса́, и подыкх, ци бахтякирэ́ла ёв тут [ёв, чалэ́с, кэрэ́ла прокошыбэ́н (арман) пэ ту́тэ кэ муй Тыро́-ю.о.].”

Левито 17:5

дава́ исын ваш дова́, соб (кай) Израилёскирэ чхавэ́ тэ кэрэ́н пэ́скирэ свэ́нта дыибэна́, савэ́ ёнэ зачхинэна пэ фэ́лда, соб (кай) тэ янэ́н лэн анги́л Растэ-Дэвлэ́стэ кэ загиибэ́н дрэ ша́тра скэдыибна́скири, кэ раша́й, и тэ зачхинэн лэн Ра́скэ-Дэвлэ́скэ дро раманёно (ми́рно) свэ́нто дыибэ́н;

Езэкилё 20:28

Пал-дова́ со, ке́ли Мэ яндём лэн пэ пхув, пал сави́ дрэ совла́х тэ дав лэ́нгэ, Мэ ґаздавас Миро васт, а ёнэ выдыкхнэ ваш пэ́скэ кажно вучи́ бэ́ргица, кажно кашт барэ́ ґэнстонэ ранденца (вэткэнца), и ёнэ лынэ́ тэ янэ́н одо́й пэ́скирэ дыибэна́, савэ́нца выкхарэнас Мири́ холы́; и янэ́нас одо́й пэ́скирэ тхува гудлэ́, и вычхувэнас одо́й пэ́скирэ тхадунэ свэ́нта дыибэна́ (жэртвы).

Ереме́ё 3:6

И пхэндя́ Рай Дэвэ́л ма́нгэ, Еремеёскэ, дрэ дывэса́, ке́ли Иосия (Ёсия) сыс кра́ли: ‘Ци дыкхця́н ту, со кэрдя́ чхай Израилёскири, сави́ отгия́ патяибнастыр? Ла́кирэ мануша́ псирэнас тэл кажно вучи́ бэ́рга, и кажно зэлэно дрэ́во и ёнэ сыкадэ паты́в кэ яви́р дэвлорэ́ сы́рбы налачхи джувлы́.

Psalmy 78:58

И ёнэ холякирдэ Лэс пэ́скирэ штэтэнца пэ бэ́ргицы, кай ёнэ дэ́нас паты́в и ёнэ прэзэнтынэнас (дражнинэнас) Лэс лэ́нгирэ вычингирдэ идолэнца.

Psalmy 78:40

Сыр бут мо́лы ёнэ на кандэнас Лэс пэ чхучи́ пхув, ёнэ холякирэнас Лэс пэ биманушэнгиро штэ́то.

4 Kralip 22:17

Пал-дова́, со ёнэ ячкирдэ́ Ман и тхувалякирэна явирэ дэвлорэ́нгэ, соб (кай) тэ холякирэн Ман сарэ́ рэндэ́нца пэ́скирэ вастэнгирэ, то захачи́я холы́ Мири́ пэ дава́ штэ́то, и на мурдёла.’

Isajos 66:3

Одова́, кон зачхинэла гурувэ́с исын сы́рбы одова́, кон замарэла манушэ́с. Кон янэ́ла бакрорэс ваш свэ́нто дыибэ́н исын сы́рбы одова́, кон затасавэла джуклэс; кон янэ́ла да́ро исын сы́рбы одова́, кон чхувэ́ла балычано рат; кон хачкирэ́ла фимиа́мо, исын сы́рбы одова́, кон мангэлапэ идолоскэ; сыр ёнэ выкэдынэ́ пэ́скиро дром и дава́ налачхипэн исын дро́го лэ́нгирэ илэскэ.