Isajos 64:2 - Библия - Пэ Балтитко Романи чиб (Романэс) 2019

² Сыр хачкирдэ́ ягатыр, сави́ билавэла (плавинэла), сыр пане́стыр, саво́ кэрадёла, соб (кай) тэ джинэ́н Тыро́ лав джиндло́ Тырэ́ вэргэ́нгэ; соб (кай) тэ издран анги́л Ту́тэ народы.

Biblija - Pe Baltitko Romani čib (Romanes) 2019

² Syr xačkirdé jagatyr, saví bilavela (plavinela), syr paniéstyr, savó keradjola, sob (kaj) te džinén Tyró lav džindló Tyré vergénge; sob (kaj) te izdran angíl Túte narody.

Isajos 64:2 Referans Kwoze

Psalmy 99:1

Рай Дэвэ́л кралинэла: мэк тэ издран манушы́тка на́цыи. Ёв исын бэшто́ пэ Пэ́скиро троно машки́р Херувимэндэ: мэк тэ кунинэлпэ пхув.

Ереме́ё 33:9

Тэ́ньци лав ‘Ерусалимо’ явэ́ла тэ радынэл манушэ́н, ёнэ явэ́на тэ шарэ́н лэс, и тэ дэн паты́в анги́л сарэ́ Наюдытконэ́ нацыендэ пир пхув, савэ́ явэ́на тэ шунэ́н пал саро́ лачхипэ́н, со Мэ кэрдём лэ́нгэ: и ёнэ явэ́на тэ дарэ́н, и тэ издран сарэ́ лачхипнастыр и сарэ́ миштыпна́стыр, со Мэ кэра́ва далэ́ фороскэ.”

Ереме́ё 5:22

Со да тумэ́, на дарэ́на Ма́ндыр? – пхэндя́ Рай Дэвэ́л. “Со да тумэ́, на явэ́на тэ тринскирэнпэ анги́л Ма́ндэ? Ма́ндыр, Кон кэрдя́ прахостыр ме́жа морёскэ вечнонэ статутоса, соб (кай) мо́рё (дэрья́в) тэ на пириджал? И мэк лэ́скирэ валны чхурдэ́ла упрэ́, нэ ёнэ на лэ́на упралыпэ́н, ёнэ ривинэна, нэ ёнэ нашты́ (на могинэ́на) тэ пириджан пирда́л дая́ ме́жа.

Isajos 37:20

А акана́, амаро́ Раё Дэ́вла, Дэвэ́л амаро́, зра́кх амэн лэ́скирэ вастэ́стыр, тэ джинэ́н сарэ́ кралипэна́ пэ пхув, со Ту, Раё Дэ́вла, исын екх Дэвэ́л.”

Psalmy 46:10

Кон кэрэ́ла адя́кэ, со марибэна кэ пхувья́кирэ яго́ры (краи́) кончынэнапэ, Ёв пхагирэ́ла лу́ко и пхагирэ́ла чхурдыпнытко буст (коп΄е) пэ котэра́; Ёв хачкирэ́ла сарэ́са яга́са марибны́тка вурдэна́.

Vygiiben 14:4

А Мэ пхарьякирава фараоно́скиро ило́, и ёв явэ́ла тэ традэлпэ пал лэ́ндэ, и Мэ сыкава́ва сла́ва Мири́ пэ фараоностэ и пэ сарэ́ лэ́скирэ халадэ́ндэ; и уджинэна Египтя́ни, со Мэ сом Рай Дэвэ́л.” И кэрдэ́ адя́кэ.

Isajos 63:12

Саво́ лыджия́ Мойза́с пал чачо́ васт, Ёв лыджалас Пэ́скирэ зоралэ́ вастэ́са, Ёв розлыджия (укэдыя) анги́л лэ́ндэ пани́, соб (кай) тэ кэрэ́л Пэ́скэ ве́чно лав?

Psalmy 106:8

Нэ Ту зракхця́н лэн ваш Тыро́ лав, соб (кай) ёнэ тэ уджинэ́н Тыро́ зоралыпэ́н.

Psalmy 83:13

пал-дова́ со ёнэ пхэндлэ́: “Явэ́н, ла́са пэ́скэ Дэвлэ́скирэ чаритка пхувья́.”

Psalmy 79:10

Со́скэ Наюды́тка на́цыи ракирэ́на: “Кай исын лэ́нгиро Дэвэ́л? Мэк амарэ́ якха́ тэ дыкхэ́н, сыр Ту отдэса палэ Наюдытконэ́ нацыенгэ, со ёнэ прочхудэ рат Тырэ́ писхарьенгиро.

Psalmy 9:20

Тэрдёв анги́л, Раё Дэ́вла, соб (кай) мануша́ тэ на лэн упралыпэ́н, мэк Наюды́тка на́цыи тэ на нашэ́н Тырэ́ сэндостыр.

Яви́р Зако́но 2:25

далэ́ дывэсэ́стыр Мэ ла́ва тэ розмэкав дар и траш анги́л ту́тэ пэ манушэ́ндэ тэл саро́ болыбэ́н; одолэ́, савэ́ шунэ́на пал ту́тэ, затринскирэнапэ и страхадёна ту́тыр.”

Amoso 4:12

‘Палдава́ адя́кэ Мэ кэра́ва ту́кэ, о Израилё: и пир дова́, со Мэ адя́кэ кэра́ва ту́кэ, яв скэдыно́ тэ дыкхэспэ Ма́нца, тырэ́ Дэвлэ́са, о Израилё.”

Mihiejo 1:4

Бэ́рги явэ́на тэ билавэн тэл Лэ́стэ, и долы явэ́на тэ пхарадён, сы́рбы мом анги́л яг, сы́рбы паня́, со чхувэнапэ крутыматыр (вучипна́стыр).

Заха́рия 14:4

И тэрдёна ґэра́ Лэ́скирэ дро дова́ дывэ́с пэ Оливи́тко (Елеоноскири) бэ́рга, со анги́л Ерусалимо кэ/жы́ко васто́ко; и роспхарьёла пэ паш бэ́рга Оливи́тко вастоко́стыр кэ/жы́ко западо (кэ пал-паня) древа́н барэ́ фэлдаса, и паш бэ́рга отджала кэ паш-рати́тко риг, а яви́р паш-кэ паш-дывэсы́тко (южно) риг пэ древа́н баро́ до́ло.

Isajos 28:21

Ѓаздэлапэ Рай Дэвэ́л, сыр пэ бэ́рга Перацымо, холясо́ла сыр пэ фэ́лда Гаваоскири, соб (кай) тэ кэрэ́л Пэ́скиро рэ́ндо (де́ло), баро́ рэ́ндо, соб (кай) тэ кэрэ́л Пэ́скири буты́, бари буты́.