Isajos 64:10 - Библия - Пэ Балтитко Романи чиб (Романэс) 2019

¹⁰ Тырэ́ форо́скирэ свэ́нта штэ́ты кэрдэ́пэ чхучэ́ пхувья́са; Сио́но – чхучи́ пхув, Ерусалимо исын обчордо.

Biblija - Pe Baltitko Romani čib (Romanes) 2019

¹⁰ Tyré foróskire svénta štéty kerdépe čhučé phuvjása; Sióno – čhučí phuv, Jerusalimo isyn občordo.

Isajos 64:10 Referans Kwoze

Isajos 1:7

Тумари́ пхув исын чхучи́ (пусто), тумарэ́ фо́рья исын схачкирдэ́ яга́са; тумарэ́ фэ́лды ха́на чу́жа мануша́ анги́л тумарэ́ якха́; саро́ исын чхучо́ сыр тэ́ньчи, ко́ли чу́жа мануша́ росчорэ́нас.

Luka 21:24

И ёнэ пэрэ́на куртала́тыр и вари-савэ́н лэ́ндыр лыджа́на дро пле́но кэ яви́р на́цыи; и На́юды явэ́на тэ штакирэн Ерусалимо, пака ёнэ явэ́на тэ рикирэ́н зор.

Mihiejo 3:12

Пал тумэ́ндэ палдава́ Сио́но явэ́ла пхарадо сыр фэ́лда, и Ерусалимо́стыр ячэ́лапэ бэ́ргица руи́ны, а бэ́рга тэл Кхэрэ́скиро фунда́менто ячэ́лапэ сыр бэ́ргица дро вэш.

Дание́лё 12:7

И шунавас мэ, сыр о мурш дро гандладытко урибэ́н, саво́ сыс упра́л рэкитко пани́, ґаздыя́ чачо́ и зэ́рво (ле́во) васт кэ болыбэ́н, совлахадя́ вечнонэ Джидэса, со кэ дывэсэнгиро ко́нцо (яго́ро) и кэ часы и кэ паш-часы, и, сыр кончынэлапэ сарэ́са зор свэнтонэ́ народоскири, то саро́ дава́ кэрэ́лапэ, чачипна́са сыр трэиндя́.

Roiben 5:18

пал-дова́ со Бэ́рга Сио́но яця́ чхучи́, и шакалы псирэ́на пир ла́тэ.

4 Kralip 25:9

И схачкирдя́ Ра́скирэ-Дэвлэ́скиро Кхэр и крали́скиро кхэр; и сарэ́ кхэра́ дро Ерусалимо, и сарэ́ барэ́ кхэра́ хачкирдя́ яга́са.

Luka 21:21

Тэды одолэ́, кон исын дрэ Юдэ́я, мэк тэ нашэ́н дрэ бэ́рги, и кон исын дро фо́ро, мэк тэ выджа́н форо́стыр; и кон исын дро гав, мэк тэ на заджа́л дро фо́ро:

Isajos 6:11

Мэ пхэндём: “Ци ґара́ (длу́гэс) дава́ явэ́ла, Раё, Дэ́вла?” Ёв пхэндя́: “Пириячэ́ла, ко́ли далэ́ фо́рья явэ́на чхучэ́, нико́н на явэ́ла тэ дживэ́л дрэ лэ́ндэ, ко́ли джа́на мануша́ далэ́ кхэрэндыр, ко́ли дая́ пхув явэ́ла сарэ́са чхучи́.

Isajos 48:2

Ёнэ пхэнэ́на, со ёнэ исын свэнтонэ́ форо́стыр, со Дэвэ́л Израилёскиро, Конэ́скиро лав исын Рай Дэвэ́л, болыбна́скирэ-янголэ́нгиро, подрикирэ́ла лэн.

Isajos 52:1

Ушты́, ушты́, прилэ́ тыри́ зор, Сио́но! Ури тырэ́ и́ди, Ерусалимо, и́ди, савэ́ дэ́на ту́кэ паты́в, свэ́нто фо́ро! Буты́р на заджа́ла кэ ту наобчхиндло и магирдо́ ману́ш.

Ереме́ё 52:13

и ёв хачкирдя́ Кхангири́ Ра́скирэ-Дэвлэ́скири, и кхэр крали́скиро, и сарэ́ кхэра́ дро Ерусалимо, и сарэ́ кхэра́ барэ́ манушэ́нгирэ, ёв хачкирдя́ яга́са.

Roiben 1:10

Вэ́рго (врого) диндькирдя пэ́скиро васт пир кучипэ́н, со сыс лэ́стэ; Ерусалимо дыкхця́ сыр На́юды гинэ́ андрэ́ Свэ́нто Штэ́то, конэ́скэ Ту припхэндян тэ на джа́н андрэ́ Тыри́ Кхангири́.

1 Паралипоменоно 23:5

И штар тысёнцы ракхибнарье́н пэ по́рта (вра́ты), и штар тысёнцы манушэ́н, савэ́ славиндлэ Рас Дэвлэ́с пэ багаибнытка струме́нты, савэ́ ёв кэрдя́ тэ славинэ́н (тэ барьякирэ́н).

Isajos 63:18

Наґара (надлугэс) сыс Ёв кэ Тырэ́-кхангирья́киро народо, амарэ́ вэ́рги ґаздынэ́пэ пэ Тыро́ свэ́нто штэ́то.

Roiben 1:7

Дрэ дывэса́, ке́ли ёнэ мэнчындлэпэ и лэн традэнас, тэды Ерусалимо рипирдя сарэ́ куч рэ́нды, со сыс ґарэдыр лэ́стэ, сыр хасинэ́ лэ́скирэ мануша́ вэргоскирэ вастэ́ндыр и ние́кх на дыя́ васт лэ́скэ. Намала дыкхнэ́ лэс и ёнэ сандлэпэ холямэс лэ́скирэ бэдыпнастыр.

Agiejo 2:3

‘Ци яця́пэ вари-кон машки́р тумэ́ндэ, кон дыкхця́ дава́ Кхэр (Кхангири́) дрэ лэ́скиро барипэ́н, со сыс вагэдыр (΄гарэдыр)? И саво́ тумэ́ дыкхэ́на лэс акана́? Ци дава́, со тумэ́ дыкхэ́на, нанэ дукх тумарэ́ якхэнгэ?