Isajos 61:9 - Библия - Пэ Балтитко Романи чиб (Романэс) 2019

⁹ И ґалёна машки́р Наюды́тка народы пал ро́до лэ́нгиро, лэ́нгирэ чхаворэ́н ґалёна машки́р ро́ды; сарэ́, кон дыкхэ́ла лэн, явэ́на тэ джинэ́н, со ёнэ исын ро́до, саво́ бахтякирдя́ Дэвэ́л.

Biblija - Pe Baltitko Romani čib (Romanes) 2019

⁹ I ĥaljona maškír Najudýtka narody pal ródo léngiro, léngire čhavorén ĥaljona maškír ródy; saré, kon dykhéla len, javéna te džinén, so jone isyn ródo, savó bahtiakirdiá Devél.

Isajos 61:9 Referans Kwoze

Isajos 44:3

Мэ вычхувава пани́ пэ одолэ́стэ, кон древа́н камэ́ла пани́, и барэ́ панинга́ пэ дова́, со вышутия; Мэ вычхувава Миро ду́хо (фа́но) пэ тыро́ кхэри́тко ро́до и бахтякирибэ́н Миро пэ тырэ́ чхаворэндэ, савэ́ ишчо (инкэ́) явэ́на анги́л.

Psalmy 115:14

[22] Рай Дэвэ́л явэ́ла тэ дэл бутэды́р и бутэды́р чхаворэ́н ту́кэ и тырэ́ чхавэ́нгэ.

Apostolengiri Butý 3:26

Кэ тумэ́ пэ́рва, Дэвэ́л отджидякирдя́ мэрибна́стыр Пэ́скирэ Чхавэ́с и бичхадя́ Лэс кэ тумэ́, соб (кай) тэ бахтякирэ́л тумэн, соб (кай) кажнонэс тумэ́ндыр тэ отрискирэл налачхэ́ тумарэ́ рэндэ́ндыр.”

Džiibén 22:18

и явэ́на бахтякирдэ пир тыро́ ро́до сарэ́ пхувья́кирэ манушы́тка ро́ды, пал-дова́, со ту кандыян Мири́ зан.”

Заха́рия 8:13

И явэ́ла: сыр тумэ́, Юда́скиро кхэр и Израилёскиро кхэр, са́нас прокошлэ, машки́р Наюдытконэ́ на́цыи, адя́кэ Мэ зракха́ва тумэн, и тумэ́ явэ́на ваш явирэ́нгэ бахталэ́; на андыршан, мэк тэ явэ́н тумарэ́ васта́ зоралэ́!”

Isajos 65:23

На явэ́на тэ кэрэ́н буты́ ивья́ (дармэс), на явэ́на тэ биянэн чхаворэ́н пэ мэнька, пал-дова́ со явэ́на родоса, бахтякирдэ Дэвлэ́стыр, и лэ́нгирэ чхаворэ́ лэ́нца.

Džiibén 30:27

И пхэндя́ Лава́но лэ́скэ: “Ко́ли мэ тэ латхав ла́ска анги́л тырэ́ якха́, мэ лыём пэ якх, со пал ту́тэ Рай Дэвэ́л бахтякирдя́ ман.”

Isajos 43:5

На дар, дыкх, Мэ сом ту́са; вастоко́стыр Мэ яна́ва тыро́ кхэри́тко ро́до, западостыр скэда́ва тут.

Isajos 53:10

Нэ сыс Ра́скирэ-Дэвлэ́скири во́ля, соб (кай) Лэс тэ марэ́н кэ калэ́ маса́; Ёв отдыя́ Лэс пэ мэ́ньки; ко́ли ж Лэ́скиро ди янэ́ла свэ́нто дыибэ́н, соб (кай) тэ отмэкэнпэ грэ́хи, то Ёв удыкхэ́ла Пэ́скиро ро́до анги́л, и Ра́скирэ-Дэвлэ́скири во́ля явэ́ла тэ кэрэ́лпэ Лэ́скирэ вастэ́са.

Isajos 66:22

“И сыр нэво́ болыбэ́н и нэви́ пхув, савэ́ Мэ созда́ва, саро́ часо явэ́на анги́л Миро муй, – ракирэ́ла Рай Дэвэ́л, – адя́кэ явэ́ла и тумарэ́ родоса и тумарэ́ лавэ́са.

Ереме́ё 31:7

Акэ, со, Рай Дэвэ́л ракирэ́ла: – “Бага́н зоралэ́с, радыма́са Яково́скэ и дэн го́дла англатунэ́ (пэрвонэ́) шэралэскэ пир на́цыи. Пхэнэ́н зоралэ́с сарэ́нгэ, шарэ́н и ракирэ́н: “О Раё Дэ́вла! Зра́кх Тырэ́ манушэ́н, савэ́ ячнэ́пэ, Израилёстыр!”

Малахия 3:12

И сарэ́ манушы́тка на́цыи явэ́на тэ кхарэ́н тумэн бахталэнца, пал-дова́ со тумари́ пхув явэ́ла камлы, – ракирэ́ла янголэ́нгирэ-болыбна́скиро Рай Дэвэ́л.

Čysly 22:12

И пхэндя́ Рай Дэвэ́л Валаамоскэ: “На джа́ лэ́нца, на кош одолэ́ манушэ́н; пал-дова́ со ёнэ исын бахтякирдэ.”