Isajos 61:8 - Библия - Пэ Балтитко Романи чиб (Романэс) 2019

⁸ Пал-дова́ со Мэ, Рай Дэвэ́л, дава́ паты́в чачунэ́ сэндоскэ, Мэ на кама́м, ко́ли чорэна, ко́ли притасавэ́на; Мэ отда́ва палэ лэ́нгэ пир чачипэ́н; Мэ чхува́ва лэ́нца ве́чно завето.

Biblija - Pe Baltitko Romani čib (Romanes) 2019

⁸ Pal-dová so Me, Raj Devél, davá patýv čačuné sendoske, Me na kamám, kóli čorena, kóli pritasavéna; Me otdáva pale lénge pir čačipén; Me čhuváva lénca viéčno zavieto.

Isajos 61:8 Referans Kwoze

Psalmy 11:7

Пал-дова́ со Рай Дэвэ́л исын чачуно́. Лэ́скэ трэй чачунэ́ рэ́нды манушэ́ндыр, савэ́ явэ́на тэ дживэ́н, кай Дэвэ́л исын.

Ереме́ё 9:24

нэ мэк ёв, кон барьякирэ́ла пэс, тэ шарэлпэ (тэ барьякирэл пэс) далэ́са, со ёв ґалёла и, со ёв джинэ́ла Ман; пал-дова́ со дава́ Мэ сом, Рай Дэвэ́л, Кон сыкавэ́ла дро́го ла́ска, чачуно́ сэ́ндо и чачипэ́н пэ пхув. Пал-дова́ со Мэ зоралэ́с радынавпэ сарэ́стыр далэ́стыр”, – ракирэ́ла Рай Дэвэ́л.

Ереме́ё 32:40

И Мэ счхувава ве́чно Завето лэ́нца, со Мэ на отрисёвава лэ́ндыр, соб (кай) тэ кэра́в лачхипэ́н лэ́нгэ, и Мэ чхува́ва Мири́ траш дрэ лэ́нгирэ илэ, соб (кай) ёнэ тэ на дурьен [отджан-р.с.] Ма́ндыр.

Isajos 55:3

Откэрэн тумарэ́ кана́, явэ́н кэ Мэ; пошунэн и явэ́ла тэ дживэ́л тумаро́ ило́; и Мэ да́ва тумэ́нгэ ве́чно завето, Мэ да́ва лачхипэ́н, пал саво́ дыём лав Давидо́скэ.

Psalmy 37:28

пал-дова́ со Ра́скэ-Дэвлэ́скэ исын дро́го чачипэ́н и Ёв на мэкэ́ла Пэ́скирэ дэвлытконэн. Ёв усады (сак) ракхэ́ла лэн, а фуе́-манушэ́нгирэ чхаворэ́ явэ́на чхурдынэ́ тэ хасён.

Džiibén 17:7

и Мэ чхува́ва Миро Завето машки́р Ма́ндэ и ту́тэ и машки́р тырэ́-чхаворэнгиро ро́до пало́ ту́тэ дро лэ́нгиро ро́до, доракирибэ́н пэ ве́ко дро дова́, со Мэ ява́ва тыро́ Дэвэ́л,

Pritčy 8:20

Мэ псирава чачунэ́ дромэ́нца, машки́р дроморэ, кай исын чачипэ́н,

Psalmy 99:4

Ту сан зоралыпнаскиро Кра́ли, Савэ́скэ трэй чачуно́ сэ́ндо. Ту зачхудян чачипэ́н: дава́ исын Ту, Саво́ кэрэ́ла пир чачипэ́н и патяибэ́н дрэ Яковостэ.

Pritčy 3:6

Ри́пир пал Растэ-Дэвлэ́стэ, соб (кай) ту тэ на кэрэсас, и Ёв мамуякирэла (кэрэ́ла прямонэса) тыро́ дром.

Psalmy 45:7

Тыро́ троно, со Дэвэ́л дыя́ ту́кэ, явэ́ла пэ сарэ́ ве́ки, тыро́ крали́скиро дэсто́ сыкавэ́ла, со ту кралинэса чачипныткэс.

Psalmy 33:5

Ёв радынэ́лапэ чачипнастыр и сэндостыр: Ра́скирэ-Дэвлэ́скирэ чачипна́са исын пхэрды́ пхув.

2 Kralip 23:5

ци на адя́кэ исын кхэр миро Дэвлэ́стэ? Пал-дова́ со доракирибэ́н ве́чно чхудя́ Ёв ма́нца, твардо и напарудо. Ци на адя́кэ джа́ла Лэ́стыр саро́ зракхибэ́н миро и саро́ лачхипэ́н миро?

2 Фесалоникийцэнгэ 3:5

Мэк Рай Дэвэ́л тэ отчхакирэл тумарэ́ илэ кэ Дэвлэ́скири ла́ска и кэ Христосо́скиро вырикирибэн.

Isajos 5:16

А Рай Дэвэ́л, болыбна́скирэ-янголэ́нгиро, ґаздэ́лапэ пэ сэ́ндо, Свэ́нто Дэвэ́л сыкавэ́ла дро чачипэ́н, со Ёв исын свэ́нто.

Psalmy 50:5

“Скэ́дэ Мирэн свэнтонэн кхэтанэ́ кэ Мэ, савэ́ кэрдэ́ Завето Ма́нца свэнтонэ́ дыибнаса (жэртваса).”

Psalmy 32:8

Мэ, Рай Дэвэ́л, ява́ва тэ сыклякирав тут чачипнаскэ и сыкава́ва дром, савэ́са трэй ту́кэ тэ джас. Мэ да́ва годыпэ́н ту́кэ, Мири́ якх явэ́ла пэ ту́тэ.

Матфеё 23:13

Бида тумэ́нгэ, дуемуитка лылвари́тка и Фарисе́и, савэ́ зачхакирэна вудара́ дро Кралипэ́н дро Болыбна́скиро Раё анги́л манушэ́ндэ; пал-дова́ со тумэ́ кокорэ́ на заджа́на, и тумэ́ сан тэрдэ́ пэ дром одолэ́ндэ, савэ́ камэ́на тэ заджа́н.

Psalmy 62:10

Чачо́: манушы́тка чхавэ́ исын сы́рбы бэльвэлякиро пхурдыпэн, манушэ́нгирэ чхавэ́ исын хохаибэ́н. Ке́ли ту поважынэса лэн пэ ублады́тка (весы), тэды ёнэ исын локхэды́р бэльвэлякирэ пхурдыпнастыр (дуновениёстыр).

Psalmy 105:10

и Ёв чхудя́ зор пэ далэ́ лава́, сыр пэ стату́то Яково́скэ, сыр ве́чно Зако́но Израилёскэ,

Isajos 28:17

Мэ кэра́ва адя́кэ, со явэ́на тэ меринэн сэндоса и чачипна́са; бара́ хасякирэна штэ́то, кай хохаибэ́н гарадяпэ, пани́ зачхувэла дава́ штэ́то.

Isajos 30:18

Палдава́ Рай Дэвэ́л ишчо (инкэ́) ничи́ на кэрэ́ла (ужакирэ́ла), соб (кай) Ёв тэ потангинэл тумэн, ужакирэ́ла, соб (кай) тэ тангинэ́л тумэн; Рай Дэвэ́л исын Дэвэ́л чачипна́скиро; бахталэ́ сарэ́, конэ́стэ исын наде́я пэ Лэ́стэ!

Isajos 54:10

Бэ́рги зджана пэ́скирэ штэто́стыр, бэ́ргицы издрана, Миро лачхипэ́н ту́тыр на отджала, Завето, дрэ саво́ исын Миро рама́нё (миро) на парудёла”, – ракирэ́ла Рай Дэвэ́л, Саво́ тангинэла тут.

Isajos 56:1

Адя́кэ ракирэ́ла Рай Дэвэ́л: “Ракхэ́н сэ́ндо и кэрэ́н чачипэ́н, пал-дова́ со подги́я Миро зракхибэ́н и Миро чачипэ́н сыкадёла (откэрлапэ).

Isajos 66:22

“И сыр нэво́ болыбэ́н и нэви́ пхув, савэ́ Мэ созда́ва, саро́ часо явэ́на анги́л Миро муй, – ракирэ́ла Рай Дэвэ́л, – адя́кэ явэ́ла и тумарэ́ родоса и тумарэ́ лавэ́са.

Малахия 1:13

Тумэ́ ишчо (инкэ́) ракирэ́на: ‘Акэ, кицы́ исын буты́!’ И тумэ́ сунгэна бипатывакирэс пашы́л лэ́стэ” – ракирэ́ла янголэ́нгирэ-болыбна́скиро Рай Дэвэ́л. “И тумэ́ янэ́на чордо, лангало и насвало́; адя́кэ-паць тумэ́ янэ́на и марэскиро свэ́нто дыибэ́н! Ци могина́ва Мэ илэ́са тэ прилав дава́ тумарэ́ вастэ́стыр?”, – ракирэ́ла Рай Дэвэ́л.

Езэкилё 16:60

Нэ Мэ пририпирава Миро доракирибэ́н ту́са, саво́ Мэ чхудём дрэ тырэ́ тэрнэ́ бэрша́; ишчо (инкэ́) кэра́ва Мэ ве́чно доракирибэ́н (союзо) ту́са.

Езэкилё 34:25

“И кэра́ва Мэ лэ́нца раманёно (ми́рно) завето, и вытрадава Мэ пхувья́тыр захалэ мурдалэ́н (зверен), соб (кай) ёнэ тэ дживэ́н бидаракирэс пэ фэ́лда (мал), тэ совэн дрэ вэша́.