Isajos 61:6 - Библия - Пэ Балтитко Романи чиб (Романэс) 2019

⁶ А тумэ́ явэ́на тэ кхарэнпэ Ра́скирэ-Дэвлэ́скирэ рашанца, тумэн кхарна амарэ́ Ра́скирэ-Дэвлэ́скирэ дынарье́нца; тумэ́ явэ́на тэ лэн ко́фо барвалэ́ народэнгирэ барвалыпнастыр, тумэ́ явэ́на шардэ лэ́нгирэ барипнаса.

Biblija - Pe Baltitko Romani čib (Romanes) 2019

⁶ A tumé javéna te kharenpe Ráskire-Devléskire rašanca, tumen kharna amaré Ráskire-Devléskire dynar'jénca; tumé javéna te len kófo barvalé narodengire barvalypnastyr, tumé javéna šarde léngire baripnasa.

Isajos 61:6 Referans Kwoze

Vygiiben 19:6

а тумэ́ Ма́ндэ явэ́на раша́нгирэ кралипнаса и свэнтонэ́ манушэ́нца; ґа́да, исын лава́, савэ́ ту пхэнэ́са Израилёскирэ чхавэ́нгэ.”

1 Petr 2:5

и кокорэ́ тумэ́, савэ́ сан сы́рбы джидэ́ бара́, кэрэ́н пэ́стыр духовно кхэр тэ мангэ́лпэ Дэвлэ́скэ, соб (кай) тумэ́ тэ явэ́н свэ́нта рашая́, соб (кай) тэ янэ́н свэ́нто дыибэ́н, савэ́скэ явэ́ла радо Дэвэ́л пир Исусо́стэ Христосо́стэ.

1 Petr 2:9

Нэ тумэ́ сан выкэдынэ́ бияныпнастыр, кралитка рашая́, свэ́нта мануша́ Дэвлэ́скирэ миштыпна́стыр, соб (кай) тэ выпхэнэн лачхипэ́н пал Лэ́стэ, Саво́ кхардя́ тумэн калыпна́стыр дро дивно Лэ́скиро дуд (свэ́то);

Isajos 66:21

И лэ́ндыр Мэ ла́ва раша́н и Левитэ́н”, – ракирэ́ла Рай Дэвэ́л.

Sykadyipén 20:6

Бахталэ́ и свэ́нта исын одолэ́, савэ́нгэ явэ́ла штэ́то дро пэ́рво отджидыипэн мэрибна́стыр. Яви́р мэрибэ́н на явэ́ла тэ рикирэ́л зор пэ лэ́ндэ, а ёнэ явэ́на рашая́ Дэвлэ́скэ и Христосо́скэ, и ёнэ явэ́на тэ кралинэн Лэ́са бар бэрш.

Sykadyipén 5:10

И Ту кэрдя́н лэ́ндыр раша́нгиро Кралипэ́н, савэ́ явэ́на тэ кралинэн пэ пхув.”

2 Коринфянэнгэ 11:23

Исын ёнэ Христосо́скирэ дына́рья? Пир миро бигодякирибэн пхэна́ва, со мэ буты́р сом дасаво: буты́р дрэ пхари́ буты́, дрэ фра́нсы (ра́ны) би меракиро, мэ буты́р со́мас дро штарибэ́н, и частэс мэ сом дрэ дар кэ мэрибэ́н.

1 Коринфянэнгэ 4:1

Тэды мэк мануша́ тэ ґалён амэн сыр Христосо́скирэ дынарье́н и кхэритконэ́ барыдырэ́н пир Дэвлэ́скирэ чораханэ чачипэна́.

2 Коринфянэнгэ 6:4

нэ дро саро́ амэ сыкаваса пэс сыр Дэвлэ́скирэ бутярнэ́: зорало́ вырикирибэн дро пиридживибэн, дрэ трэ́бима, дро пхарипэ́н;

1 Коринфянэнгэ 3:5

Кон тэды исын Па́вли? Кон исын Аполосо? Ёнэ ж исын екх Дэвлэ́скирэ слу́ги (дына́рья), пир конэ́стэ тумэ́ упатя́ндынэ, сыр и дыя́ Дэвэ́л буты́ кажнонэ́скэ (сваконэскэ).

Римлянэнгэ 12:1

Палдава́, пшала́лэ, мэ манга́ва тумэн Дэвлэ́скирэ тангипнаса, тэ отдэ́н пэс сарэ́са сыр свэ́нто джидо́ отдыибэ́н и саво́ трэй Дэвлэ́скэ ваш тумаро́ годьваро́ дынарибэ́н (служэние) Лэ́скэ годя́са и илэ́са.

Езэкилё 14:11

соб (кай) тэ на дурьёл буты́р Израилёскиро кхэр Ма́ндыр, и тэ на кэрэ́н пэс магирдэса пэ́скрэ чорипна́стыр, нэ, соб (кай) тэ явэ́н ёнэ Мирэ́ мануша́, и соб (кай) Мэ тэ явав Лэ́нгиро Рай Дэвэ́л, Дэвэ́л.’”

Isajos 66:12

Адя́кэ ракирэ́ла Рай Дэвэ́л: “Акэ, Мэ да́ва лэ́скэ свэ́то, сыр рэка (лэнь); манушэ́нгиро барвалыпэ́н исын сыр рэка (лэнь), сави́ чхувэ́лапэ ваш тумари́ бахт; пэ васта́ тумэн лыджа́на, пэ чанга́ явэ́на тэ лашчынэн.

Isajos 23:18

Нэ лэ́скиро бикныбэн и лэ́скири бажын явэ́на отдынэ́ Ра́скэ-Дэвлэ́скэ; ёнэ на явэ́на гарадэ́, пал-дова́ со кэ одолэ́, кон дживэ́ла анги́л Дэвлэ́скиро муй, пириджала бажын, соб (кай) тэ хан и тэ чалён, соб (кай) тэ явэ́л лэ́ндэ зорало́ урибэ́н, саво́ ґара́ сашты́ тэ урьел.

Sykadyipén 1:6

Саво́ создыя́ амэ́ндыр раша́нгиро Кралипэ́н тэ дынаринэ́л Лэ́скирэ Дэвлэ́скэ и Дадэ́скэ, мэк сла́ва и зоралыпэ́н тэ явэ́л пэ сарэ́ ве́ки. Ами́нь.

Isajos 56:6

И чхавэ́н явирэ народо́стыр, савэ́ явнэ́ кэ Рай Дэвэ́л, соб (кай) тэ кэрэ́н лэ́скэ буты́ и тэ рикирэ́н дро ило́ Ра́скирэ-Дэвлэ́скиро лав, и тэ явэ́н Лэ́скирэ писхарье́нца, сарэ́н, кон ракхэ́ла са́вато (субо́та) тэ на явэ́л магирдо́ и зоралэ́с тэ рикирэлпэ кэ Миро завето.

Яви́р Зако́но 18:2

и миштыпна́скири ме́ра на явэ́ла лэ́нгэ машки́р лэ́скирэ пшалэ́ндэ: Кокоро́ Рай Дэвэ́л исын лэ́нгири миштыпна́скири ме́ра, сыр ракирдя́ Ёв лэ́нгэ.

Isajos 54:3

Ту буглёса пэ сарэ́ рига́; чхаворэ́ тырэ́ залэна дро пле́но народы, и ёнэ явэ́на тэ дживэ́н дрэ ячадэ фо́рья.

Ереме́ё 33:18

и явэ́на рашая́ Левитэ́нгирэ родо́стыр; явэ́ла тэ ухтылэл манушэ́н тэ хачкирэ́н свэ́нто яныбэ́н анги́л Ма́ндэ, тэ росхачкирэн марэскирэ яныбэна́, и тэ янэ́н лэн кажно дывэ́с.”