Isajos 60:3 - Библия - Пэ Балтитко Романи чиб (Романэс) 2019

³ Наюды́тка народы явэ́на кэ тыро́ дуд (свэ́то), кра́лья явэ́на кэ зяиныбэн, саво́ исын упрэ́ пэ ту́тэ.

Biblija - Pe Baltitko Romani čib (Romanes) 2019

³ Najudýtka narody javéna ke tyró dud (svéto), králja javéna ke ziainyben, savó isyn upré pe túte.

Isajos 60:3 Referans Kwoze

Apostolengiri Butý 13:47

палдава́, со адя́кэ амэ́нгэ ракирдя́ Рай Дэвэ́л, сыр Ёв пхэндя́: “Мэ кэра́ва Тут, соб (кай) ту тэ явэс дуд Наюдэ́нгэ, соб (кай) пир Ту́тэ мануша́ тэ явэ́н зракхнэ́ пир сари́ пхув.”

Isajos 49:23

И явэ́на кра́лья тэ чалякирэн тут; кралицы лэ́нгирэ тут чалякирэна. И явэ́на тэ пэрэ́н анги́л ту́тэ пэ чанга́ и тэ хан пра́хо тырэ́ ґэрэндыр. Тэ́ньци уджинэса ту, со Мэ сом Рай Дэвэ́л; со на ладжана мануша́, конэ́стэ исын пэ Ма́ндэ наде́я.”

Sykadyipén 21:24

И манушы́тка народы явэ́на тэ псирэ́н форо́скирэ дудэ́стыр, а кра́лья пэ пхув янэ́на пэ́скиро миштыпэ́н.

Joannostir 12:32

Нэ ке́ли Мэ ява́ва ґаздыно́ пхувья́тыр, тэды Мэ ла́ва сарэ́н манушэ́н кэ Пэ.”

Isajos 45:14

Адя́кэ ракирэ́ла Рай Дэвэ́л: “Египтя́ни, савэ́ кэрэ́на буты́, и Ефиопляни, савэ́ бикнэна, и Савейцы, вучэ́ мануша́, явэ́на тырэ́ манушэ́нца; ёнэ пал ту́тэ явэ́на тэ джа́н пхандлэ зандирьенца (цэпэнца), явэ́на, пэрэ́на пэ чанга́, лэ́на тэ мангэ́н тут, ракири́: “Екх (фэ́ни) ту́тэ исын Екх Дэвэ́л, и явирэ нанэ Дэвлэ́с.”

Apostolengiri Butý 15:17

соб (кай) тэ родэ́н Дэвлэ́с и яви́р мануша́ и сарэ́ На́юды, машки́р савэ́ндыр явэ́ла джиндло́ Миро лав. Адя́кэ ракирэ́ла Дэвэ́л, саво́ кэрдя́ саро́ дава́.

Заха́рия 2:11

– И припрастана кэ Рай Дэвэ́л бутджинэ мануша́ дрэ дова́ дывэ́с и ёнэ явэ́на Лэ́скирэ мануша́; и Ёв лэ́ла тэ дживэ́л дрэ тумэ́ндэ андра́л, и тумэ́ доджинэпэ, янголэ́нгирэ-болыбна́скиро Рай Дэвэ́л бичхадя́ Ман кэ ту.

Isajos 49:12

Акэ, явэ́на мануша́ дурипнастыр, явэ́на паш-ратятыр (северостыр) и морёстыр (дэрьявэстыр), а яви́р явэ́на Синимоскиро пхувья́тыр.”

Isajos 11:10

И явэ́ла дро дова́ дывэ́с: кэ корнё (рукх) Исеёскиро, саво́ ячэ́ла сыр сцяго тэ прикхарэл народы, обрисёна Наюды́тка на́цыи, и барипнаса явэ́ла лэ́скиро откхиныбэн.

Psalmy 138:4

Сарэ́ кра́лья пэ пхув явэ́на тэ вышарэн Тут, о Раё Дэ́вла, пал-дова́ со ёнэ шундлэ́ лава́, со Ту пхэндя́н.

Psalmy 68:29

Дэ́вла, сыка́в Тыри́ зор: зоралякир далэ́ рэ́нды (де́лы), со Ту кэрдя́н ваш амэ́нгэ.

Sykadyipén 11:15

И эфта́то (битринэнтиро дэ́што) Янго́ло пхурдыя дрэ пэ́скиро ро́го (труба): и сыс зоралэ́ заня́ пэ болыбэ́н, со ракирдэ́: “Свэтытко Кралипэ́н амарэ́ Ра́скирэ-Дэвлэ́скиро и Лэ́скирэ Христосо́скиро явдя́ и Ёв явэ́ла тэ кралинэн пэ сарэ́ ве́ки.”

Luka 24:47

и, соб (кай) тэ пхэнэлпэ лав ваш Лэ́скирэ-Манушэ́скиро рисибэн грэхэ́ндыр кэ Дэвэ́л, соб (кай) Ёв тэ отмэкэ́л грэ́хи машки́р сарэ́ на́цыи, лыи тэ кэрэ́л дава́ Ерусалимо́стыр.

Матфеё 28:19

Палдава́ джа́н, сыклякирэ́н сарэ́ на́цыи, болэн лэн дро лав Дадэ́скиро, Чхавэ́скиро и Свэнтонэ́ Духоскиро (Фаноскиро);

Amoso 9:12

соб (кай) мануша́ Израилёскирэ тэ закэдэн дова́, со ячэ́лапэ Едомостыр, и сарэ́ Наюды́тка на́цыи, савэ́ кхарэ́на Миро лав”, – ракирэ́ла Рай Дэвэ́л, Саво́ кэрэ́ла саро́ дава́.

Isajos 66:12

Адя́кэ ракирэ́ла Рай Дэвэ́л: “Акэ, Мэ да́ва лэ́скэ свэ́то, сыр рэка (лэнь); манушэ́нгиро барвалыпэ́н исын сыр рэка (лэнь), сави́ чхувэ́лапэ ваш тумари́ бахт; пэ васта́ тумэн лыджа́на, пэ чанга́ явэ́на тэ лашчынэн.

Isajos 60:16

Ту явэ́са тэ пьес кэ чалыпэн народоскиро тхуд; и тэ пьес (тэ сосинэс) крали́скирэ колынэндыр, и ґалёса, со Мэ сом Рай Дэвэ́л, тыро́ Зракхибнари, Одова́, Кон выкиндя тут, Зорало́ Яково́скиро.

Isajos 60:10

Тэ́ньци чхавэ́ явирэ народоскирэ манушэ́ндыр явэ́на тэ чхувэ́н тырэ́ ва́нты, кра́лья лэ́нгирэ лэ́на тэ кэрэ́н буты́ ту́кэ; пал-дова́, со дрэ Мири́ холы́ Мэ дукхававас тут, нэ дрэ Мири́ лачхи́ во́ля Мэ потангинава тут.

Psalmy 72:11

чачо́, сарэ́ кра́лья пэрэ́на пэ чанга́ анги́л Лэ́стэ, сарэ́ на́цыи явэ́на тэ дынаринэ́н Лэ́скэ.

Psalmy 22:27

Мэк тэ хан чалэ́с одолэ́, савэ́ ха́на мэ́ньки, а одолэ́, савэ́ родэ́на Рас-Дэвлэ́с, явэ́на тэ шарэ́н Лэс, мэк тэ дживэ́н тумарэ́ илэ пэ сарэ́ ве́ки!

Psalmy 2:10

И какана́, кралья́лэ, явэ́н годьварэ́, сыклён, тумэ́ сан сэнда́рья пэ пхув.

Džiibén 49:10

На отджала Юдастыр скипетро и законоскиро дыибнари лэ́скирэ трушулэндыр, кэ дава́ часо, пака явэ́ла Раманёскиро (Примирителё), и лэс явэ́на тэ кандэ́н мануша́.

Psalmy 102:22

соб (кай) тэ ракирэ́н сарэ́нгэ пал Ра́скирэ-Дэвлэ́скиро лав пэ Сио́но, соб (кай) тэ шарэ́н Лэс дро Ерусалимо,

Isajos 42:6

Мэ, Рай Дэвэ́л, прикхардём Тут пир чачипэ́н, Мэ ла́ва тэ рикирав Тут пал васт, Мэ ла́ва тэ ракхав Тут, и Мэ чхува́ва Тут сыр завето ваш манушэ́нгэ, соб (кай) тэ дыкхэ́н дуд (свэ́то) Наюды́тка мануша́ (язычники),

Isajos 45:22

Кэ Мэ обрисён и тумэ́ зракхэнапэ, сарэ́ яго́ры (краи́) пэ пхув, пал-дова́ со Мэ сом Дэвэ́л и нанэ явирэ́с.

Isajos 56:8

Рай Дэвэ́л, Саво́ скэдэ́ла рострадынэн манушэ́н Израилёстыр, ракирэ́ла: “Кэ выкэдэнэ лэ́скирэ Мэ ишчо (инкэ́) лава́ тэ скэдав явирэ́н.”

Isajos 62:2

И дыкхэ́на народы тыро́ чачипэ́н, и сарэ́ кра́лья дыкхэ́на тыри́ паты́в, и кхарна тут нэвонэ́ лавэ́са, саво́ дэ́на ту́кэ Дэвлэ́скирэ ушта́.

Psalmy 102:16

И машки́р Наюды́тка на́цыи явэ́ла трашаибэ́н анги́л Растэ-Дэвлэ́стэ, и сарэ́ кра́лья пэ пхув явэ́на тэ дарэ́н Лэ́скирэ славатыр.