Isajos 6:4 - Библия - Пэ Балтитко Романи чиб (Романэс) 2019

⁴ Заиздранас вудара́ лэ́нгирэ занендыр, кхэр пхэрдия кучонэ́ тхувэса.

Biblija - Pe Baltitko Romani čib (Romanes) 2019

⁴ Zaizdranas vudará léngire zaniendyr, kher pherdija kučoné thuvesa.

Isajos 6:4 Referans Kwoze

Sykadyipén 15:8

И Кхангири́ яця́ пхэрды́ тхувэса Дэвлэ́скирэ славатыр и зоралыпнастыр и никонэ́скэ сыс нашты́ тэ заджа́л дрэ Кхангири́, пака кончынэнапэ эфта́ фра́нсы Янголэ́нгирэ.

Sykadyipén 11:19

И псирадыя (отпхандя́пэ) Дэвлэ́скири Кхангири́, сави́ исын дро Болыбна́скиро Раё и Ковчэ́го (Мохто́) Дэвлэ́скирэ завето́са сыс дыцьло дрэ Кхангири́. И ячнэ́ блискави́цы, и заня́ (глося́), и гро́мы, и пхувья́киро триинскирибэн и баро́ ґра́до.

Езэкилё 10:5

Шуныбэн херувимонэнгирэ пхакэндыр сыс шундло пэ грэ́да, сави́ сыс яври́, сы́рбы зан Сарэзорьякирэ-Дэвлэ́скири, ко́ли Ёв ракирэ́ла.

2 Паралипоменоно 5:13

и сыс, сыр екх трубиндлэ и багандлэ, выдыи екхэ заня́са кэ шарибэ́н и кэ парикирибэн Ра́скэ-Дэвлэ́скэ; и, ке́ли загреминдя зан рогэнгири, и цымбалэнгири, и багаибнытконэ-струментэнгири, и шардэ Рас-Дэвлэ́с, и багандлэ: “Ёв исын лачхо́, пал-дова́ со дро ве́ко тангипэ́н Лэ́скиро”, тэды Кхэр, Ра́скирэ-Дэвлэ́скиро Кхэр пхэрдякирдя́ о́блоко,

Vygiiben 40:34

И учхакирдя́ о́блоко скэдыибна́скири ша́тра, и барипэ́н Ра́скиро-Дэвлэ́скиро пхэрдякирдя́ ша́тра;

Amoso 9:1

Мэ дыкхцём Рас-Дэвлэ́с, Саво́ сыс тэрдо́ пашы́л алта́рё, и пхэндя́ Ёв: “Пэкав пир вударэскиро бэранд (стойка), соб (кай) тэ тринскирэнпэ проги тэл сты́лбы, и розмар лэн пэ шэрэ́ лэ́нгирэ сарэнгирэ. Мэ мулякирава кодолэ́н, савэ́ ячэ́напэ лэ́ндыр куртала́са: ние́кх на нашэла лэ́ндыр, кон прастала криг; и кодова́, кон кэдэлапэ, на зракхэ́лапэ.

Psalmy 18:8

Тэ́ньци пхув тринскирдяпэ и издрандыя, тэлатунэ́ бара́ бэргэндыр кхардэпэ (двигиндлэпэ) и издрандынэ, пал-дова́ со Дэвэ́л холя́сыя.

Езэкилё 1:24

И ко́ли ёнэ джа́нас, мэ шунавас, сыр шуминэнас лэ́нгирэ пхака́, кодова́ сыс сы́рбы бутэ́-панескиро шумо, сы́рбы зан Сарэзорьякирэскири, зорало́ шуминыбэн, сы́рбы шуминыбэн дро халадэ́нгиро скэдыибэ́н; а ко́ли ёнэ сыс тэрдэ́, то ёнэ змэкэнас пэ́скрэ пхака́.

Езэкилё 41:16

Вударэнгирэ сты́лбы, фэнштры ришоткэнца (кратэнца), шту́бы савэ́ сыс пир рига́ трусця́л, дрэ сарэ́ трин этажы анги́л проги сыс обчхудэ каштэса, пэтостыр (полостыр) кэ фэнштры; фэнштры сыс закэрдэ.

Езэкилё 44:4

Тэ́ньци ёв лыджия́ ман дромэ́са пир паш-рати́тко (северно) по́рта анги́л Кхангирья́киро англыпэ́н, и Мэ дыкхцём: акэ, Ра́скирэ-Дэвлэ́скири сла́ва пхэрдия Кхэр Дэвлэ́скиро (Кхангири́), и Мэ пыём пэ пхув мо́са.