Isajos 6:3 - Библия - Пэ Балтитко Романи чиб (Романэс) 2019

³ Ёнэ кхарэнас екх екхэ́с и ракирэ́нас: “Свэ́нто, Свэ́нто исын Рай Дэвэ́л, болыбна́скирэ-янголэ́нгиро, сари́ пхув исын пхэрды́ Лэ́скирэ барипнаса!”

Biblija - Pe Baltitko Romani čib (Romanes) 2019

³ Jone kharenas jekh jekhés i rakirénas: “Svénto, Svénto isyn Raj Devél, bolybnáskire-jangoléngiro, sarí phuv isyn pherdý Léskire baripnasa!”

Isajos 6:3 Referans Kwoze

Psalmy 72:19

Мэк тэ явэ́л бахтякирдо́ Лэ́скиро лав пэ сарэ́ ве́ки! Мэк тэ явэ́л пхэрды́ сари́ пхув Лэ́скирэ слава́са. Ами́нь и ами́нь.

Е́здра 3:11

И ёнэ багандлэ екх пал явирэ́стэ, парикири Ра́скэ-Дэвлскэ: “Ёв исын лачхо́, ваш дова́ со Лэ́скиро дро́го лачхипэ́н рикирэ́лапэ пэ сарэ́ ве́ки пэ Израилё.” И сарэ́ мануша́ дынэ́ го́дла барэ́ годла́са, ке́ли ёнэ шардэ Рас-Дэвлэ́с, ваш одова́ со сыс чхудо фунда́менто тэл Кхэр (Кхангири́) Ра́скирэ-Дэвлэ́скиро.

Čysly 14:21

нэ Мэ сом джидо́, и Мири́ Ра́скирэ-Дэвлэ́скири сла́ва исын пхэрды́ пир сари́ пхув:

Vygiiben 15:11

Кон исын сыр Ту, Раё Дэ́вла, машки́р дэвлорэндэ? Кон исын, сыр Ту, най барыдыр свэнтыпнаса, шарибнаса кэ дар Ту, дивэнгиро Кэрибнари?

Заха́рия 14:9

И Рай Дэвэ́л явэ́ла кра́ли пир сари́ пхув; дро дова́ дывэ́с явэ́ла фэ́ни (екх) Рай Дэвэ́л, и лав Лэ́скиро-фэ́ни екх.

Isajos 40:5

И сыкадёла Ра́скирэ-Дэвлэ́скиро барипэ́н, и кажно лочь (плоть) дыкхэ́ла зракхибэ́н Ра́скирэ-Дэвлэ́скиро, пал-дова́, со адя́кэ пхэндлэ́ Ра́скирэ-Дэвлэ́скирэ ушта́.”

Isajos 24:16

Пхувья́кирэ ягоро́стыр (концостыр) шунаса амэ гилы́: “Тэ славинэлпэ Чачипна́скиро Дэвэ́л!” И пхэндём мэ: “Бида ма́нгэ, би́да ма́нгэ! Чора чорэна, чора чорэна злыдниткэс.”

Psalmy 57:11

Тыри́ лачхэ́-илы́ткима исын вучэды́р болыбна́стыр и Тыро́ патяибэ́н доджа́ла кэ о́блоки.

Эфесянэнгэ 1:18

и соб (кай) Дэвэ́л тэ ковлякирэл тумарэ́ илэ и тэ отчхакирэл тумэ́нгэ якха́, соб (кай) тумэ́ тэ уджинэ́н дова́ лачхо́ ужакирибэ́н, кэ саво́ Ёв тумэн кхардя́, и саво́ барвало́ исын мэкно́ миштыпэ́н пир дыно́ лав, Лэ́скирэ славакиро, ваш свэнтонэнгэ,

Avakumo 2:14

Пал-дова́ со пхув явэ́ла пхэрды́ джиныбнаса пал Ра́скирэ-Дэвлэ́скири сла́ва, сыр паня́ учхакирэна (пхэрдякирэна) мо́рё (дэрья́в).

Psalmy 90:16

Мэк тэ дыкхэ́н Тырэ́ бутя́ Тырэ́ писха́рья, мэк тэ дыкхэ́н Тыри́ райканы сла́ва амарэ́ чхавэ́.

Psalmy 97:6

Болыбэ́н ракирэ́ла сарэ́нгэ пал лэ́скиро чачипэ́н и сарэ́ мануша́ дыкхэ́на Лэ́скири сла́ва.

Psalmy 99:3

Мэк тэ славинэ́н ёнэ лэ́скиро лав, со Ёв исын древа́н славу́тно кэ дар – Ёв исын Свэ́нто!

Isajos 54:5

Кодова́, Кон создыя́ тут, исын тыро́ ром; Рай Дэвэ́л, болыбна́скирэ-янголэ́нгиро исын Лэ́скиро лав; Свэ́нто Израилёскиро тут выкинэла; Ёв кхарлапэ сарэ́-пхувья́кирэ Дэвлэ́са.

Езэкилё 43:2

И, акэ, Израилёскирэ-Дэвлэ́скири сла́ва джа́лас вастоко́стыр, Лэ́скири зан – сыр бутэ́-панескиро шумо, пэ пхув зяиндя Лэ́скири сла́ва.

Езэкилё 44:4

Тэ́ньци ёв лыджия́ ман дромэ́са пир паш-рати́тко (северно) по́рта анги́л Кхангирья́киро англыпэ́н, и Мэ дыкхцём: акэ, Ра́скирэ-Дэвлэ́скири сла́ва пхэрдия Кхэр Дэвлэ́скиро (Кхангири́), и Мэ пыём пэ пхув мо́са.

Psalmy 8:2

Раё Дэ́вла, амаро́ Дэвэ́л! Сыр шука́р и вучо́ Тыро́ лав исын бицяло́, пир сари́ пхув. Ту, Кон пхэрдякирдян саро́ шукаронэ слава́са вучэды́р болыбна́стыр.

Psalmy 66:2

бага́н пал паты́в Лэ́скирэ лавэ́скэ, бага́н слава́са, ке́ли шарэна Лэс.

Psalmy 99:9

Славинэ́н зоралэ́с Рас-Дэвлэ́с, амарэ́ Дэвлэ́с и дэн паты́в Лэ́скэ пашы́л Лэ́скири Свэ́нто бэ́ргица, пал-дова́ со Рай Дэвэ́л исын амаро́ Свэ́нто Дэвэ́л.