Isajos 6:13 - Библия - Пэ Балтитко Романи чиб (Романэс) 2019

¹³ И ко́ли ячэ́лапэ дэ́што паш пэ ла́тэ и рисёла, усае́кх явэ́ла пхув чхучи́, нэ сыр теревинфостыр и дэмбостыр, ко́ли ёнэ исын чингирдэ тэлэ́, исын ячаибэ́н, адя́кэ свэ́нто ячаибэ́н ячэ́лапэ.”

Biblija - Pe Baltitko Romani čib (Romanes) 2019

¹³ I kóli jačélape déšto paš pe láte i risjola, usajékh javéla phuv čhučí, ne syr tierievinfostyr i dembostyr, kóli jone isyn čingirde telé, isyn jačaibén, adiáke svénto jačaibén jačélape.”

Isajos 6:13 Referans Kwoze

Džiibén 22:18

и явэ́на бахтякирдэ пир тыро́ ро́до сарэ́ пхувья́кирэ манушы́тка ро́ды, пал-дова́, со ту кандыян Мири́ зан.”

Е́здра 9:2

Ёнэ лынэ́ пэ́скэ лэ́нгирэ чхае́н и ваш пэ́скирэ чхавэ́нгэ, и свэ́нто рат дрэ Дэвлэ́скиро ро́до змешындяпэ явирэ-манушытконэ́ нацые́нца пэ долэ́ пхувья́, и чачэс, тхагарье́нгиро и тхэмэ́скирэ-барыдырэнгиро васт лыджия́ явирэ́н кэ чорипэ́н.”

Marko 13:20

И ко́ли Дэвэ́л тэ на тыкнякирэлас далэ́ дывэса́, тэды нико́н на выдживэлас. А ваш манушэ́нгэ, савэ́н Ёв Кокоро́ выкэдыя́, Ёв тыкнякирдя далэ́ дывэса́.

Малахия 2:15

Ци на создыя́ Дэвэ́л тут и тырэ́ ромня́ сыр екх, савэ́ндэ исын екх ду́хо? Со́скэ жэ екх? Ёв камдя́, соб (кай) лэ́стэ тэ явэ́л ро́до Дэвликанэ чхавэ́ндыр. Палдава́ рикирэ́н тумаро́ ду́хо, и мэк ние́кх тэ на кэрэ́л напатяибныткэс ромня́са пэ́скирэ тэрныпнастыр.

Isajos 1:9

Ко́ли б на ячкирдя́ Рай Дэвэ́л, болыбна́скирэ-янголэ́нгиро, амэ́нгэ набаро́ ячаибэ́н, то са́мас бы амэ, сыр Содо́мо, амэ зджа́сас (поджа́сас) бы пэ Гомо́ра.

Римлянэнгэ 9:5

ёнэ исын чхавэ́ пэ́скирэ дадэнги́рэ, савэ́ндыр пир лоч и выгия́ Христо́со, Ёв исын Дэвэ́л пэ сарэ́ манушэ́ндэ, Ёв исын бахтякирдо́ пэ сарэ́ бэрша́. Ами́нь.

Isajos 4:3

Тэ́ньци одолэ́, кон яця́пэ пэ Сио́но и зракхцяпэ дро Ерусалимо, явэ́на тэ кхарэнпэ свэнтонэнца, дава́ явэ́на сарэ́, кон исын зачхиндло́ дрэ лылвари́ ваш джиибэ́н дро Ерусалимо.

Матфеё 24:22

И ко́ли далэ́ дывэса́ тэ на явэ́нас кроткэдыр, нико́н джидэндыр на зракхэласпэ; нэ ваш манушэ́нгэ, савэ́н Дэвэ́л выкэдыя́, явэ́на кроткэдыр далэ́ дывэса́.

Яви́р Зако́но 7:6

пал-дова́ со Растэ-Дэвлэ́стэ, тумарэ́ Дэвлэ́стэ, тумэ́ сан свэ́нта мануша́: тумэн выкэдыя́ Рай Дэвэ́л, Дэвэ́л тумаро́, соб (кай) тумэ́ тэ явэ́н екхэ Лэ́скирэ мануша́ (манушэ́нца) сарэ́ манушэ́ндыр, савэ́ исын пэ пхув.

Isajos 11:1

И выбарьёла отбарипэн Есеёскирэ корнёстыр (рукхэстыр); кадава́ рукх выбарьякирэла нэви́ рандь.

Езэкилё 6:8

Нэ Мэ зракха́ва ячаибэ́н (остатко), и явэ́на тумэ́ндэ машки́р народы одолэ́, савэ́ ячэ́напэ джидэ́ куртала́тыр, ко́ли тумэ́ явэ́на рострадынэ пир яви́р пхувья́.

Amoso 5:3

Палдава́ адя́кэ ракирэ́ла Рай Дэвэ́л: “Дро фо́ро, саво́ дэ́лас тысёнцы манушэ́н пэ марибэ́н, ячэ́напэ шэл мурша́, дро фо́ро, саво́ дэ́лас шэл манушэ́н, ячэ́напэ дэш мурша́ ваш кхэрэ́скэ Израилёскирэскэ.”

Заха́рия 13:8

И явэ́ла адя́кэ пэ сари́ пхув, – ракирэ́л Рай-Дэвэ́л, – ‘Дуй трита пэ ла́тэ явэ́на хасякирдэ́, вымэрна, а три́то паш ячэ́лапэ пэ ла́тэ.

Яви́р Зако́но 28:62

и ячэ́лапэ тумэн на́бут, тэды сыр тумэн сыс бут, тумэ́ са́нас сыр болыбна́скирэ чэргэня́, пал-дова́ со ту на шундя́н тырэ́ Ра́скирэ-Дэвлэ́скири, Дэвлэ́скири зан.

Е́здра 9:8

И, акана́, пэ набаро́ цы́ро (часо) амаро́ Рай Дэвэ́л, амаро́ Дэвэ́л сыкадя́ ла́ска, со Ёв дыя́ амэ́нгэ, ячкирдэ́ манушэ́нгэ, тэ ячаспэ джидэ́, и со Ёв дыя́ амэ́нгэ бидарипнаскиро штэ́то тэ скэдас зор пэ Лэ́скиро свэ́нто штэ́то, соб (кай) Ёв, амаро́ Дэвэ́л, могинэлас тэ дэл дуд (све́то) амарэ́ якхэнгэ, соб (кай) тэ дэл амэ́нгэ на́бут тэ отджидёвав дрэ амари́ наволя.

Mihiejo 5:6

И ёнэ явэ́на тэ хулаинэн пэ Асириякири пхув куртала́са и пхув Немвродоскири пашы́л са́мо лэ́нгири по́рта; и Ёв, Месия, зракхэ́ла амэн Асуроскирэ (Асирия́кирэ) халадэндыр, ке́ли ёнэ явэ́на пэ амари́ пхув, и ке́ли ёнэ лэ́на тэ штавэн амарэ́ ме́жы.

Софония 3:12

И Мэ мэкава машки́р тумэ́ндэ ковлэ́-илэ́скирэ и напхутькирдэ манушэ́н, и ёнэ явэ́на тэ допатян дро лав Ра́скирэ-Дэвлэ́скиро.