Isajos 6:11 - Библия - Пэ Балтитко Романи чиб (Романэс) 2019

¹¹ Мэ пхэндём: “Ци ґара́ (длу́гэс) дава́ явэ́ла, Раё, Дэ́вла?” Ёв пхэндя́: “Пириячэ́ла, ко́ли далэ́ фо́рья явэ́на чхучэ́, нико́н на явэ́ла тэ дживэ́л дрэ лэ́ндэ, ко́ли джа́на мануша́ далэ́ кхэрэндыр, ко́ли дая́ пхув явэ́ла сарэ́са чхучи́.

Biblija - Pe Baltitko Romani čib (Romanes) 2019

¹¹ Me phendjom: “Ci ĥará (dlúges) davá javéla, Rajo, Dévla?” Jov phendiá: “Pirijačéla, kóli dalé fórja javéna čhučé, nikón na javéla te dživél dre lénde, kóli džána manušá dalé kherendyr, kóli daja phuv javéla sarésa čhučí.

Isajos 6:11 Referans Kwoze

Isajos 1:7

Тумари́ пхув исын чхучи́ (пусто), тумарэ́ фо́рья исын схачкирдэ́ яга́са; тумарэ́ фэ́лды ха́на чу́жа мануша́ анги́л тумарэ́ якха́; саро́ исын чхучо́ сыр тэ́ньчи, ко́ли чу́жа мануша́ росчорэ́нас.

Psalmy 94:3

О, Раё Дэ́вла, кицы́ явэ́на фуй мануша́, кицы́ явэ́на фуй мануша́ тэ радынэ́нпэ?

Psalmy 90:13

Рисёв, о Раё Дэ́вла: кицы́ сашты́ тэ холясос? Яв лачхэ́-илэ́скиро кэ Тырэ́ писха́рья.

Левито 26:31

а тумарэ́ форье́ндыр Мэ кэра́ва чхучи́ пхув, и скэрава чхучэ́ тумарэ́ кхангирья, и Мэ, на ява́ва тэ сунгавав гудло́ тхув тумарэ́ яныбнастыр.

Psalmy 79:5

Сыр ґара́, о Раё Дэ́вла! Ци Ту ўса́ды (сак) явэ́са тэ холясос пэ амэ́ндэ? Ци явэ́ла Тыро́ зэвлыныпэ́н (ревность) тэ хачол сыр яг?

Psalmy 74:10

О, Дэ́вла, кицы́ вэ́рго явэ́ла тэ ракирэ́л чорипэ́н? Ци ўса́ды (сак) явэ́ла вэ́рго тэ калякирэл Тыро́ лав?

Isajos 3:8

Адя́кэ пхадия Ерусалимо, пыя́ Юда, пал-дова́ со лэ́нгири чиб и лэ́нгирэ рэ́нды (де́лы) нанэ пал Растэ-Дэвлэ́стэ, ёнэ на вырикирэна Дэвлэ́скиро барипэ́н.

Isajos 5:9

Рай Дэвэ́л, болыбна́скиро-янголэ́нгиро, пхэндя́ дрэ мирэ́ кана́: “Далэ́ кхэра́ явэ́на чхучэ́ (пуста), барэ́ и гожа явэ́на, нэ нико́н на явэ́ла тэ дживэ́л одо́й.

Isajos 13:12

Мэ кэра́ва адя́кэ, со мануша́ явэ́на кучэдыр (дрогэдыр), сыр исын мол жужо́ сувнака́й, и мурша́ – кучэдыр Офироскирэ сувнака́стыр.

Isajos 32:14

Райканэ кхэра́ (харомы) ячкирэна, фо́ро, саво́ шуминэла, ёв чхурдыно́ явэ́ла. Офело и вучарды́ (башня) явэ́на штэтоса, кай гаравэнапэ ослы (мега́рья) и ста́ды, савэ́ чаравэнапэ.

Isajos 35:1

Обрадынэлапэ чхучи́ пхув, и пхув шуки́, и обрадынэлапэ риг, кай нико́н на дживэ́ла, и розмэкэлапэ (розцвэтинэла), сыр лулуди́ (цвэто) нарцысо.

Isajos 60:15

Заме́ст дова́, со ту са́нас ячкирдо, и мануша́ тут на вырикирэнас, и, соб (кай) нико́н пир ту́тэ тэ на проджал, Мэ кэра́ва ту́тыр барипэ́н пэ сарэ́ ве́ки; радыма́са (лошаса), сави́ николи на пириячэ́ла.

Isajos 64:10

Тырэ́ форо́скирэ свэ́нта штэ́ты кэрдэ́пэ чхучэ́ пхувья́са; Сио́но – чхучи́ пхув, Ерусалимо исын обчордо.

Ереме́ё 4:7

Шчэр (ле́во) выджа́ла пэ́скирэ хашчатыр и хасякирибнаскиро пэ Наюдытконэ́ манушэ́ндэ: ёв джа́ла пэ́скирэ, штэто́стыр тэ чхучакирэл Юдэякири пхув, соб (кай) фо́рья дрэ Юдэ́я тэ явэ́н чхучэ́, би манушэ́нгиро.

Ереме́ё 22:6

Пал-дова́ со адя́кэ пхэндя́ Рай Дэвэ́л пал Юдэя́киро кхэр: “Ту сан шука́р ваш Ма́нгэ сыр Галаа́до, сыр вучипэ́н пэ Ливаноскири бэ́рга: нэ Мэ, чачэс, кэра́ва ту́тыр чхучи́ пхув, фо́ро, дро саво́ нико́н на дживэ́ла.

Ереме́ё 44:2

“Адя́кэ ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: ‘Тумэ́ дыкхнэ́ сари́ биба́хт (би́да), со Мэ яндём пэ Ерусалимо и пэ сарэ́ фо́рья Юдэя́кирэ; и, акэ, далэ́ фо́рья исын чхучэ́ (пуста), и ние́кх (нико́н) на дживэ́ла одо́й,

Ереме́ё 52:27

И кра́ли Вавилоно́скиро пэкадя́ лэн и замардя́ лэн дрэ Ривла пэ пхув Емафоскири. Акэ, сыр Юда́скирэ манушэ́н лыджинэ́ дро пле́но лэ́скирэ пхувья́тыр.

Езэкилё 6:6

Дрэ сарэ́ штэ́ты, кай тумэ́ дживэ́на, фо́рья явэ́на чхучэ́, вучэ́ штэ́ты явэ́на роспхагирдэ́ ваш дова́, соб (кай) тэ авэн чхучэ́ и роспхагирдэ́ тумарэ́ алта́ри, соб (кай) тэ явэ́н зачхурдынэ тумарэ́ и́долы, соб (кай) тэ явэ́н роспхагирдэ́ сты́лбы кхамэскэ, соб (кай) тэ явэ́н бистырдэ тумарэ́ бутя́.

Дание́лё 8:13

И тэ́ньчи шунавас мэ екхорэс свэнтонэс, кон ракирдя́, и пхэндя́ кадава́ свэ́нто явирэ вари-конэ́скэ, саво́ пхучэлас: “Пал кицы́ дывэса́ доджа́ла дава́ дыкхибэ́н кэ чачипэ́н пал свэ́нто яныбэ́н и, пало́ саво́ чхучакирэла (пустошынэла) грэ́хо, ке́ли свэнтыма и дава́ халадыбэ́н явэ́на тасадэ?”

Mihiejo 2:4

Дро дова́ дывэ́с мануша́ явэ́на тэ ракирэ́н притча пал тумэ́ндэ, и ёнэ явэ́на тэ ракирэ́н зоралэ́с киркэ ясвэ́нца, и тэ пхэнэ́н: ‘Амэ хасиям сарэ́са, о Дэвэ́л парудя амари́ до́ля [отдыя́ явирэ́нгэ-р.с.]: сыр тэ рисёл амари́ до́ля? Ёв роскэрдя́ амарэ́ фэ́лды машки́р амарэ́ вэргэ́ндэ.’”

Mihiejo 5:11

И Мэ хасякира́ва фо́рья пэ тумари́ пхув, и Мэ равава кэ руи́ны сарэ́ тырэ́ зоралэ́ ва́нты (форты) (укреплении).

Mihiejo 6:13

Палдава́ Мэ адя́кэ-паць кэра́ва, со ту явэ́са ґара́ насвалы, ке́ли Мэ пэкавава тут, ке́ли Мэ кэра́ва, со ячэ́лапэ голоты́ня (чхучипэн) ту́тыр пал тырэ́ грэ́хи.

Левито 26:33

а тумэн росчхурдава Мэ тэ дживэ́н машки́р манушэ́ндэ и нангякирава пала́л пал тумэ́ндэ курта́ла, и явэ́ла пхув тумари́ чхучи́ и фо́рья тумарэ́ роспхагирдэ́.

Яви́р Зако́но 28:62

и ячэ́лапэ тумэн на́бут, тэды сыр тумэн сыс бут, тумэ́ са́нас сыр болыбна́скирэ чэргэня́, пал-дова́ со ту на шундя́н тырэ́ Ра́скирэ-Дэвлэ́скири, Дэвлэ́скири зан.

Яви́р Зако́но 28:63

И явэ́ла адя́кэ, со сыр радындяпэ Рай Дэвэ́л, ке́ли кэрдя́ тумэ́нгэ лачхипэ́н и кэрдя́ буты́р тумэн, адя́кэ явэ́ла тэ радынэ́лпэ Рай Дэвэ́л, хасякири тумэн и традыи тумэн, и явэ́на вытрадынэ́ тумэ́ пхувья́тыр, пэ сави́ джа́са, соб (кай) тэ лэс ла.

Mihiejo 7:13

Нэ доя́ пхув явэ́ла чхучи́ (пусто) пал банг кодолэгири, кон дживэ́ла пэ ла́тэ, и пал дова́ чорипэ́н, со ёнэ кэрдэ́.