Isajos 59:7 - Библия - Пэ Балтитко Романи чиб (Романэс) 2019

⁷ Лэ́нгирэ ґэра́ праста́на кэ налачхэ́ рэ́нды, соб (кай) тэ прочхувэн рат манушэ́скиро, саво́ исын набанго; лэ́нгирэ ду́мы – ду́мы злыднитка; нашаибэн и хасибэ́н исын пэ лэ́нгирэ дрома́.

Biblija - Pe Baltitko Romani čib (Romanes) 2019

⁷ Léngire ĥerá prastána ke nalačhé réndy, sob (kaj) te pročhuven rat manušéskiro, savó isyn nabango; léngire dúmy – dúmy zlydnitka; našaiben i xasibén isyn pe léngire dromá.

Isajos 59:7 Referans Kwoze

Pritčy 6:17

пхутькирдэ́ якха́, хоханы чиб и васта́, со прочхувэна бибангипнаскиро рат;

Pritčy 1:16

пал-дова́ со лэ́нгирэ ґэра́ праста́на тэ кэрэ́н чорипэ́н, и ёнэ праста́на сы́гэс тэ прочхувэн манушэ́нгиро рат.

Sykadyipén 17:6

И мэ дыкхцём, со ада́я джувлы́ сыс маты свэнтонэ́-манушэ́нгирэ ратэстыр и мэнькэнгирэ-якхитконэнгирэ ратэстыр, савэ́н замардэ́ пал Христосо́стэ. И ке́ли мэ дыкхцём ла, мэ древа́н дивиндёмпэ.

Езэкилё 22:6

Акэ, Израилёскирэ тхага́рья: кажно (сва́ко) пэ́скирэ зорья́са сыс ту́тэ, соб (кай) тэ чхувэ́н рат.

Езэкилё 9:9

Тэ́ньци пхэндя́ Ёв ма́нгэ: “Израилёскирэ-кхэрэ́скиро и Юдэя́киро чорипэ́н исын баро́, древа́н баро́, и ада́я пхув исын пхэрды́ ратэ́са, и фо́ро исын пхэрдо́ чорипнаса, со кэрэ́нас пэхроми, долэ́стыр, со ёнэ ракирэ́на: “Мэкця́ Рай Дэвэ́л, Дэвэ́л ада́я пхув, и на дыкхэ́ла Рай Дэвэ́л, Дэвэ́л.”

Roiben 4:13

саро́ дава́ пал форо́скирэ пророкэ́ндэ и пал лэ́нгиро – раша́нгиро чорипэ́н, кон прочхудэ чачунэ́ – манушэ́нгиро рат машки́р дава́ фо́ро.

Ереме́ё 22:17

Нэ тырэ́ якха́ и тыро́ ило́ исын рискирдо ваш тыри́ ґалкима кэ барвалыпэ́н и тэ прочхувэс бибангипнаскиро (набанго) рат, и ваш дова́, соб (кай) тэ притасавэс, и тэ лэс пэ зор.

Isajos 60:18

На явэ́на тэ шунэ́н буты́р, со пэ тыри́ пхув исын нахрата рэ́нды, со тырэ́ рига́ облэна и кэрэ́на чхучэ́; ту кхарэса тырэ́ ва́нты зракхибнаса и тырэ́ по́рты-барипнаса.

Isajos 59:3

Пал-дова́, со тумарэ́ васта́ магирдэ́ ратэ́са, а тумарэ́ ангушта (пальцы) – грэхэ́нца; тумарэ́ ушта́ хохавэна, тумари́ чиб на пхэнэ́ла чачипэ́н.

Pritčy 24:9

Дылыно́ придуминэла екх грэ́хо, и манушэ́стыр, саво́ исын бипатывакиро кэ яви́р мануша́, рикирнапэ дрэ риг (брыдинэна) яви́р мануша́.

Pritčy 15:26

Рай Дэвэ́л исын джунгало́ долэ́стыр, со бибахталэ́ мануша́ придуминэна, нэ бидошэнгирэ-манушэ́нгирэ лава́ исын лачхэ́ Лэ́скэ.

Матфеё 2:16

Тэ́ньци Иродо, ке́ли дыкхця́, со тануки (маги) хохадэ лэс, древа́н холя́сыя и бичхадя́ тэ мулякирэ́н сарэ́н биятэ́н-муршорэн дро Вифлее́мо и дрэ сарэ́ пашатунэ́ штэ́ты, дуендыр бэршэ́ндыр и тыкнэды́р пир часо, саво́ ёв выґалыя танукэндыр.

Pritčy 6:18

годы́, сави́ придуминэла фуй рэ́нды; ґэра́, савэ́ сы́гэс праста́на кэ чорипэ́н;

Isajos 15:5

Ровэла миро ило́ пало́ Моа́во; праста́на лэ́стыр кэ Сигоро, кэ три́то Эгла, ґаздэ́напэ пэ Лухито роибнаса; даранэс годлэна пир дром Хоронаимоскиро.

Isajos 32:6

Пал-дова́ со буро ману́ш (невежда), ракирэ́ла дылныпэ́н, лэ́скиро ило́ думинэ́ла пал чорипэ́н, соб (кай) тэ кэрэ́л хохаибнаса, тэ калякирэл Рас-Дэвлэ́с, тэ лэл маро́ бокхалэстыр и пибэ́н манушэ́стыр, саво́ камэ́ла пани́.

Isajos 55:7

Мэк грэхи́тко ману́ш тэ мэкэл пэ́скиро дром и пэ́скирэ налачхэ́ ду́мы, мэк тэ явэ́л ёв кэ Рай Дэвэ́л, и Дэвэ́л отмэкэ́ла лэ́скиро грэ́хо; мэк ёв тэ явэ́л кэ Дэвэ́л амаро́, Савэ́скэ сарэ́ исын дро́га.

Isajos 65:2

Кажно дывэ́с протырдавас Мирэ́ васта́ кэ народо, саво́ на кандэ́ла, саво́ псирэ́ла налачхэ́ дромэ́са, саво́ дживэ́ла пир лэ́скири годы́.

Isajos 66:4

Тэ́ньци Мэ адя́кэ-паць кэра́ва лэ́нца пир лэ́нгиро хохаибэ́н, и Мэ яна́ва дар ваш лэ́нгэ, пал-дова́ со Мэ кхардём – и нико́н на отпхэндя́; Мэ ракиравас – ёнэ на шунэнас, а кэрэ́нас налачхэ́ рэ́нды анги́л Мирэ́ якха́ и выкэдэнас дова́, со Ма́нгэ на сыс пир ило́.

Isajos 66:18

“Пал-дова́ со Мэ джино́м лэ́нгирэ рэ́нды и ду́мы; акэ, Мэ ява́ва тэ скэдав сарэ́ народы и екхэ-чибьякирэ ро́ды; ёнэ явэ́на и дыкхэ́на Мири́ паты́в.

Ереме́ё 41:7

И сыс адя́кэ: ке́ли ёнэ загинэ́ машки́р фо́ро, о Исмаило, чхаво́ Нафанияскиро – ёв и мануша́, кон сыс лэ́са, мулякирдэ́ лэн и чхурдынэ́ лэн машкира́л рово (хохо́й).

Езэкилё 18:12

ко́ли ёв притасавэлас чорорэс и кодолэ́ манушэ́с, саво́ мангэ́ла, ко́ли ёв залэла зорья́са, на отдэ́ла сымады́, ко́ли ёв обрисёла пэ́скирэ якхэ́нца пэ кэрдэ́ дэвлорэ́, кэрэ́ла джунгалыпэ́н (брыткима).

Mihiejo 7:2

Э патяибнытка мануша́ лачхэ́ илэ́са хасинэ́ пэ пхув, и нанэ чачунэ́ манушэ́н машки́р муршэндэ. Ёнэ сарэ́ подракхэна тэ прочхувэн рат, кажно (сва́ко) ману́ш чорьёлапэ пал пэ́скирэ пшалэ́стэ фэляса (сеткаса).