Isajos 59:3 - Библия - Пэ Балтитко Романи чиб (Романэс) 2019

³ Пал-дова́, со тумарэ́ васта́ магирдэ́ ратэ́са, а тумарэ́ ангушта (пальцы) – грэхэ́нца; тумарэ́ ушта́ хохавэна, тумари́ чиб на пхэнэ́ла чачипэ́н.

Biblija - Pe Baltitko Romani čib (Romanes) 2019

³ Pal-dová, so tumaré vastá magirdé ratésa, a tumaré angušta (pal'cy) – grehénca; tumaré uštá xohavena, tumarí čib na phenéla čačipén.

Isajos 59:3 Referans Kwoze

Isajos 1:15

И ко́ли тумэ́ протырдэна тумарэ́ васта́ тэ мангэ́нпэ, Мэ закэрава тумэ́ндыр Мирэ́ якха́; ко́ли тумэ́ мангэ́напэ, Мэ на шунава: тумарэ́ васта́ исын пхэрдэ́ дро рат.

Езэкилё 13:8

Палдава́ адя́кэ ракирэло Рай Дэвэ́л, Дэвэ́л: “Палдова́, со тумэ́ ракирдэ́ чхучипэн, и дыкхнэ́ хохаибэна, палдава́, акэ, Мэ сом проти тумэ́ндэ,” – ракирэ́ла Рай Дэвэ́л, Дэвэ́л.”

Ереме́ё 2:34

Адя́кэ-паць мануша́ латхнэ́ пэ труюны (пэ подя) рат, со бибангипнаскирэ мануша́ прочхудэ: ‘Мэ на латхём дава́, чораханэ́с родыи, нэ адя́кэ упра́л саро́ бицяло́.’

Ереме́ё 2:30

Ивья́ (напра́снэс) мулякирдём Мэ тумарэ́ чхаворэ́н, ёнэ на прилынэ́ дова́, пал со мэ пирисыклякирдём лэн. Тумэ́ кокорэ́ зачингирдэ куртала́са пэ́скирэ пророкэ́н, сы́рбы шчэр (ле́во), со похала саро́.

Isajos 1:21

Сыр биладжакунэс парудяпэ чачипна́скиро шэрутно фо́ро, саво́ сыс пхэрдо́ чачунэ́ сэндоса! Чачипэ́н дживэлас дрэ лэ́стэ, а акана́ дживэ́на замарибнарья (розмарибнарья).

Mihiejo 7:2

Э патяибнытка мануша́ лачхэ́ илэ́са хасинэ́ пэ пхув, и нанэ чачунэ́ манушэ́н машки́р муршэндэ. Ёнэ сарэ́ подракхэна тэ прочхувэн рат, кажно (сва́ко) ману́ш чорьёлапэ пал пэ́скирэ пшалэ́стэ фэляса (сеткаса).

Mihiejo 6:12

Барвалэ́ мануша́ далэ́ форо́стыр исын древа́н начачунэ [нахрата-ю.о.], и кодолэ́ сарэ́, кон дживэ́ла дро дава́ фо́ро, хохавэнас, и чиб лэ́нгири исын хоханы дро лэ́нгирэ ушта́.

Osija 7:13

Бида пэ лэ́ндэ, пал-дова́ со ёнэ отгинэ́ [нашнэ́-ю.о.] Ма́ндыр! Хасибэ́н пэ лэ́ндэ, пал-дова́ со ёнэ кэрдэ́ чорипэ́н проти Ма́ндэ! На дыкхи́ пэ дова́, со Мэ выракхцём лэн, усае́кх ёнэ ракирдэ́ хохаибэ́н проти Ма́ндэ.

Osija 4:2

Мануша́ совлахана, хохавэна, мулякирэна, и чорэна, мурша́ и джувля́ кэрэ́на биладжакунэ́ рэ́нды, ёнэ пхагирэна сарэ́ меры, и манушэ́нгиро рат чхувэ́лапэ екх пал екх.

Езэкилё 35:6

Пал дава́ – ‘Тэ джива́в Мэ’, – ракирэ́ла Рай Дэвэ́л, Дэвэ́л, Мэ кэра́ва тут ратэ́са, рат явэ́ла тэ традэлпэ пал ту́тэ; ту нашты́ тэ дыкхэ́с, ко́ли чхувэласпэ рат, палдава́ рат и традэлапэ пал ту́тэ.

Езэкилё 9:9

Тэ́ньци пхэндя́ Ёв ма́нгэ: “Израилёскирэ-кхэрэ́скиро и Юдэя́киро чорипэ́н исын баро́, древа́н баро́, и ада́я пхув исын пхэрды́ ратэ́са, и фо́ро исын пхэрдо́ чорипнаса, со кэрэ́нас пэхроми, долэ́стыр, со ёнэ ракирэ́на: “Мэкця́ Рай Дэвэ́л, Дэвэ́л ада́я пхув, и на дыкхэ́ла Рай Дэвэ́л, Дэвэ́л.”

Езэкилё 7:23

Кэр зандир (цэпо), пал-дова́ со пэ ада́я пхув чхувэ́лапэ рат, и дро фо́ро кэрэ́лапэ нахратыма (насильствы).

Ереме́ё 7:8

Акэ, тумэ́ зоралэ́с допатяна хоханэ́ лавэнгэ, савэ́ на дэ́на ко́фо.

1 Ximaske 4:2

кадава́ сыклякирибэ́н роспхэнэна дуемуитка хохаибнарья, савэ́ хасякирдэ́ сари́ ладж, сы́рбы вари-кон схачкирдя́ ла,

Матфеё 27:4

пхэни́: “Мэ кэрдём грэ́хо, пал-дова́ со здыём Манушэ́с, Савэ́стэ исын бибангипнаскиро рат.” Нэ ёнэ пхэндлэ́: “Со амэ́нгэ? Дава́ исын тыро́ рэ́ндо.”

Osija 7:3

Ёнэ радынэна крали́с лэ́нгирэ фуипнаса, и тхагарьен лэ́нгирэ хохаибнаса.

Езэкилё 22:2

“А ту, манушэ́скиро чхава, ци камэ́са ту тэ сэндякирэс? Камэ́са ту тэ сэндякирэс фо́ро, кай чхувэ́лапэ рат? Пхэн лэ́скэ пал саро́ лэ́скиро джунгалыпэ́н (сари́ лэ́скири брыткима).

Ереме́ё 22:17

Нэ тырэ́ якха́ и тыро́ ило́ исын рискирдо ваш тыри́ ґалкима кэ барвалыпэ́н и тэ прочхувэс бибангипнаскиро (набанго) рат, и ваш дова́, соб (кай) тэ притасавэс, и тэ лэс пэ зор.

Isajos 3:8

Адя́кэ пхадия Ерусалимо, пыя́ Юда, пал-дова́ со лэ́нгири чиб и лэ́нгирэ рэ́нды (де́лы) нанэ пал Растэ-Дэвлэ́стэ, ёнэ на вырикирэна Дэвлэ́скиро барипэ́н.

Isajos 6:5

Мэ пхэндём: “Бида ма́нгэ! Хасиём мэ, пал-дова́, со мэ сом ману́ш нажужэ́ уштэ́нца, мэ джива́ва машки́р манушэ́ндэ нажужэ́ уштэ́нца, и якха́ мирэ́ дыкхэнас Крали́с, Рас-Дэвлэ́с, болыбна́скирэ-янголэнгирэс.”

Isajos 9:15

Пхуро́ и барвало́ – дава́ исын шэро́, а проро́ко – хохаибнари – дава́ исын пори.

Isajos 28:15

Пал-дова́, со тумэ́ ракирэ́на: “Амэ доракирдямпэ хорэ штэтоса тэл пхув люноса (адоса) и мэрибнаса: ко́ли проджа́ла чхупны, сави́ хасякирла саро́, кэ амэ ёй на доджа́ла, пал-дова́ со хохаибнаса амэ зракхасапэ и начачипнаса пэс закэраса (пхандасапэ).”

Isajos 30:9

Пал-дова́, со ёнэ исын бунтяритко народо, (саво́ никонэ́с на кандэ́ла), хоханэ́ чхаворэ́, савэ́ на камэ́на тэ шунэ́н Ра́скирэ-Дэвлэ́скиро Зако́но.

Isajos 44:20

Ёв ха́ла, хохавэлапэ, хохадо ило́ лыджа́ла явирэ дромэ́са лэс; и нисыр ёв на вырискирэла пэ́скиро ило́, на пхэнэ́ла: “Ци нанэ хохаибэ́н дро Миро чачо́ васт?”

Isajos 59:13

Амэ парудям Ра́скэ-Дэвлэ́скэ и хохадям; отгиям амарэ́ Дэвлэ́стыр; амэ ракирасас хохаибэ́н и пал паруибэн; амарэ́ илэ́стыр выджа́нас хоханэ́ лава́.

Pritčy 6:17

пхутькирдэ́ якха́, хоханы чиб и васта́, со прочхувэна бибангипнаскиро рат;

Ереме́ё 9:2

О, тэ явэ́л Ма́нгэ штэ́то пэ чхучи́ пхув сыр дромэскирэскэ (путникоскэ), соб (кай) Мэ могинавас тэ мэкав Мирэ́ манушэ́н, и тэ джав пэ́скэ лэ́ндыр. Ёнэ сарэ́ исын биладжаипнарья, биладжаипэ́н-кэрибнаскирэ (прелюбодеи), ёнэ исын скэдынэ́ ваш здыибнаскирэ манушэ́нгэ.

Ереме́ё 9:7

‘Палдава́ ракирэ́ла болыбна́скирэ-янголэ́нгиро Рай Дэвэ́л: ‘Акэ, Мэ билякирава лэн и Мэ спробинава лэн; пал-дова́ со ишчо (инкэ́) Ма́нгэ тэ кэра́в мирэ́-манушэ́нгирэ чхаса?

Mihiejo 3:4

Тэ́ньци ёнэ явэ́на тэ прикхарэн зоралэ́с Рас-Дэвлэ́с, нэ Ёв на отпхэнэ́ла лэ́нгэ [на явэ́ла тэ шунэ́л лэн-р.с.], и Ёв гаравэла пэ́скиро муй лэ́ндыр пэ дова́ часо, пал дова́, со ёнэ кэрдэ́ бибахталэ́ рэ́нды.