Isajos 59:12 - Библия - Пэ Балтитко Романи чиб (Романэс) 2019

¹² Пал-дова́ со бут чорипэ́н амэ кэрдя́м анги́л Ту́тэ; амарэ́ грэ́хи допхэнэна (досыкавэна) пал амэ́ндэ; амарэ́ налачхэ́ рэ́нды исын амэ́нца, амаро́ чорипэ́н амэ джина́са.

Biblija - Pe Baltitko Romani čib (Romanes) 2019

¹² Pal-dová so but čoripén ame kerdiám angíl Túte; amaré gréhi dophenena (dosykavena) pal aménde; amaré nalačhé réndy isyn aménca, amaró čoripén ame džinása.

Isajos 59:12 Referans Kwoze

Е́здра 9:6

и пхэндём мэ: “О миро Дэ́вла! Мэ ладжава и ма́нгэ нанэ муршкипэн тэ ґаздав миро муй кэ Ту, миро Дэ́вла; пал-дова́ со амаро́ чорипэ́н ґаздыя́пэ вучэды́р амарэ́ шэрэндыр, и амари́ банг бария кэ болыбэ́н.

Osija 5:5

Пхутькирибэ́н Израилёскиро тыкнякирдо дрэ лэ́нгирэ якха́ [допхэнэ́ла лэ́скирэ манушэ́нгэ дро муй-ю.о.], на дыкхи́ пэ дова́, со Израилё и Ефре́мо обштавэнапэ (пэрэ́на) дро лэ́нгиро чорипэ́н; и Юда обштавэлапэ адя́кэ-паць лэ́нца.

Osija 4:2

Мануша́ совлахана, хохавэна, мулякирэна, и чорэна, мурша́ и джувля́ кэрэ́на биладжакунэ́ рэ́нды, ёнэ пхагирэна сарэ́ меры, и манушэ́нгиро рат чхувэ́лапэ екх пал екх.

Езэкилё 5:6

А Ерусалимо кэрдя́ Мирэ́ припхэныбнэнца фуеды́р Наюдытконэ́ нацые́ндыр. Ёв кэрдя́ Мирэ́ закононэнца накучэдыр, со́са пхувья́, савэ́ исын пашы́л лэ́стэ. Ёнэ отпхэндлэпэ Мирэ́ упхэныбнэндыр, ёнэ на дживэ́нас пир Мирэ́ стату́ты.”

Ереме́ё 14:7

‘Раё Дэ́вла! Мэк амаро́ чорипэ́н тэ допхэнэл пэ амэ́ндэ, кэр вари-со Тырэ́ лавэ́стыр; пал-дова́ со амэ бут отпыям Ту́тыр – амэ кэрдя́м грэ́хи проти Ту́тэ.

Isajos 1:4

Ай, грэхи́тка мануша́лэ, народо, саво́ исын пхэрдо́ пэ́скирэ грэхэ́нца, на́лачхо ро́до, хасибны́тка чхавэ́! Тумэ́ ячкирдэ́ Рас-Дэвлэ́с, чхурдынэ́ свэнтонэ́ Израилёскирэ Дэвлэ́с, рисинэ́ палэ.

Osija 7:10

Израилёскиро пхутькирибэ́н допхэнэ́ла дро муй лэ́скирэ манушэ́нгэ, нэ ёнэ на рисинэ́ палэ кэ Рай Дэвэ́л, лэ́нгиро Дэвэ́л, и ёнэ на родэ́на Лэс дро саро́ дава́.

Езэкилё 7:23

Кэр зандир (цэпо), пал-дова́ со пэ ада́я пхув чхувэ́лапэ рат, и дро фо́ро кэрэ́лапэ нахратыма (насильствы).

Ереме́ё 3:2

Ѓаздэн пэ́скирэ якха́ пэ вучэ́ биманушэнгирэ штэ́ты и Дыкхэ́н акана́, кай тумэ́ сыкадэ паты́в явирэ дэвлорэ́нгэ. Пашэ дрома́ тумэ́ са́нас бэштэ́ ваш лэ́нгэ, сы́рбы о Арабо пэ чхучи́ пхув, и тумэ́ магирдэ́ пэ́скири пхув налачхэ́ камибнаса и фуипнаса.

Isajos 3:9

Мина лэ́нгирэ москири досыкавэла пал лэ́ндэ, пал пэ́скиро грэ́хо ёнэ роспхэнэна саро́ чачипэ́н, сыр Содомляни, ёнэ на гаравэнапэ: би́да лэ́нгэ! Кокорэ́ пэ́скэ ёнэ янэ́на бибибахт (фуипэ́н).

Ниеми́я 9:33

Дро саро́, со амэ́нца кэрдя́пэ, Ту сан чачуно (право), пал-дова́ со Ту кэрдэн пир чачипэ́н и амэ сам бангэ́.

Е́здра 9:13

И пало́ саро́ (после) дава́, со явдя́ пэ амэ́ндэ пал сарэ́ амарэ́ чорэ́ рэ́нды, и пал сари́ амари́ бари банг, дыкхи́, со Ту, Дэ́вла амаро́, сэндякирдян амэн на адя́кэ пхарэ́с, кицы́ амэ са́мас бангэ́, и Ту зракхця́н амэ́нгэ ада́кицы манушэ́н, –

Čysly 32:23

Ко́ли тумэ́ на кэрэ́на адя́кэ, тэды тумэ́ кэрэ́на грэ́хо анги́л Растэ-Дэвлэ́стэ, и джинэ́н, со ка́ра пал тумаро́ грэ́хо, саво́ латхэ́ла тумэн;

Psalmy 51:3

Яв тангипнаскиро (пожалин) кэ мэ, о Дэ́вла, пир Тыро́ дро́го лачхипэ́н, кхос криг мирэ́ чорэ́ рэ́нды (де́лы) пир Тыри́ бари мило лачхэ́-илы́ткима.

Isajos 58:1

“Кхар зоралэ́ заня́са, на андырша; ґа́здэ тыри́ зан сыр ро́го (труба), сыка́в Мирэ́ народоскэ пэ лэ́скирэ налачхэ́ рэ́нды, сыка́в Яково́скирэ кхэрэ́скэ пэ лэ́скирэ грэ́хи.

Avakumo 1:4

Пир дова́ Зако́но яця́ бизорья́киро (нашадя зор), и нанэ чачуно́ сэ́ндо. Фуй ману́ш пиризорьякирэла чачунэ́ манушэ́с, а сэ́ндо рискирэна, сыр камэ́на.

Isajos 64:4

Пал-дова́ со николи мануша́ на шунэнас канэнца, и нисави́ якх на дыкхця́ явирэ́с дэвлорэс. Ту сан Екх Дэвэ́л, Саво́ бут кэрдя́ ваш одолэ́нгэ, конэ́стэ исын наде́я пэ Ту́тэ.

Езэкилё 7:16

А кон зракхэ́лапэ, одолэ́ нашэ́на, и явэ́на пэ бэ́рги сыр голумбы пэ до́ло. Сарэ́ ёнэ явэ́на тэ ровэ́н, кажно (сва́ко) пал пэ́скиро чорипэ́н.