Isajos 57:5 - Библия - Пэ Балтитко Романи чиб (Романэс) 2019

⁵ Савэ хачкирибнаса, тырдэнапэ кэ и́долы тэл кажно кашт барэ́ ранденца; савэ́ замарэна чхаворэ́н пашы́л сыгна рэкицы, машки́р бэ́рги.

Biblija - Pe Baltitko Romani čib (Romanes) 2019

⁵ Save xačkiribnasa, tyrdenape ke ídoly tel kažno kašt baré randienca; savé zamarena čhavorén pašýl sygna rekicy, maškír bérgi.

Isajos 57:5 Referans Kwoze

Езэкилё 16:20

Ту лыян трэ чхавен, трэ чхае́н, савэ́н ту бияндян Ма́нгэ, и ту отдэсас лэн ваш свэ́нто дыибэ́н (жэ́ртва), соб (кай) ёнэ, и́долы, тэ хан. Ци на ухты́лла (на́доси) ли ту́кэ тэ кэрэ́с биладжаипэ́н?

Isajos 1:29

“Ёнэ явэ́на ладжакирдэ́ пал дэмбитка вэша́, савэ́ адя́кэ тумэ́нгэ исын пир ило́, и тумэ́ лолёна пал унты (сады), савэ́ тумэ́ выкэдынэ́ пэ́скэ.

Ереме́ё 7:31

И ёнэ кэрдэ́ вучэ́ штэ́ты кэ Тофето, со исын пэ Хиномоскирэ-чхавэ́нгиро до́ло тэ хачкирэ́н Пэ́скирэ чхавэ́н и чхае́н дрэ яг – со Мэ припхэндём тэ на кэрэ́н, и со на явдя́ кэ Мэ пэ годы́.

Ереме́ё 3:13

Фэ́ни (екх) приґалёв пэ́скири банг, со ту пхагирдян Ра́скирэ-Дэвлэ́скиро, Дэвлэ́скиро Зако́но, и ту чхурдэсапэ екхэ рига́тыр пэ яви́р анги́л чужонэ́ дэвлорэндэ, тэл кажно зэлэно дрэ́во, и со ту на шундя́н Мири́ зан’, – пхэндя́ Рай Дэвэ́л.

Ереме́ё 2:20

‘Пал-дова́ со Мэ ґара́ пхагирдём ґа́мо тырэ́ мэнятыр, Мэ роскусцём Тырэ́ пэнты, и ту пхэндя́н: ‘Мэ на ява́ва тэ кэра́в чорипэ́н: нэ ту тэл кажно бэ́ргица и тэл кажно зэлэно дрэ́во ту дэ́са паты́в идолэ́нгэ, сы́рбы налачхи джувлы́.

4 Kralip 23:10

И магирдя ёв Тофето, со исын пэ Еномоскирэ-чхавэ́нгиро до́ло, соб (кай) нико́н тэ на пролыджал чхавэ́с пэ́скирэс и чха пэскирья́ пирда́л яг Молохоскэ.

Левито 18:21

Тырэ́ чхавэ́ндыр на отдэ́ тэ дынаринэ́н Молохоскэ, и на ладжакир тырэ́ Дэвлэ́скиро лав. Мэ сом Рай Дэвэ́л.

Sykadyipén 18:3

Кра́лья пэ пхув кэрдэ́ ладжаипэ́н ла́са и ку́пцы (тылга́рья) пир пхув барвалынэ ла́кирэ зоралэ́-бимеракирэ барвалыпнастыр.”

Езэкилё 20:31

Ке́ли тумэ́ янэ́на тумарэ́ да́ры, и лыджа́на пир яг тумарэ́ чхаворэ́н, далэ́са тумэ́ магирэна пэс сарэ́ тумарэ́ идолэнца аж кэ/ жы́ко ададывэ́с и камэ́на тэ пхучен Ма́ндыр, Израилёскиро кхэр? Тэ джива́в Мэ, – ракирэ́ла Рай Дэвэ́л, Дэвэ́л, – на пхэна́ва тумэ́нгэ ничи́.”

Езэкилё 20:26

И домэкцём, соб (кай) ёнэ тэ магирэнпэ пэ́скирэ присыкляибнытконэ дыибна́стыр, ке́ли ёнэ ячнэ́ тэ лыджа́н пир яг пэ́скирэ пэрвонэ́ биятэ́н, савэ́ выджа́на лочовя́тыр (утробатыр), домэкцём, соб (кай) ёнэ тэ явэ́н чхучэ́, соб (кай) ёнэ тэ джинэ́н, со Мэ сом Рай Дэвэ́л, Дэвэ́л.

Езэкилё 6:13

И ґалёна, со Мэ сом Рай Дэвэ́л, Дэвэ́л, ко́ли домардэ́ явэ́на тэ пасён машки́р лэ́нгирэ и́долы трусця́л лэ́нгирэ алта́ри, пэ кажно бэрґица, пэ сарэ́ сама вучэ́ бэрґи, тэл кажно зэлэно кашт, тэл кажно ґэнсто дэмбо, пэ дова́ штэ́то, кай ёнэ хачкирэнас кучонэ́-кхандыпнытка смо́лы сарэ́ идолэ́нгэ.

Ереме́ё 51:7

Вавило́но сыс сувнакуно́ тахта́й дрэ васта́ Ра́скирэ-Дэвлэ́скирэ, саво́ матякирдя сари́ пхув: на́цыи матинэ лэ́скирэ моля́тыр (лолэ́ бравинтатыр); палдава́ на́цыи ячнэ́ бигодякирэ.

Ереме́ё 50:38

Баро́ шукипэн тэ явэ́л пэ лэ́скирэ паня́, соб (кай) ёнэ тэ вышутён. Пал-дова́ со дая́ исын пхув вычхиндлэ́ муенца, и мануша́ одо́й ячнэ́ бигодякирэ пэ́скирэ даракунэ идолэндыр.

Ереме́ё 32:35

И ёнэ чхудэ́ вучэ́ штэ́ты Ваалоскэ пэ до́ло Еномоскирэ [Гиномоскирэ-ю.о.] чхавэ́нгиро, соб (кай) тэ лыджа́н пирда́л яг лэ́нгирэ чхавэ́н и чхае́н тэ дэн паты́в Молохоскэ: со Мэ припхэндём тэ на кэрэ́н лэ́нгэ, со на явдя́ Ма́нгэ пэ годы́, соб (кай) ёнэ тэ кэрэ́н далэ́ джунгалэ́ рэ́нды, соб (кай) мануша́ Юдэя́кирэ тэ кэрэ́н грэ́хо.”

Ереме́ё 17:2

Пал-дова́ со лэ́нгирэ чхаворэ́ рипирэна лэ́нгирэ алта́ри и лэ́нгирэ дэмбитка вэладиня (рошчы) [и лэ́нгирэ и́долы Ашэрахи-ю.о.], савэ́ исын пашы́л зэлэна дрэвы пэ вучэ́ бэ́ргицы,

Ереме́ё 3:6

И пхэндя́ Рай Дэвэ́л ма́нгэ, Еремеёскэ, дрэ дывэса́, ке́ли Иосия (Ёсия) сыс кра́ли: ‘Ци дыкхця́н ту, со кэрдя́ чхай Израилёскири, сави́ отгия́ патяибнастыр? Ла́кирэ мануша́ псирэнас тэл кажно вучи́ бэ́рга, и кажно зэлэно дрэ́во и ёнэ сыкадэ паты́в кэ яви́р дэвлорэ́ сы́рбы налачхи джувлы́.

2 Паралипоменоно 28:3

и ёв хачкирдя́ дро́га смо́лы пэ Еномоскирэ-чхавэ́нгиро до́ло, и пролыджия пэ́скирэ чхавэ́н пирда́л яг, подрикири манушэ́нгирэ магирипэна, савэ́н вытрадыя́ Рай Дэвэ́л анги́л Израилёскирэ-чхавэ́нгиро муй.

4 Kralip 17:10

И чхудэ́ пэ́стэ статулы и формы Астартакэ пэ кажно вучи́ бэ́рга и тэл кажно зэлэно кашт.

3 Kralip 14:23

И кэрдэ́ ёнэ пэ́стэ вучипэна́, и статулы, и мангипнытка штэ́ты (капишчы) пэ кажно бэ́ргица и тэл кажно гэнсто кашт.

Яви́р Зако́но 12:2

Розмарэн сарэ́са (пэ котэра́) сарэ́ штэ́ты, кай исын манушы́тка на́цыи (народы), пэ савэ́ндэ тумэ́ лэ́на лофо (власть), и савэ́ дынариндлэ́ пэ́скирэ дэвлорэ́нгэ, пэ вучэ́ бэ́рги, и пэ бэ́ргицы, и тэл кажно кашт (дрэ́во) ранденца;

Čysly 25:6

И ґа́да, вари-кон Израилёскирэ чхавэ́ндыр явдя́, и яндя́ кэ пэ́скирэ пша́ла Мадианитянка, пэ Мойза́скирэ якха́ и пэ якха́ Израилёскирэ чхавэ́нгиро пэ саро́ скэдыибэ́н, ке́ли ёнэ рондлэ́ пашы́л скэдыибнаскиро загиибэ́н.

Vygiiben 32:6

Пэ яви́р дывэ́с ёнэ уштынэ́ тася́рлэс (ра́нэс), и яндлэ́ цэ́ла схачкирибэна, и яндлэ́ мирна свэ́нта дыибэна́: и бэшнэ́ мануша́ тэ хан и тэ пьен, а коригэды́р (позжэды́р) уштынэ́ тэ кхэлэн.

Езэкилё 20:28

Пал-дова́ со, ке́ли Мэ яндём лэн пэ пхув, пал сави́ дрэ совла́х тэ дав лэ́нгэ, Мэ ґаздавас Миро васт, а ёнэ выдыкхнэ ваш пэ́скэ кажно вучи́ бэ́ргица, кажно кашт барэ́ ґэнстонэ ранденца (вэткэнца), и ёнэ лынэ́ тэ янэ́н одо́й пэ́скирэ дыибэна́, савэ́нца выкхарэнас Мири́ холы́; и янэ́нас одо́й пэ́скирэ тхува гудлэ́, и вычхувэнас одо́й пэ́скирэ тхадунэ свэ́нта дыибэна́ (жэртвы).

4 Kralip 17:7

Келы лынэ́ тэ кэрэ́н грэ́хо Израилёскирэ чхавэ́ анги́л пэ́скирэ Растэ-Дэвлэ́стэ, Саво́ вылыджия́ лэн Египто́скирэ пхувья́тыр, тэл фараоно́скирэ вастэ́стыр, саво́ сыс кра́ли пэ Еги́пто, и лынэ́ тэ дэн паты́в явирэ дэвлорэ́нгэ,