Isajos 57:1 - Библия - Пэ Балтитко Романи чиб (Романэс) 2019

¹ Мэрэ́ла дэвлы́тко ману́ш, и нико́н на прилэ́ла дава́ кэ ило́; патяибнытка мурша́ залэнапэ пхувья́тыр, и нико́н на думинэ́ла, со дэвлы́тко залэлапэ пэ пхув налачхипнастыр.

Biblija - Pe Baltitko Romani čib (Romanes) 2019

¹ Meréla devlýtko manúš, i nikón na priléla davá ke iló; patiaibnytka muršá zalenape phuvjátyr, i nikón na duminéla, so devlýtko zalelape pe phuv nalačhipnastyr.

Isajos 57:1 Referans Kwoze

4 Kralip 22:20

Пал дава́, акэ, Мэ чхува́ва тут кэ тырэ́ дада́, и ту явэ́са чхудо дрэ копли́ца тырэ́ раманёса (миро́са), и на дыкхэ́на тырэ́ якха́ саро́ дова́ фуипэ́н, савэ́ Мэ яна́ва пэ дава́ штэ́то.’” И яндлэ́ ёнэ крали́скэ отпхэныбэ́н.

Psalmy 12:1

Хоро́скирэ Дирижоро́скэ. Пэ балытка Струме́нты. Давидо́скиро Пса́лмо.

2 Паралипоменоно 34:28

Ѓа́да, Мэ чхува́ва тут кэ тырэ́ дада́, и ту явэ́са чхудо дрэ копли́ца тыри́ раманёса (миро́са), и на дыкхэ́на тырэ́ якха́ доя́ би́да, сави́ Мэ яна́ва пэ дава́ штэ́то и пэ лэ́скирэ манушэ́ндэ.’” И яндлэ́ отпхэныбэ́н крали́скэ.’”

Mihiejo 7:2

Э патяибнытка мануша́ лачхэ́ илэ́са хасинэ́ пэ пхув, и нанэ чачунэ́ манушэ́н машки́р муршэндэ. Ёнэ сарэ́ подракхэна тэ прочхувэн рат, кажно (сва́ко) ману́ш чорьёлапэ пал пэ́скирэ пшалэ́стэ фэляса (сеткаса).

Isajos 42:25

И Ёв вычхудя́ пэ лэ́ндэ Пэ́скири холы́ и марибны́тко холямипэн; ёй хачола яга́са сарэ́ ригэ́ндыр, нэ ёнэ на дыкхнэ́; хачолас лэ́ндэ, нэ ёнэ на ґалынэ́ дава́ илэ́са.

Isajos 47:7

Ту ракирэсас: ‘Саро́ джиибэ́н мэ ява́ва раняса,’ – а ту на прилыян тырэ́ годя́са, на думиндян, со дурэды́р явэ́ла.

Малахия 2:2

Ко́ли тумэ́ на явэ́на тэ шунэ́н, и ко́ли тумэ́ на прилэ́на илэ́са, соб (кай) тэ барьякирэ́н Миро лав,” – ракирэ́ла янголэ́нгирэ-болыбна́скиро Рай Дэвэ́л, – тэды Мэ бичхава́ва прокошыбэна (арманя) пэ тумэ́ндэ, и Мэ кэра́ва прокошыбэна (арманя) пэ тумаро́ бахтякирибэ́н: чачо́, Мэ акана́ кэрдём прокошыбэ́н (арман), пал-дова́, со тумэ́ на прилэ́на илэ́са Миро лав.

2 Паралипоменоно 35:24

И злынэ лэс дына́рья лэ́скирэ марибнытконэ́ вурдэнэстыр, и чхудэ́ тэ бэшэ́л лэс дрэ яви́р вурдэ́н, саво́ сыс лэ́стэ, и лыджинэ́ лэс дро Ерусалимо. И мыя́ ёв, и сыс гарадо́ дрэ пэ́скирэ дадэнги́рэ коплицы. И сарэ́ Юдэя́кирэ и Ерусалимо оброндлэ Иосияс.

2 Паралипоменоно 32:33

И пасия́ пэ ве́ко Езэки́я пэ́скирэ дадэ́нца, и гарадэ́ лэс упрэ́ пэ Давидо́скирэ-чхавэ́нгирэ коплицы; и паты́в дынэ́ лэ́скэ, пало́ (после) лэ́скиро мэрибэ́н, сарэ́ Юдэя́кирэ и Ерусалимо́скирэ мануша́. И яця́ крали́са Мана́сия, лэ́скиро чхаво́, пэ штэ́то лэ́скиро.

3 Kralip 14:13

И обровэна лэс сарэ́ Израильтя́ни, и гаравэна лэс; пал-дова́ со ёв исын екх Еровоамостэ, саво́ заджа́ла дрэ копли́ца, адя́кэ сыр дрэ лэ́стэ, кхэрэ́стыр Еровоамоскирэстыр, латхяпэ вари-со лачхо́ анги́л Растэ-Дэвлэ́стэ, Дэвлэ́стэ Израилёскирэстэ.

Isajos 57:11

Конэ́стыр ту дарандыян, кон тут дарьякирдя (страхакирдя), со ту яця́н хоханы, пирияцян тэ рипирэс Ман, ту на ракхэса Ман дро ило́? На пал дова́ ци адя́кэ кэрдя́н, со Мэ ґара́ (длу́гэс) ничи́ на ракиравас, и ту пирияцян Ма́ндыр тэ дарэс?

Čysly 23:10

Кон пиригинэла Яково́скиро пра́хо и пиригинэла Израилёскиро шта́рто паш? Мэк тэ мэрэ́л миро ди чачипнаскирэ мэрибнаса, и мэк тэ явэ́л миро мэрибэ́н сыр лэ́нгиро!”

Psalmy 37:37

Придыкхпэ ваш приме́ро (сыкаибэ́н) кэ бидошэ́нгиро ману́ш и дыкх пэ чачунэ́ манушэ́стэ, пал-дова́ со штылэ манушэ́стэ, саво́ тырдэлапэ кэ рама́нё (миро), явэ́на патомки.

Isajos 47:11

Явэ́ла кэ ту чорипэ́н (биба́хт); ту на ґалёса, савэ́ рига́тыр ёй ґаздэ́лапэ; явэ́ла кэ ту би́да, и ту ла́тыр на нашэса; явэ́ла хасибэ́н, пал саво́ ту на думинэса.

Ереме́ё 18:11

И палдава́ акана́ пхэн манушэ́нгэ Юдэя́тыр и Ерусалимо́скирэ джиибнарье́нгэ: ‘Адя́кэ ракирэ́ла Рай Дэвэ́л: ‘Акэ Мэ акана́ скэда́ва (подкэрава) фуипэ́н тумэ́нгэ, и Мэ придуминава плано пэ тумэ́ндэ: ‘Рисён фэды́р акана́ кажно (сва́ко) тумэ́ндыр, тумарэ́ бибахталэ́ дромэ́стыр, фэдырьякирэн тумарэ́ дрома́ и дова́, со тумэ́ кэрэ́на’”

Ереме́ё 22:10

На ровэ́н пал мулэстэ, и на тугинэн кхэтанэ́ пал лэ́стэ, нэ ровэ́н киркэс пал одолэ́стэ, саво́ гия́ дро пле́но, пал-дова́ со ёв буты́р на рисёла палэ, и ёв на дыкхэ́ла буты́р пэ́скирэ-дадэнгири пхув;

Езэкилё 21:3

Пхэн Израилёскирэ пхувьякэ: “Адя́кэ ракирэ́ла Рай Дэвэ́л, Дэвэ́л: ‘Акэ, Мэ выджава пэ ту́тэ, Мэ дорэсава Мири́ курта́ла (мечо) ножнатыр, хасякира́ва ту́тэ чачунэ́ манушэ́с и грэхитконэ́ манушэ́с.