Isajos 53:3 - Библия - Пэ Балтитко Романи чиб (Романэс) 2019

³ Ёв сыс, сыр нисо́ анги́л манушэ́ндэ, Лэ́скэ на дынэ́ паты́в мануша́; Мурш, Саво́ прилыя́ дукха́ амарэ́ и насвалыпэн; амэ отрисиям Лэ́стыр пэ́скирэ мо́са; амэ на камдям тэ дыкхас пэ Лэ́стэ, амэ на приласас Лэс.

Biblija - Pe Baltitko Romani čib (Romanes) 2019

³ Jov sys, syr nisó angíl manušénde, Léske na dyné patýv manušá; Murš, Savó prilyjá dukhá amaré i nasvalypen; ame otrisijam Léstyr péskire mósa; ame na kamdiam te dykhas pe Léste, ame na prilasas Les.

Isajos 53:3 Referans Kwoze

Матфеё 26:67

Тэды чунгардынэ Лэ́скэ дро муй, и мардэ́ Лэс; яви́р пэкавэнас Лэс пир муй,

Isajos 53:10

Нэ сыс Ра́скирэ-Дэвлэ́скири во́ля, соб (кай) Лэс тэ марэ́н кэ калэ́ маса́; Ёв отдыя́ Лэс пэ мэ́ньки; ко́ли ж Лэ́скиро ди янэ́ла свэ́нто дыибэ́н, соб (кай) тэ отмэкэнпэ грэ́хи, то Ёв удыкхэ́ла Пэ́скиро ро́до анги́л, и Ра́скирэ-Дэвлэ́скири во́ля явэ́ла тэ кэрэ́лпэ Лэ́скирэ вастэ́са.

Isajos 49:7

Адя́кэ ракирэ́ла Рай Дэвэ́л, Израилёскиро Свэ́нто, Саво́ выкиндя Израилё, адя́кэ ракирэ́ла кэ народо, савэ́с сарэ́ кошэна и традэ́на, саво́ исын писха́ри барэ́ рандэ: “Кра́лья дыкхэ́на и уштэна; тхага́рья (кня́зи) пэ чанга́ пэрна ваш Ра́скэ-Дэвлэ́скэ, Саво́ исын чачуно́, ваш Свэ́нто Израилёскиро, Саво́ Тут выкэдыя́.”

Marko 14:34

“Миро ило́ исын пхэрдо́ мэрибнытконэ дара́са”, – ракирэ́ла Ёв лэ́нгэ, – “явэ́н ада́й, и ракхэ́нпэ [на совэн-р.с.].”

Isajos 53:4

Нэ Ёв лыя́ пэ Пэ́стэ амаро́ бизорьякирибэн, Ёв лыджия́ амаро́ насвалыпэн, а амэ думиндям, со дава́ Дэвэ́л дукхадя Лэс, чхудя́ ка́ра пэ Лэ́стэ и чхудя́ пхарипэ́н пэ Лэ́стэ.

Юдэ́нгэ 5:7

Ке́ли Христо́со дживдя́ пэ пхув, Ёв барэ́ годла́са и ясвэ́нца мангдя́ и мангдя́пэ Дэвлэ́скэ, Кон могиндя́ тэ зракхэ́л Лэс мэрибна́стыр. Дэвэ́л шундя́ Лэс пал Лэ́скири дар анги́л Лэ́стэ;

Isajos 50:6

Мэ отдыём Миро думо, соб (кай) тэ марэ́н Ман; Мирэ́ чама (шчоки), соб (кай) тэ пэкавэн; муй Миро Мэ на закэрдём кошыбнастыр и чунгардыпнастыр.

Юдэ́нгэ 4:15

Амэ́ндэ исын на адасаво́ англатуно́ раша́й, саво́ на могинэ́ла тэ помогинэл (тэ подэл васт) амэ́нгэ дро амаро́ бизорьякирибэн, нэ Адасаво́ Англатуно́ Раша́й, Саво́ сыс пропатякирдо дро саро́, нэ сыр и амэ, нэ Саво́ на кэрдя́ грэ́хо.

Luka 9:22

И Ёв адя́кэ-паць пхэндя́, со Манушэ́скирэ Чхавэ́скэ трэй тэ пиридживэл бут мэ́ньки, со Лэс на приґалёна годэпхурэ́ и раша́нгирэ барыдыра́ и лылвари́тка, со Ёв явэ́ла замардо, и со пал трин дывэса́ Ёв отджидёла.

Luka 16:14

Шундлэ́ саро́ дава́ и Фарисе́и, савэ́ зоралэ́с традынэпэ пал барвалыпэ́н и ёнэ лынэ́ тэ санпэ Исусо́стыр.

Luka 8:53

И ёнэ сандлэпэ Лэ́стыр, пал-дова́ со джиндлэ́, со тэрны́ патывалы́ джувлы́ мыя́.

Marko 15:19

Ёнэ мардэ́ Лэс трасцинитконэ дэстэса пир шэро́ и чунгардынэ пэ Лэ́стэ, пэрэнас пэ чанга́ анги́л Лэ́стэ и клонинэнаспэ.

Marko 9:12

И Ёв отпхэндя́ лэ́нгэ: “Чачо́, со Или́я англэды́р сыс банго́ тэ явэ́л и тэ кэрэ́л саро́ нэвэ́стыр, сыр и исын чхиндло́ пал Чхавэ́стэ Манушэскирэстэ, со приявэлапэ Лэ́скэ бут тэ пирилыджал мэ́ньки, и со Ёв явэ́ла ладжакирдо́?

Joannostir 11:35

Ису́со зарондя.

Joannostir 8:48

Пэ дава́ Юды пхэндлэ́ Лэ́скэ: “Ци на чачипэ́н амэ ракираса, со Ту сан Самарянино и на́лачхо ду́хо (фа́но) исын бэшто́ дрэ Ту́тэ?”

Матфеё 27:63

пхэни́: “Раё, амэ рипираса, со хохаибнари, сыр сыс ишчо (инкэ́) джидо́, пхэндя́: ‘Пир трин дывэса́ Мэ отджидёвава.’

Mihiejo 5:1

Акана́ скэ́дэ кхэтанэ́ халадэ́н, э чхай халадэнгири, пал-дова́ со амэн обчхудэ трусця́л вэ́рги, и ёнэ пэкавэна Израилёскирэ сэндарис кхияса (тростяса) пир чхам (шчока).

Заха́рия 11:8

И Мэ хасякирдём тринэн чхупнарьен дро екх чхон; и одрисия ди Миро лэ́ндыр, сыр лэ́нгиро ди одрисия Ма́ндыр.

Яви́р Зако́но 32:15

И тхулыя Израилё, и яця́ пхарэ́-илытко; яця́ тхуло, зоралыя и ростхулыя; и ячкирдя́ ёв Дэвлэ́с, Саво́ создыя́ лэс, и лыя́ на́бут тэ кутякирэл Лэс, Саво́ выракхця лэс.

Luka 19:41

И ке́ли Ёв явдя́ пашылэды́р кэ фо́ро, дыкхця́ пэ лэ́стэ и зарондя,

Psalmy 69:29

Кхос криг лэн Джиибна́скирэ Лылварьятыр, чачо́, мэк ёнэ тэ на явэ́н зачхиндлэ́ одо́й кхэтанэ́ патяибнытконэнца.

Marko 10:33

“Амэ джа́са пашылэды́р кэ Ерусалимо, и Чхаво́ Манушэ́скиро явэ́ла здыно раша́нгирэ барыдырэ́нгэ и лылваритконэнгэ: ёнэ засэндинэна Лэс пэ марибэ́н и здэна Лэс Наюдэ́нгэ;

Marko 10:34

ёнэ явэ́на тэ санпэ холямэс, и тэ чунгардэн пэ Лэ́стэ, тэ марэ́н Лэс чупняса и мулякирэна Лэс, нэ пир трин дывэса́ Ёв отджидёла.”

Isajos 52:14

Кицы́ мануша́ дивинэнаспэ, ке́ли дыкхнэ́ пэ Ту́тэ! Ёв адя́кэ парудяпэ марибнастыр, со на сыс Лэ́стэ манушы́тко муй, адя́кэ Ёв выдыкхэлас, со и на сыс Лэ́стэ манушы́тко патри́н (о́бразо)?

Psalmy 88:4

Пал-дова́ со миро ди исын пхэрдо́ пхарипнэнца и миро джиибэ́н доджа́ла кэ маґила.