Isajos 53:12 - Библия - Пэ Балтитко Романи чиб (Романэс) 2019

¹² Палдава́ Мэ да́ва Лэ́скэ котэ́р (паш) машки́р барэндэ, и зоралэнца Ёв дорэсыбэ́н роскэрэла (розделинэла), пал-дова́ со Ёв отдыя́ Пэс пэ мэрибэ́н. Лэс гиндлэ́ пал прахаристэ, нэ Ёв лыджия́ пэ Пэ́стэ бутэ́-манушэ́нгиро грэ́хо и пал прахарьендэ адя́кэ мангэлас.

Biblija - Pe Baltitko Romani čib (Romanes) 2019

¹² Paldavá Me dáva Léske kotér (paš) maškír barende, i zoralenca Jov doresybén roskerela (rozdielinela), pal-dová so Jov otdyjá Pes pe meribén. Les gindlé pal prahariste, ne Jov lydžijá pe Péste buté-manušéngiro grého i pal prahar'jende adiáke mangelas.

Isajos 53:12 Referans Kwoze

Luka 22:37

палдава́ Мэ пхэна́ва тумэ́нгэ, со дова́, со исын чхиндло́, трэй тэ сполнинэ́лпэ Ма́нца: “Ёв сыс чхудо машки́р розмарибнарьендэ”: пал-дова́ со саро́, со исын пал Ма́ндэ, сыг кончынэлапэ.”

Юдэ́нгэ 9:28

адя́кэ-паць и Христо́со сыс е́кхвар яндло сыр свэ́нто дыибэ́н пал бутэ́-манушэ́нгирэ грэ́хи. Нэ Ёв явэ́ла яви́р мо́ло кэ одолэ́, савэ́ древа́н ужакирэ́на Лэс тэ зракхэ́л лэн, нэ на ваш дова́, соб (кай) тэ отмэкэ́л грэ́хи.

1 Ian 2:12

Мэ чхина́ва тумэ́нгэ, чхаворэ́, пал-дова́ со отмэкнэ тумарэ́ грэ́хи пир Христосо́скиро лав.

Marko 15:27

И ёнэ примардэ пэ трушу́л пашы́л Лэ́стэ дуе розмарибнарьен, екхэ́с чачэ́ рига́тыр, явирэ́с зэрвонэ (левонэ) рига́тыр.

Юдэ́нгэ 9:26

тэды Христосо́скэ трэиндя́ тэ мэнчынэлпэ кажно мо́ло, сыр свэ́то сыс создыно́. Нэ какана́, е́кхвар пэ векоскиро ко́нцо (яго́ро), Ёв сыкадя́ Пэс и отдыя́ Пэс сыр свэ́нто дыибэ́н, соб (кай) тэ отпарувэл грэ́хи.

Римлянэнгэ 8:34

кон явэ́ла тэ сэндякирэ́л? Ису́со Христо́со, Саво́ мыя́, нэ и Саво́ отджидыя́ мулэ́ндыр? Ёв, Саво́ какана́ исын пир чачуны́ Дэвлэ́скири риг? Ёв и мангэ́ла пал амэ́ндэ.

Isajos 53:6

Сарэ́ амэ, сыр бакря́ псирасас, гиям кажно пэ́скирэ дромэ́са, и Рай Дэвэ́л чхудя́ пэ Лэ́стэ грэ́хи, савэ́ сарэ́ амэ кэрдя́м.

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

1 Ian 2:1

Чхаворалэ мирэ́! Мэ чхина́ва дава́ тумэ́нгэ, соб (кай) тумэ́ тэ на кэрэ́н грэ́хо, и ко́ли вари-кон кэрэ́ла грэ́хо, амэ́ндэ исын Екх тэ тэрдёл пал амэ́ндэ анги́л Дадэ́стэ-Ису́со Христо́со, Чачипна́скиро;

Юдэ́нгэ 12:2

и ява́са тэ дыкхас пэ Исусо́стэ, Савэ́стыр исын амаро́ патяибэ́н, и Саво́ кэрэ́ла амэн бидошакирэнца, Саво́ заме́ст ра́дыма, сави́ явэ́лас ваш Лэ́скэ, и Саво́ вырикирибнаса пиридживдя трушулыбэн кэ мэрибэ́н, на дыкхи́ пэ ладж, и бэсця́ пир чачо́ (право) васт Дэвлэ́стыр.

Юдэ́нгэ 9:24

Пал-дова́ со Христо́со загия́ на дрэ Свэ́нто Штэ́то, саво́ кэрдэ́ манушэ́нгирэ васта́, и саво́ исын патри́н (копия) долэ́ Штэтоскиро, со исын дро Болыбна́скиро Раё. Ёв загия́ дро Болыбна́скиро Раё, соб (кай) тэ тэрдёл пал амэ́ндэ анги́л Дэвлэ́стэ:

Колосянэнгэ 2:15

Христо́со откэдыя зор барэ́ рандыр и свэто́скирэ зоралыпнастыр и отдыя́ лэн пэ манушы́тко ладж, и трушулэскирэ зорья́са лыя́ зор пэ лэ́ндэ.

Isajos 53:8

Лэс лынэ́ сэндостыр и бэшыбнастыр, нэ пал ро́до Лэ́скиро, кон пхэнэ́ла? Ёв сыс отчурдыно джидэ́ манушэ́нгирэ пхувья́тыр; мыя́ пал грэ́хо, саво́ кэрдя́ Миро народо.

Psalmy 22:14

Ёнэ порадэ пэ́скирэ муя́ пэ ма́ндэ, сыр шчэра́ (левы), со исын ґалка (корысна) тэ роскушэн.

Psalmy 2:8

Манг Ма́ндыр, и Мэ да́ва ту́кэ манушыпнаскирэ расы сыр мэкно́ миштыпэ́н и сари́ пхув явэ́ла тыри́:

Юдэ́нгэ 7:25

Палдава́ Ису́со могинэ́ла тэ зракхэ́л сарэ́ манушэ́н, савэ́ явэ́на пашылэды́р кэ Дэвэ́л пир Лэ́стэ; Ёв исын ўса́ды (сак) джидо́ тэ мангэ́л Дэвлэ́с пал лэ́ндэ.

Apostolengiri Butý 26:18

тэ отчхакирэс лэ́нгирэ якха́, соб (кай) ёнэ тэ рисён калыпна́стыр кэ дуд и налачхэскирэ зорья́тыр кэ Дэвэ́л, соб (кай) тэ явэ́н отмэкнэ грэ́хи лэ́нгирэ, и соб (кай) ёнэ адя́кэ-паць тэ явэ́н машки́р одолэ́ндэ, конэ́с Мэ кэрдём свэнтонэнца пир лэ́нгиро патяибэ́н дрэ Ма́ндэ.”

Luka 23:25

Ёв отмэкця́ лэ́нгэ одолэ́с, саво́ сыс бэшто́ пал бу́нто и замарибэн, пал савэ́стэ ёнэ мангнэ́ лэс, а Исусо́с дыя́ дрэ васта́ лэ́нгэ пир выкэдыибэн.

Матфеё 26:42

Нэвэ́стыр яви́р мо́ло, Ёв одгия дрэ риг и мангдя́пэ Дэвлэ́скэ дасавэ́ лавэ́нца: “Да́до Миро, ко́ли сашты́, соб (кай) дава́ тахта́й тэ проджал дрэ риг Ма́ндыр, пака Мэ на выпьява лэс, мэк тэ кэрэ́лпэ во́ля Тыри́!”

Дание́лё 2:45

адя́кэ, сыр ту дыкхця́н, со бар кусцяпэ бэрга́тыр сы́рбы начиладэ вастэ́са, саво́ розмардя́ пэ тыкнэ́ которорэ састы́р, харко́ма, ґлэя, руп и сувнака́й – адя́кэ Баро́ Дэвэ́л дыя́ тэ джинэ́л крали́скэ, со явэ́ла пало́ саро́ дава́. Чачуно́ исын дава́ суно́, и патяибны́тко исын зна́чыма!”

Isajos 52:15

Адя́кэ бут народы дивинэнаспэ Лэ́стыр; кра́лья закэрна (пхандэна) пэ́скирэ ушта́ анги́л Лэ́стэ, пал-дова́ со ёнэ дыкхэ́на и джинэ́на дова́, со ёнэ на шундлэ́, со николи лэ́нгэ на ракирдэ́.

Isajos 52:13

Акэ, писха́ри Миро бахтякирдо́ явэ́ла, ґаздэ́лапэ дрэ паты́в, явэ́ла шардо, и прилэ́ла барипэ́н.

Džiibén 3:15

И нараманё (намиро) кэра́ва Мэ машки́р ту́тэ и джувля́тэ, и машки́р ро́до тыро́ и ла́киро; ёв явэ́ла дро шэро́ тэ дукхавэл тут, а ту явэ́са тэ дукхавэс лэс дрэ пента (кхур).

Filipiicenge 2:17

Нэ ко́ли ма́нгэ приявэлапэ тэ отдав пэ́скиро джиибэ́н сыр свэ́нто дыибэ́н пал тумаро́ патяибэ́н, то мэ сом радо, и мэ ява́ва тэ радынавпэ кхэтанэ́ сарэ́нца тумэ́нца.

2 Коринфянэнгэ 5:21

Пэ Христосо́стэ, Савэ́стэ на сыс грэ́хо, Дэвэ́л чхудя́ сарэ́ амарэ́ грэ́хи сыр свэ́нто отдыибэ́н, соб (кай) амэ тэ ячаспэ чачунэнца анги́л Дэвлэ́стэ пир Христосо́стэ.

Vygiiben 15:9

О вэ́рго пхэндя́: “Традава мэ, дотрадава, роскэрава дорэсыбэ́н; чалёла лэ́нца миро ди, вылава мэ мири́ курта́ла, хасякирэ́ла миро васт лэн.

Ióvo 30:16

Нэ акана́ миро ди чхувэ́лапэ криг ма́ндыр хор тугатыр; дывэса́ мэнькаса лынэ́ трусця́л ман.

Isajos 49:4

А Мэ пхэндём: “Ивья́ (напра́снэс) Мэ кэравас буты́, Мэ нашадём (хасякирдём) пэ́скири зор. Нэ миро чачипэ́н кэ Рай Дэвэ́л; Дэвэ́л миро отпарикирэла Ма́нгэ.”