Isajos 52:3 - Библия - Пэ Балтитко Романи чиб (Романэс) 2019

³ Адя́кэ ракирэ́ла Рай Дэвэ́л: “Биловэнгиро тумэн бикиндлэ, бирупэскиро тумэн выкинэна.”

Biblija - Pe Baltitko Romani čib (Romanes) 2019

³ Adiáke rakiréla Raj Devél: “Bilovengiro tumen bikindle, birupeskiro tumen vykinena.”

Isajos 52:3 Referans Kwoze

Isajos 45:13

Мэ чхудём лэс дро чачипэ́н, Мэ кэра́ва сарэ́ лэ́скирэ дрома́ маму́й (Мэ мамуякирава). Ёв кэрэ́ла Миро фо́ро, отмэкэ́ла пэ во́ля Мирэ́ манушэ́н плено́стыр, на лэ́ла лэ́ндыр нисаво́ выкиныбэ́н, ни да́ры”, – ракирэ́ла Рай Дэвэ́л, болыбна́скирэ-янголэ́нгиро.”

1 Petr 1:18

джины́, со на рупэ́са ци сувнака́са, савэ́ усае́кх нанэ важнэдыр сарэ́стыр, тумэ́ сан выкиндлэ чхучэ́ (пустонэ) джиибнастыр, саво́ тумэ́ дорэснэ́ пэ́скирэ дадэндыр;

Psalmy 44:12

Ту дыя́н амэн сыр бакрэ́н пэ хабэ́н, и Ту росчхудян амэн машки́р Наюды́тка на́цыи.

Ереме́ё 15:13

Саро́ тыро́ миштыпэ́н и сарэ́ тырэ́ кучипэна Мэ отда́ва тэ чорэн биловэнгиро пал Тырэ́ грэ́хи, со кэрдя́н пир сарэ́ тырэ́ пхувья́ кэ кустыка (границы);

Isajos 50:1

Адя́кэ ракирэ́ла Рай Дэвэ́л: “Кай исын лыл пал дова́, со тумари́ дай розгия́пэ ромэса, кай исын дава́ лыл, савэ́са Мэ отмэкцём ла? И конэ́скэ Мэ бикиндём тумэн? Акэ, бикиндлэ тумэн пал тумарэ́ грэ́хи, пал чорипэ́н тумаро́ сыс отмэкны тумари́ дай.

Isajos 1:27

Зракхэ́лапэ Сио́но чачунэ́ сэндоса, а чхавэ́ лэ́скирэ, савэ́ явнэ́ кэ Дэвэ́л, чачипна́са.

Isajos 62:12

И кхарэ́на лэн свэнтонэ́ народоса, саво́ Рай Дэвэ́л выкиндя, а тут кхарэ́на фороса, саво́ Рай Дэвэ́л зракхця́, на ячкирдэ́ фороса.”

Isajos 63:4

Пал-дова́ со дывэ́с, ко́ли холы́ пхэрдия, исын дро Миро ило́; явдя́ бэрш одолэнгиро, конэ́с Мэ выкиндём.

Езэкилё 16:31

Ко́ли ту кэрэсас пэ́скэ мангипнытка штэ́ты ваш тырэ́ биладжакирэ рэ́нды пашы́л загиибэ́н пэ кажно дром, кэрэсас пэ́скэ вучэ́ штэ́ты пэ кажно вули́ца (га́са). Нэ ту на са́нас тэ́ньчи биладжакунэ́ джувля́са, пал-дова́ со ту на камдян тэ прилэс плэскирибэн.

Езэкилё 34:27

И фэлдытко дрэ́во (кашт) янэ́ла пэ́скиро барьякирдо́ (пло́до); пхув дэ́ла саро́, со барьёла пэ ла́тэ; ёнэ на явэ́на тэ дарэ́н пэ пэ́скири пхув, и ёнэ ґалёна, со Мэ сом Рай Дэвэ́л, Дэвэ́л, ке́ли Мэ роспхандава лэн ґамостыр, и Мэ зракха́ва лэн одолэнгирэ вастэ́стыр, савэ́ залынэ лэн дрэ наволя.

Левито 25:54

Ко́ли ёв на выкинэлапэ адя́кэ, тэды дрэ свэнкоскиро бэрш отджала кокоро́ и лэ́скирэ чхавэ́ лэ́са,

Psalmy 44:13

Ту бикиндян Пэ́скирэ манушэ́н ни пал со, Ту́кэ нанэ нисави́ льго́та (ко́фо) далэ́ тиминатыр.