Isajos 51:9 - Библия - Пэ Балтитко Романи чиб (Романэс) 2019

⁹ Ѓаздэпэ, ґаздэпэ, яв зорало́, васт Ра́скирэ-Дэвлэ́скиро! Ѓаздэпэ сыр дрэ пхуранэ́ бэрша́, ко́ли ґаратуно ро́до дживэлас! Ци на ту хасякирдян Раавос, хасякирдян крокодилос?

Biblija - Pe Baltitko Romani čib (Romanes) 2019

⁹ Ĥazdepe, ĥazdepe, jav zoraló, vast Ráskire-Devléskiro! Ĥazdepe syr dre phurané beršá, kóli ĥaratuno ródo dživelas! Ci na tu xasiakirdian Raavos, xasiakirdian krokodilos?

Isajos 51:9 Referans Kwoze

Isajos 52:1

Ушты́, ушты́, прилэ́ тыри́ зор, Сио́но! Ури тырэ́ и́ди, Ерусалимо, и́ди, савэ́ дэ́на ту́кэ паты́в, свэ́нто фо́ро! Буты́р на заджа́ла кэ ту наобчхиндло и магирдо́ ману́ш.

Isajos 27:1

Дро дова́ дывэ́с чингирэла Рай Дэвэ́л пэ́скирэ куртала́са, сави́ исын пхари́, бари и зоралы́ Левиафонос (драконос), сапэс, саво́ маму́й (прямэс) прастала, и Левиафонос, сапэс, саво́ выкрэнцынэлпэ (диндькирэлапэ), и мулякирэ́ла Рай Дэвэ́л долэ́ даранэ рупучос, саво́ дживэ́ла дро мо́рё (дэрья́в).

Psalmy 89:10

Ту рикирэса зор пэ мо́рё (дэрья́в), сыр ёв холямэс ґлуминэла: ке́ли лэ́скирэ валны ґаздэ́напэ вучэ́с, Ту штылякирэса лэн.

Isajos 30:7

На подрикирэ́ла лэн Еги́пто, палдава́ Мэ пхэндём лэ́нгэ: “Лэ́нгири зор – штылэ́с тэ бэшэ́н.”

Езэкилё 29:3

Ра́кир и пхэн: ‘Адя́кэ ракирэ́ла Рай Дэвэ́л, Дэвэ́л: “Акэ, Мэ выджава пэ ту́тэ фарао́но, Египто́скиро кра́ли, баро́ крокодило, саво́ пасёла машки́р рэ́ки (лэня́) и ракирэ́ла: “Мири́ исын дая́ рэка (лэнь), Мэ кэрдём ла ваш пэ́скэ.”

Isajos 51:17

Ушты́, ушты́, ґаздэпэ, Ерусалимо, ту, саво́ выпиян Ра́скирэ-Дэвлэ́скирэ вастэ́стыр тахта́й (чаша) холя́са, ту выпиян тахта́й пибнаса, саво́ матякирэла, выпиян лэс сарэ́са.

Psalmy 44:1

Хоро́скирэ Дирижоро́скэ. Сыклякирибэ́н Кареескирэ Чхавэ́ндыр.

Ióvo 26:12

Ёв роскунякирэла паня́ дро мо́рё (дэрья́в) Пэ́скирэ зорья́са и Ёв пхагирэ́ла пэ котэра́ морёскирэ (дэрьявэ́скирэ) драконос Рахабос.

Psalmy 7:6

Мэк вэ́рги тэ ґаздэ́нпэ проти миро джиибэ́н, и мэк тэ ухтылэ́н ман, мэк ёнэ тэ домарэн ман дрэ бла́та кэ лю́но (адо), мэк тэ пасёл Миро барипэ́н дро пыло. Сэ́ла.

Avakumo 3:13

Ту ги́ян анги́л тэ зракхэс Тырэ́ манушэ́н, соб (кай) тэ зракхэс Тырэ́ Помакхнэс, Ту пэкадян шэралэс кхэрэ́стыр, кай исын бибахталэ́, Ту росчхудян (розуридян) лэс кэ нангипэ́н шэрэстыр кэ ґэра́. Сэ́ла.

Isajos 62:8

Рай Дэвэ́л совлахадя́ Пэ́скирэ вастэ́са, Пэ́скирэ зоралэ́ вастэ́са: “Мэ на дава́ буты́р гив, соб (кай) тэ хан лэс тырэ́ вэ́рги, чужонэ́ манушэ́нгирэ чхавэ́ на пьена мол (вино), сави́ ту кэрдя́н.

Psalmy 93:1

Рай Дэвэ́л кралинэла, Ёв уридя пэ Пэ́стэ райканы сла́ва: Рай Дэвэ́л уридяпэ и подпхандяпэ зоралыпнаса и Ёв зачхудя свэ́то, Саво́ на тринскирлапэ.

Psalmy 87:4

Мэ ява́ва тэ рипирав Еги́пто и Вавило́но одолэ́нгэ, савэ́ джинэ́на Ман: Ѓа́да, Филистия и Ти́ро Ефиопияса пхэнэ́на-кадава́ ману́ш бия́ндыя одо́й.

Psalmy 44:23

Чачо́, пал Ту́тэ амэн замарэна со дывэ́с, амэн гинэ́на сыр бакрэ́н, савэ́н чхинэна.

Sykadyipén 12:9

И баро́ драконо сыс чхурдыно́ тэлэ́, пхурано́ сап, савэ́с кхарэ́на на́лачхо ци бэнг, саво́ хохавэлас саро́ свэ́то. Ёв сыс чхурдыно́ тэлэ́ пэ пхув и лэ́скирэ Янго́лы сыс чхурдынэ́ тэлэ́.

Sykadyipén 11:17

“Амэ парикираса Ту́кэ, Баро́ Раё Дэ́вла, Сарэзорья́киро, Екх, Кон исын и Кон сыс, пал-дова́ со Ту лыян Тыро́ зоралыпэ́н и яця́н тэ кралинэс.

Luka 1:51

Ёв кэрдя́ барэ́ бутя́ Пэ́скирэ мышчаса (вастэ́са), рострадыя одолэ́н, савэ́ исын пхутькирдэ́ и бут камэ́на дрэ пэ́скирэ илэ;

Avakumo 2:19

Бида пэ лэ́стэ, кон ракирэ́ла пэ кашт: “Джангадёв (ушты́)!”, кашукэ (мутонэ) барэскэ: “Ушты́!” Ци явэ́ла ёв тэ сыклякирэ́л? Акэ, ёв исын пиричхудо сувнака́са и рупэ́са, нэ нанэ джидо́ ду́хо (фа́но) дрэ лэ́стэ.

Isajos 53:1

Кон патяндыя лавэ́скэ, саво́ шундлэ́ амэ́ндыр, конэ́скэ откэрдяпэ Ра́скирэ-Дэвлэ́скиро васт?

Isajos 51:5

Пашылэды́р исын Миро чачипэ́н; и джа́ла упрэ́ Миро зракхибэ́н и васт Миро сэндякирэ́ла народы. Островы явэ́на тэ рикирэ́н наде́я пэ Ма́ндэ, и явэ́ла наде́я пэ Миро васт.

Psalmy 78:65

Тэ́ньци Рай Дэвэ́л джангадыя сы́рбы соибнастыр, сы́рбы кодова́ зоралыпнаскиро ману́ш, саво́ радынэ́лапэ ґодласа моля́тыр (виностыр);

Psalmy 21:13

пал-дова́ со Ту рискирэса кэ ёнэ думэса; Ту рискирэса марибны́тка бустя́ (стре́лы) пэ Пэ́скиро лу́ко пэ лэ́нгирэ муя́.

Сэндарьенгири Лылвари́ 6:13

Гедео́но пхэндя́ лэ́скэ: “Раё миро! Ко́ли Рай Дэвэ́л тэ явэ́л амэ́нца, тэды со́стыр латхя́ амэн саро́ дава́? И кай сарэ́ Лэ́скирэ ди́вы, пал савэ́ндэ роспхэндлэ́ амэ́нгэ амарэ́ дада́, ракири́: “Египто́стыр вылыджия́ амэн Рай Дэвэ́л? Какана́ ячкирдя́ амэн Рай Дэвэ́л и отдыя́ амэн Мадианитянэнгэ дрэ васта́.”

Яви́р Зако́но 4:34

Ци скэдэласпэ вари-саво́ Дэвэ́л тэ джал, тэ лэл пэ́скэ манушэ́н машки́р явирэ манушэ́ндэ тхагарьенца, знамение́нца (ґертыкэ́нца) и дивэнца, и марибна́са, и зоралэ́ вастэ́са, и вучэ́ вастэ́са, и барэ́ страхаса, сыр кэрдя́ ваш тумэ́нгэ Рай Дэвэ́л, тумаро́ Дэвэ́л, дро Еги́пто анги́л тырэ́ якха́?

Joannostir 12:38

мэк тэ сполнинэ́лпэ Исаёскирэ-пророкоскиро лав: “Раё Дэ́вла! Кон патяндыя занякэ (звесякэ), сави́ шундлэ́ амэ́ндыр, и конэ́скэ отчхакирдяпэ Дэвлэ́скири зор?”

Psalmy 59:4

Пал-дова́ со ґа́да, ёнэ подракхэна тэ замарэ́н ман; зор мануша́ скэдэ́напэ пэ ма́ндэ: на пал мирэ́ чорэ́ рэ́нды ци пал миро грэ́хо, о Раё Дэ́вла!

Vygiiben 6:6

И адя́кэ пхэн Израилёскирэ чхавэ́нгэ: ‘Мэ сом Рай Дэвэ́л, и Мэ вылыджава тумэн Египтянэнгирэ дынарибнастыр, и вылыджава тумэн лэ́нгирэ плено́стыр, и зракха́ва тумэн протырдынэ вастэскирэ масэса и барэ́ сэндэнца;

Ióvo 9:13

Дэвэ́л на лэ́ла кри Пэ́скири холы́; Шуахостыр помогибнаскирэ бандёна тэл Лэ́стэ:

Psalmy 77:5

Ёв рикирэ́ла мирэ́ якха́ тэ явэ́н откэрдэ, ма́нгэ исын пхаро́ и мэ на могина́ва тэ ракира́в.

Isajos 52:10

Сыкадя́ сарэ́нгэ Рай Дэвэ́л Пэ́скиро свэ́нто васт, соб (кай) тэ дыкхэ́н сарэ́ народы; сарэ́ пхувья́кирэ яго́ры (концы) дыкхэ́на амарэ́ Дэвлэ́скиро зракхибэ́н.

Заха́рия 2:13

‘Мэк штыл тэ явэ́л каждо лоч (плоть) анги́л муй Дэвлэ́скиро! Пал-дова́ со Ёв ґаздэ́лапэ Пэ́скирэ свэнтонэ́ штэто́стыр!”

Заха́рия 10:11

И ёнэ джа́на пир бари би́да пир мо́рё (дэрья́в) и Мэ хасякира́ва валны моритка адя́кэ, со тэрдёна сарэ́ хорипна рэкакирэ (лэнякирэ), тыкнёла Асуроскиро пхутькирибэ́н и отлэна скипетро Египто́стыр.

Psalmy 44:2

Амэ шундя́м пэ́скирэ канэнца, о Дэ́вла, амарэ́ дада́ роспхэндлэ́ пал ди́вна бутя́, савэ́ Ту кэрдя́н дрэ лэ́нгирэ дывэса́, дрэ дывэса́ ґаратунэ́ (вагунэ́).

Psalmy 44:24

Ушты́! Со́скэ Ту сан суто́, о Раё Дэ́вла? Яв пашылэды́р! На джа́ криг сарэ́са.

Psalmy 89:11

Ту пхарадян Еги́пто пэ котэра́, сыр кодолэ́с, кон исын мулякирдо; Ту росчхурдыян Тырэ вэргэ́н Тырэ зоралыпнаскирэ вастэ́са.

Mihiejo 7:15

Сыр сыс дрэ дывэса́, ке́ли ёнэ выджа́нас Египто́скирэ пхувья́тыр, сыка́в лэ́нгэ Тырэ́ ди́вна рэ́нды.

Apostolengiri Butý 7:7

нэ Мэ, – пхэндя́ Дэвэ́л, – ява́ва тэ сэндякирав пхарэ́с одолэ́ – нацыякирэ манушэ́н, ваш конэ́скэ ёнэ явэ́на писха́рья; и палэ дава́ ёнэ выджа́на долэ́ пхувья́тыр и явэ́на тэ дынаринэ́н Ма́нгэ пэ дава́ штэ́то.