Isajos 51:8 - Библия - Пэ Балтитко Романи чиб (Романэс) 2019

⁸ Пал-дова́ со ёнэ хасёна; кирмо схала лэн, сыр вы́лна (шэрсь), а чачипэ́н Миро явэ́ла ве́чно, зракхибэ́н Миро николи на пириячэ́ла.”

Biblija - Pe Baltitko Romani čib (Romanes) 2019

⁸ Pal-dová so jone xasjona; kirmo shala len, syr výlna (šers'), a čačipén Miro javéla viéčno, zrakhibén Miro nikoli na pirijačéla.”

Isajos 51:8 Referans Kwoze

Isajos 51:6

Ѓаздэн тумарэ́ якха́ кэ болыбэ́н и подыкхэн тэлэ́ пэ пхув: болыбэ́н хасёла сыр тхув, а пхув кэрлапэ сыр пхураны и́дя, мануша́ пэ ла́тэ вымэрэна, а Миро зракхибэ́н исын ве́чно; чачипэ́н Миро на хасёла.

Isajos 50:9

Акэ, Рай Дэвэ́л дэ́ла васт (помогинэла) Ма́нгэ: кон сэндякирэ́ла Ман? Акэ, сарэ́ ёнэ исын, сыр и́дя: пхурьёна, хасёна.

Luka 1:50

И Лэ́скиро тангипэ́н явэ́ла пэ сарэ́ ро́ды, кон дарэ́ла Лэ́стыр.

Osija 5:12

Мэ ява́ва сы́рбы моль (мэль) ваш Ефремоскэ, и сы́рбы кирмо [кирныпэн-ю.о.] ваш кхэр Юда́скиро.

Isajos 66:24

“И ёнэ явэ́на тэ выджа́н и явэ́на тэ дыкхэ́н одолэ́-манушэ́нгирэ тру́пы, кон отгия́ Ма́ндыр; пал-дова́ со кирмо лэ́нгиро на хасёла, и яг лэ́нгири на мурдёла; ёнэ явэ́на сыр джунгалыпэ́н (магирипэ́н) ваш кажно лоч (плоть).”

Ióvo 4:19

и пэ кицы́ буты́р Ёв на допатяла манушэ́нгэ, кон дживэ́ла дрэ кхэра́ блататыр, со кирнёна, кон выгинэ́ прахостыр, кон роспхаравэлапэ сыр моль (мэль)!

Isajos 46:13

Подги́я Миро чачипэ́н, ёв исын на́дур, сы́гэс явэ́ла Миро зракхибэ́н; Мэ да́ва зракхибэ́н Сионоскэ, а Израилёскэ – Мири́ паты́в.

Isajos 45:17

А Израилё явэ́ла зракхно пир ве́чно зракхибэ́н дро Растэ-Дэвлэ́стэ; тумэ́ на явэ́на ладжакирдэ́ никели.

Ióvo 13:28

Нэ, о ману́ш, сыр и мэ, роскирнёлапэ сыр кирно котэ́р, сы́рбы урибэ́н, со моль (мэль) ха́ла.

Isajos 14:11

Дро лю́но (адо) исын чхурдыно́ тыро́ пхутькирибэ́н сарэ́ тырэ́ шумоса, тэлэ́ ту́тэ пашто́ исын кирмо, кирмэ тут учхакирэна.

Дание́лё 9:24

эфтадэша́ куркэ сыс гиндлэ́ ваш тыро́ народо и тыро́ свэ́нто фо́ро, Ерусалимо, соб (кай) учхакирдо тэ явэ́л чорипэ́н и тэ кончынэнпэ грэ́хи и тэ явэ́н выкхослэ бизаконытка рэ́нды (бизаконии), и, соб (кай) тэ явэ́л лыджино ве́чно чачипэ́н, тэ явэ́н запечатымэ дыкхибэ́н и проро́ко, и тэ явэ́л помакхно Свэ́нто-свэнтонэнгиро.

Isajos 54:9

Дава́ исын ваш Ма́нгэ сыр пани́ дрэ Ноёскирэ дывэса́; сыр совлахадём, тэ́ньчи, ко́ли дживэлас Ноё, со пани́ буты́р на явэ́ла пэ пхув, адя́кэ совлахадём, со Мэ на лава́ тэ холясовав пэ ту́тэ.