Isajos 51:6 - Библия - Пэ Балтитко Романи чиб (Романэс) 2019

⁶ Ѓаздэн тумарэ́ якха́ кэ болыбэ́н и подыкхэн тэлэ́ пэ пхув: болыбэ́н хасёла сыр тхув, а пхув кэрлапэ сыр пхураны и́дя, мануша́ пэ ла́тэ вымэрэна, а Миро зракхибэ́н исын ве́чно; чачипэ́н Миро на хасёла.

Biblija - Pe Baltitko Romani čib (Romanes) 2019

⁶ Ĥazden tumaré jakhá ke bolybén i podykhen telé pe phuv: bolybén xasjola syr thuv, a phuv kerlape syr phurany ídia, manušá pe láte vymerena, a Miro zrakhibén isyn viéčno; čačipén Miro na xasjola.

Isajos 51:6 Referans Kwoze

Матфеё 24:35

Болыбэ́н и пхув проджа́на, а лава́ Мирэ́ на проджа́на.

Isajos 34:4

Хасёла болыбнытко халадыбэ́н (болыбны́тка халадэ́), и болыбэ́н закэрэлапэ (пхандэлапэ), сыр лылвари́; чэргэня́ пэрэ́на, сыр патри́н (листо) винаградоскирэ рандятыр, сыр шуки́ патри́н смоковнытконэ каштэ́стыр.

Isajos 51:8

Пал-дова́ со ёнэ хасёна; кирмо схала лэн, сыр вы́лна (шэрсь), а чачипэ́н Миро явэ́ла ве́чно, зракхибэ́н Миро николи на пириячэ́ла.”

Isajos 13:13

Ваш дава́ Мэ чилавава болыбэ́н, и пхув зджа́ла пэ́скирэ штэто́стыр, ко́ли холясо́ла Рай Дэвэ́л, болыбна́скирэ-янголэ́нгиро, дро дывэ́с, ко́ли захачола Лэ́скири холы́.

Sykadyipén 20:11

И мэ дыкхцём баро́ парно́ троно и Екхэ́с, Кон сыс бэшто́ пэ лэ́стэ. Пхув и болыбэ́н нашэнас криг Лэ́скирэ мо́стыр и штэ́то на сыс латхно лэ́нгэ.

Isajos 40:26

Ѓаздэн тумарэ́ якха́ кэ вучо́ болыбэ́н и подыкхэн? Кон лэс создыя́? Кон вылыджала Пэ́скирэ чэргэня́ и гинэ́ла лэн? Сарэ́ чэргэня́ Ёв кхарэ́ла пир лав, ничи́ на хасёла Лэ́стэ, пал-дова́ со исын лэ́стэ бари зор и зоралыпэ́н.

Яви́р Зако́но 4:19

и соб (кай) ту, дыкхи́ пэ болыбэ́н, и ке́ли дыкхця́н кхам, чхон и чэргэня́ и саро́, со исын пэ болыбэ́н, соб (кай) дава́ тэ на злыджал тут, и тэ на мангэспэ лэ́нгэ, и тэ на дынаринэс лэ́нгэ, адя́кэ сыр Рай Дэвэ́л, Дэвэ́л тыро́, дыя́ лэн сарэ́ манушэ́нгэ тэл саро́ болыбэ́н сыр мэкно́ миштыпэ́н (наследство).

Дание́лё 9:24

эфтадэша́ куркэ сыс гиндлэ́ ваш тыро́ народо и тыро́ свэ́нто фо́ро, Ерусалимо, соб (кай) учхакирдо тэ явэ́л чорипэ́н и тэ кончынэнпэ грэ́хи и тэ явэ́н выкхослэ бизаконытка рэ́нды (бизаконии), и, соб (кай) тэ явэ́л лыджино ве́чно чачипэ́н, тэ явэ́н запечатымэ дыкхибэ́н и проро́ко, и тэ явэ́л помакхно Свэ́нто-свэнтонэнгиро.

Юдэ́нгэ 9:15

И палдава́ Христо́со яндя́ Нэво́ Завето, соб (кай) одолэ́ мануша́, савэ́н Дэвэ́л кхардя кэ Пэ прикхардя, могиндлэ́ тэ дорэсэн ве́чно штэ́то дро Болыбна́скиро Раё, пал со Ёв и дыя́ лав. Лэ́скиро мэрибэ́н исын сы́рбы выкиныбэ́н пал грэ́хи, савэ́ кэрдэ́ мануша́, ке́ли пхурано́ завето рикирдя зор.

Isajos 50:9

Акэ, Рай Дэвэ́л дэ́ла васт (помогинэла) Ма́нгэ: кон сэндякирэ́ла Ман? Акэ, сарэ́ ёнэ исын, сыр и́дя: пхурьёна, хасёна.

Isajos 45:17

А Израилё явэ́ла зракхно пир ве́чно зракхибэ́н дро Растэ-Дэвлэ́стэ; тумэ́ на явэ́на ладжакирдэ́ никели.

Юдэ́нгэ 9:12

и на бузнэ́нгирэ (козлэнгирэ) и целянтэ́нгирэ ратэ́са, а Пэ́скирэ ратэ́са Ёв загия́ е́кхвар дро Най Свэнтэдыр Штэ́то, и дорэсця́ ве́чно выкиныбэ́н пал амарэ́ грэ́хи.

2 Фесалоникийцэнгэ 2:16

Мэк Кокоро́ амаро́ Рай Дэвэ́л, Ису́со Христо́со, и Дэвэ́л амаро́ Дад, Савэ́скэ яця́м дро́га амэ и дыя́ пир бахталыпэ́н ве́чно подрикирибэ́н и лачхи́ наде́я,

Joannostir 5:24

Чачэс, чачэс Мэ ракира́ва тумэ́нгэ: одова́, кон шунэ́ла Миро Лав и патя́ла Кодолэ́скэ, Кон бичхадя́ Ман, лэ́стэ исын ве́чно джиибэ́н и ёв пэ сэ́ндо на явэ́ла, ёв какана́ пиригия мэрибна́стыр дро джиибэ́н.

Юдэ́нгэ 5:9

и ке́ли Христо́со кэрдя́ кэ ко́нцо / яго́ро (сполниндя) дава́ саро́, Ёв яця́ и тэ зракхэ́л манушэ́н пэ сарэ́ ве́ки, савэ́ кандэ́на Лэс,

Psalmy 103:17

Нэ Ра́скирэ-Дэвлэ́скири лачхэ́-илы́ткима исын биконио́скиро (биягоро́скиро) ваш одолэ́нгэ, савэ́ дарэ́на Лэ́стыр, а лэ́скиро чачипэ́н ваш чхавэ́нгирэ чхавэ́нгэ,

Isajos 33:6

И явэ́ла часо, ко́ли на явэ́на тэ дарэ́н никонэстыр, ко́ли явэ́ла баро́ зракхибэ́н, годы́ и джиныбэ́н, а дар Дэвлэ́скири явэ́ла тырэ́ кучипнаса.

Isajos 54:10

Бэ́рги зджана пэ́скирэ штэто́стыр, бэ́ргицы издрана, Миро лачхипэ́н ту́тыр на отджала, Завето, дрэ саво́ исын Миро рама́нё (миро) на парудёла”, – ракирэ́ла Рай Дэвэ́л, Саво́ тангинэла тут.

Psalmy 111:3

Саро́, со кэрэ́ла Рай Дэвэ́л, исын патывало и славу́тно, и Лэ́скиро чачипэ́н ячэ́лапэ пэ сарэ́ ве́ки.

Isajos 54:9

Дава́ исын ваш Ма́нгэ сыр пани́ дрэ Ноёскирэ дывэса́; сыр совлахадём, тэ́ньчи, ко́ли дживэлас Ноё, со пани́ буты́р на явэ́ла пэ пхув, адя́кэ совлахадём, со Мэ на лава́ тэ холясовав пэ ту́тэ.