Isajos 51:5 - Библия - Пэ Балтитко Романи чиб (Романэс) 2019

⁵ Пашылэды́р исын Миро чачипэ́н; и джа́ла упрэ́ Миро зракхибэ́н и васт Миро сэндякирэ́ла народы. Островы явэ́на тэ рикирэ́н наде́я пэ Ма́ндэ, и явэ́ла наде́я пэ Миро васт.

Biblija - Pe Baltitko Romani čib (Romanes) 2019

⁵ Pašyledýr isyn Miro čačipén; i džála upré Miro zrakhibén i vast Miro sendiakiréla narody. Ostrovy javéna te rikirén nadiéia pe Mánde, i javéla nadiéia pe Miro vast.

Isajos 51:5 Referans Kwoze

Isajos 46:13

Подги́я Миро чачипэ́н, ёв исын на́дур, сы́гэс явэ́ла Миро зракхибэ́н; Мэ да́ва зракхибэ́н Сионоскэ, а Израилёскэ – Мири́ паты́в.

2 Коринфянэнгэ 5:10

Пал-дова́ со амэ́нгэ сарэ́нгэ трэй тэ сыкавас пэс анги́л Христосо́скиро сэндари́тко штэ́то, соб (кай) амэ могинаса тэ дорэсас (тэ долас) пал дова́, со амэ кэрдя́м пал пэ́скиро джиибэ́н дрэ маса́: лачхипэ́н ци фуипэ́н.

Isajos 60:9

Чачо́, Ман островы ужакирэ́на, и анги́л лэ́ндэ исын па́рмы Фарсисоскирэ, соб (кай) тэ пирилыджан дур тырэ́ чхавэ́н, лэ́нгиро руп и сувнака́й ваш тыро́ Ра́скирэ-Дэвлэ́скиро лав, пал-дова́ со Ёв дыя́ ту́кэ бари паты́в.

Isajos 42:4

На пэрэ́ла Ёв бизорьякоро, на кхинёла кэ дова́ часо, сыр Ёв кэрэ́ла сэ́ндо пхувьякэ; и пэ Зако́но Лэ́скиро ужакирэ́на лачхипна́са островы.”

Римлянэнгэ 2:16

дро дова́-паць дывэ́с, ке́ли Дэвэ́л пир бахталы́ зан (звесь), сави́ мэ роспхэндём, явэ́ла тэ сэндякирэ́л сарэ́ чораханэ манушэ́нгирэ рэ́нды пир Исусо́стэ Христосо́стэ.

Apostolengiri Butý 17:31

пал-дова́ со Ёв выкэдыя́ дывэ́с, ке́ли Ёв явэ́ла тэ сэндякирэ́л свэ́то чачунэ́ сэндоса пир Манушэ́стэ, Савэс Ёв выкэдыя́, Ёв сыкадя́ дава́ выкэдыибэн сарэ́ манушэ́нгэ, ке́ли отджидякирдя́ Лэс мулэ́ндыр.”

Luka 24:47

и, соб (кай) тэ пхэнэлпэ лав ваш Лэ́скирэ-Манушэ́скиро рисибэн грэхэ́ндыр кэ Дэвэ́л, соб (кай) Ёв тэ отмэкэ́л грэ́хи машки́р сарэ́ на́цыи, лыи тэ кэрэ́л дава́ Ерусалимо́стыр.

Marko 16:15

Ису́со пхэндя́ лэ́нгэ: “Джа́н пир саро́ свэ́то (лот) и пхэнэ́н лав Евангелиятыр кажнонэ́ джидэ́ создыибнаскэ.

Матфеё 28:18

На Ису́со явдя́ и пхэндя́ лэ́нгэ; “Саро́ право дыно́ Ма́нгэ, сыр пэ болыбэ́н, адя́кэ пэ пхув.

Матфеё 3:2

и раки́рла: “Приґалён пэ́скирэ грэ́хи (бизы), какана́ явдя́ пашылэды́р Кралипэ́н дро Болыбна́скиро Раё.”

Софония 2:11

О Рай Дэвэ́л явэ́ла трашано ваш лэ́нгэ; пал-дова́ со Ёв розмарэла сарэ́ дэвлорэн пэ пхув; мануша́ явэ́на тэ дэн паты́в Лэ́скэ, кажно ману́ш пэ пэ́скиро штэ́то, и пэ островы (джипа́) сарэ́ манушэ́нгирэ-родэнгирэ.

Ioil 3:12

“Мэк Наюды́тка на́цыи тэ джангадён, и мэк тэ явэ́н пэ до́ло Иосафато́скиро: пал-дова́ со одо́й Мэ, Рай Дэвэ́л, бэшава тэ сэндякирав сарэ́ Наюды́тка на́цыи, со исын трусця́л (кругом).

Isajos 63:5

Мэ дыкхцём, нэ на сыс никонэ́с, кон бы дыя́ васт (помогиндя); дивиндёмпэ, со на подрикирдя нико́н, нэ помогиндя Ма́нгэ Миро васт, и Мири́ холы́ подрикирдя Ман.

Isajos 56:1

Адя́кэ ракирэ́ла Рай Дэвэ́л: “Ракхэ́н сэ́ндо и кэрэ́н чачипэ́н, пал-дова́ со подги́я Миро зракхибэ́н и Миро чачипэ́н сыкадёла (откэрлапэ).

Isajos 49:1

Шунэ́н Ман, островы (пхувья́ пэ мо́рё (дэрья́в)). Шунэ́н, дуратунэ́ народы: Рай Дэвэ́л прикхардя ман, (Израилё), да́кирэ лочовя́тыр; Мэ ишчо (инкэ́) на бияндыём, а Ёв кхарэлас Ман пир лав.

Isajos 40:10

Акэ, Рай Дэвэ́л, Дэвэ́л явэ́ла зорья́са и Лэ́скиро васт исын зорья́са. Акэ, мазу́ри (награда) Лэ́скири исын Лэ́са, Ёв отдэ́ла палэ сарэ́нгэ анги́л Пэ́скиро муй.

Psalmy 98:9

Анги́л Растэ-Дэвлэ́стэ, пал-дова́ со Ёв джа́ла тэ сэндякирэ́л пхув: Ёв явэ́ла тэ сэндякирэ́л свэ́то пир чачипэ́н и Ёв чачунэ́с явэ́ла тэ сэндякирэ́л манушыпнаскирэ на́цыи.

Psalmy 85:9

Мэ ява́ва тэ шунав, со Рай Дэвэ́л, Дэвэ́л пхэнэ́ла: пал-дова́ со Ёв явэ́ла тэ ракирэ́л пал рама́нё (миро) Пэ́скирэ манушэ́нгэ и Пэ́скирэ дэвлытконэнгэ, соб (кай) ёнэ тэ на пэрэ́н нэвэ́стыр дро дылныпэ́н.

Psalmy 67:4

Мэк сарэ́ манушыпнаскирэ на́цыи тэ парикирэ́н Ту́кэ, Дэ́вла, мэк сарэ́ на́цыи тэ парикирэ́н Ту́кэ.

1 Kralip 2:10

Рай Дэвэ́л тринскирэла криг манушэ́с, саво́ кошэлапэ Лэ́са; болыбна́стыр Ёв грымитинэла пэ лэ́ндэ. Рай Дэвэ́л явэ́ла тэ сэндякирэ́л пхувья́кирэ яго́ры (краи́), и Ёв дэ́ла зор Пэ́скирэ крали́скэ, и ґаздэ́ла Пэ́скирэ помакхибнарискиро шынг (ро́го).”

Яви́р Зако́но 30:14

Дава́ лав исын древа́н пашы́л кэ ту: ёв исын дрэ тырэ́ ушта́ и дро тыро́ ило́, соб (кай) тэ сполнинэс лэс.

Psalmy 110:6

Ёв явэ́ла тэ сэндякирэ́л машки́р Наюды́тка на́цыи; Ёв ячкирэ́ла пэ сарэ́ штэ́ты пир пхув тру́пы; Ёв злэла шэрэ́ барыдырэндэ, кон хулаинэла пир бари пхув.

Psalmy 96:13

анги́л Растэ-Дэвлэ́стэ, Саво́ джа́ла тэ сэндякирэ́л пхув. Ёв явэ́ла тэ сэндякирэ́л свэ́то чачунэ́с, и Ёв явэ́ла тэ сэндякирэ́л манушэ́н Пэ́скирэ патяибна́са.

Isajos 11:11

Явэ́ла дро дова́ дывэ́с адя́кэ: ишчо (инкэ́) протырдэла Рай Дэвэ́л Пэ́скиро васт, соб (кай) тэ рискирэ́л ячаибэ́н Пэ́скирэ народо́стыр, саво́ ячэ́лапэ кэ Асуро, дро Еги́пто, кэ Патросо, кэ Хусо, кэ Еламо, кэ Сенааро, кэ Емафо, пэ островы, савэ́ исын пир мо́рё (дэрья́в).

Isajos 24:15

Шарэ́н Рас-Дэвлэ́с пэ васто́ко, пэ островы, шарэ́н Ра́скирэ-Дэвлэ́скиро, Израилёскирэ-Дэвлэ́скиро лав!

Isajos 26:4

На ячкирэн (на ячавэн) Рас-Дэвлэ́с николи, пал-дова́ со Рай Дэвэ́л исын зоралыпэ́н ве́чно.

Isajos 33:2

Раё Дэ́вла! Зра́кх амэн! Пэ Ту́тэ исын амари́ наде́я. Яв тася́рлэс (ра́нэс) амарэ́ вастэ́са, амарэ́ зракхибнаса дро пхаро́ часо.

Isajos 33:22

Пал-дова́ со Рай Дэвэ́л исын амаро́ Сэнда́ри, Рай Дэвэ́л дэ́ла амэ́нгэ Зако́но, Рай Дэвэ́л исын амаро́ Кра́ли, Ёв зракхэ́ла амэн.

Isajos 54:17

Кон бы на ґаздэласпэ пэ ту́тэ вари-со́са, ничи́ ту́са на кэрэ́лапэ; со б на ракирэ́нас пал ту́тэ пэ сэ́ндо, ёнэ явэ́на бангэ́, а на ту. Дава́ исын да́ро сыр мэкно́ миштыпэ́н, со прилэ́на Ра́скирэ-Дэвлэ́скирэ писха́рья, ёнэ явэ́на отмэкнэ и дава́ исын Ма́ндыр,” – ракирэ́ла Рай Дэвэ́л.

Isajos 59:16

И Ёв дыкхця́, со нанэ манушэ́с, дивно яця́ Лэ́скэ, со нанэ одолэ́с, кон бы тэ затэрдёл, помогиндя бы Лэ́скэ Лэ́скиро васт, и чачипэ́н Лэ́скиро Лэс подрикирдя.

Isajos 62:11

Акэ, Рай Дэвэ́л пхэнэ́ла кэ сари́ пхув: “Пхэнэ́н патывалэ́ чхакэ Сионо́стыр: акэ, джа́ла тыро́ Зракхибнари, Лэ́скири мазу́ри (награда) исын Лэ́са, и отдыибэ́н Лэ́скиро исын анги́л Лэ́стэ.